依家先訂暑假英國機票？呢隻可能係最後機會：俄羅斯全祿航空（Transaero）香港經莫斯科轉機往倫敦希斯路，來回連稅HK$4,825起（9至10月）或HK$5,610起（7月至8月），以暑假出發+Last Minute買飛而言，呢口價絕對無懸念，有票即殺！最正係暑假後，嘩連稅唔駛五千，同X港歐有得揮！不過供應唔多，要上官網慢慢發掘，最遲須於10月底前回港。

提提您：部份航班在莫斯科轉機時需要換機場，因為要入境，小心額外簽證費！香港特區護照就免簽，BNO就要辦。仲要留意轉機時間頗長，可能需要在莫斯科過夜，或者當免費中停玩一日吧！

網址：transaero.ru

（覺得抵可用Whatsapp同LINE Share俾朋友架）

暑假有平！俄羅斯全祿航空香港來回倫敦連稅$4,825起，10月底前出發

我哋曾經報過嘅俄羅斯全祿航空（Transaero）北京飛巴黎奧利（ORY）嘅超超超超平機票（詳情請睇：http://flyagain.la/18504），仲有得賣架！不過今次要去美國Priceline訂。來回連稅計US$244起（約HK$1,892起），機票有效期長達2個月（回程必須於3月28日前），再配番張港航平價香港來回北京機票（來回連稅約HK$1,500左右，但留意機票有效期只有7日，建議兌換里數出機票為佳，因為逗留日子可以長啲），來回最平可以做到HK$3,400左右，仲可以順道玩埋北京添！Check過系統，呢批飛集中喺2月至3月淡季期間，不過貨量愈來愈少，大家要慢慢搵。提提您，要留意部份機票到莫斯科時要換機場轉機，呢類飛要避免入手；轉機時間亦比較長，不過咁平冇法啦！啱就上美國版Priceline買飛，要留意網站以”美金”結算，用外幣簽賬信用卡公司會收您1%-2%手續費，不過點計都抵。

網址：www.priceline.com

（覺得抵可用Whatsapp同LINE Share俾朋友架）

仲有少量！俄羅斯全祿航空北京來回巴黎連稅$1,892起，3月28日前出發

漏夜都報，皆因又有漏洞機票呀呀呀！！！今次目標係俄羅斯全祿航空（Transaero），佢由北京來往歐洲（經莫斯科轉機）部份航點出現超平飛，來回淨機票約HK$720起，連稅計：巴黎奧利（ORY）HK$1,903起，維也納$2,070起，柏林$2,214起（部份日子更可以做到法蘭克福入柏林出），出發日期由2015年1月15日至3月28日（但漏洞飛供應主要喺1至2月中），機票有效期長達2個月（回程必須於3月28日前），再配番張港航平價香港<->北京機票（來回連稅約HK$1,500左右，但留意機票有效期只有7日，建議兌換里數出機票為佳，因為逗留日子可以長啲），來回最平可以做到HK$3,400左右，仲可以順道玩埋北京添！Check過系統，呢批漏洞飛（Class Code為W）以去程週二及回程週三／日為主，但要花啲耐心搵，因為日子選擇唔多。此外，要留意部份機票到莫斯科時要換機場轉機，呢類飛要避免入手；轉機時間亦比較長，不過咁平冇法啦！由於官網已經關閉（因為佢仲有其他出發地點有漏洞飛，估計修理當中），唯有去番網上旅行社買，其中香港攜程（Ctrip）及美國Cheaptickets.com有得賣，咁梗係幫襯香港Ctrip，話晒用港幣結算兼且有香港電話熱線，有問題易解決啲。

漏洞嘅嘢有一定風險，老規舉：千祈唔好打電話／email問航空公司，以免打草驚蛇！手快有手慢冇！

網址：www.ctrip.com.hk

（覺得抵可用Whatsapp同LINE Share俾朋友架）

大漏洞！俄羅斯全祿航空北京來回連稅：巴黎$1,903，維也納$2,070，柏林$2,214起，2015年1及2月出發

有冇諗過復活節飛莫斯科仲平過飛亞洲？真架！全祿航空（Transaero Airlines）做緊大劈，直航莫斯科DME機場，來回淨機票HK$2,070起，連稅HK$3,716，Check過系統，復活節期間出發都有呢口價（例如17/4，23/4返），同一時間飛日本韓國新加坡都唔止啦！平到得人驚～如果玩耐啲（如17/4去26/4返），只係貴HK$510而已。呢隻平飛另一大賣點係機票有效期可長達2個月多啲（必須於31/5前完成行程），比一般歐洲平機票1個月更耐用，您大可以用佢做跳板，先玩莫斯科，再搭歐洲廉航飛其他歐洲城市，咁就可以又平又玩得耐喇！官網貴啲，去ZUJI買抵好多。

全祿航空每週兩班直飛莫斯科DME，去程逢四／日，回程逢三／六，時間如下：

UN966 HKG 1235 / 1830 DME 763 4,7
UN965 DME 2110 / 0950+1 HKG 763 3,6

網址：www.zuji.com.hk

（覺得抵請記得按Like同Share俾朋友）