一講非洲就諗到機票好貴？其實連稅三千幾蚊已經去到！阿提哈德航空暗出一隻冷門優惠：香港經阿布扎比來回南非約翰內斯堡只需HK$3,032（連稅HK$3,628）起，肯亞奈羅比HK$3,549（連稅HK$4,129）起。呢口價飛非洲真係絕對平，大家可以實現踏足非洲土地的夢想，搵吓野生動物喇！Check過系統，平飛集中10-11月，官網冇此價，大家可到ctrip出票。

【出發日期】10月12日至12月10日（最遲於17年1月15日返程）
【機票有效期】2個月
【最後訂票日期】7月20日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

超平勇闖非洲！阿提哈德來回約翰內斯堡$3,032、奈羅比$3,549起，12月10日前出發

約翰內斯堡平機票？最常提都係喺Fanfares喇，但又要成日捕住，都唔知佢幾時先出一次。如果唔介意大陸航空，可以睇睇中國國航優惠：香港經北京來回南非約翰內斯堡只需HK$1,050（連稅HK$3,876）起。以價論價已經算好唔錯，連稅三千幾蚊就可實現踏足非洲土地的夢想，係睇你坐唔坐國航。賣點之一係暑假都有優惠，以旺季嚟講好罕有，而7-8月係當地冬季，可以避暑之餘，又可親近野生動物，好正呀！此外，呢張飛仲可免費中停北京，以北京平時好少有平機票，一次過玩埋就真係抵晒。

提提大家：大陸空管頻頻，轉機需預3小時或以上，並需預備回鄉卡。想訂中停北京機票，方法都好簡單，先搵咗香港來回約翰內斯堡有平日子先，如8月7日去、8月15日返，再用多個目的地方法去Search，分3段輸入，舉例a. 8月7日香港-約翰內斯堡，b. 8月15日約翰內斯堡-北京 c. 8月18日北京-香港，連稅價同樣為HK$3,876起。

【出發日期】即日起至10月31日、2017年2月1日至5月（系統最遠買到出年5月份的機票）
【機票有效期】1個月
【最後出票日期】10月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

暑假出走南非！中國國航香港來回約翰內斯堡，連稅$3,876起，2017年5月前出發

好耐冇同大家發掘南非平機票，埃塞俄比亞航空有筍貨：香港經阿迪斯阿貝巴飛南非約翰內斯堡來回HK$2,005（連稅HK$3,727）起，呢口價飛非洲大陸比較少見，而且依幾個月正係當地春季，氣候怡人，幾適宜去南非。出發日期由即日起至2016年3月31日，Check過系統，平飛供應量多，聖誕節（12月24/25日）出發或出年復活節都有此價。機票有效期為3個月，最後出票日期為9月30日，上Ctrip訂票。

網址：www.ctrip.com.hk

（覺得抵可用Whatsapp同LINE Share俾朋友架）

冷門罕平！埃塞俄比亞航空香港飛約翰內斯堡連稅$3,727起，2016年3月31日前出發

呢個漏洞機票，相信唔會太多fans有興趣，當係開下眼界啦！簡略如下：

搭土耳其航空商務客艙，由南非約翰尼斯堡出發，單程飛往瑞士日內瓦或蘇黎世，土耳其伊斯坦堡轉機，連稅HK$3,679（死因：美金寫少一個”0″）

－　可以免費停伊斯坦堡
－　改時間收歐羅$100，退機票收歐羅$200（不過一般漏洞機票最終都可以同航空公司傾唔收退票錢）
－　之後再補一張Open Jaw機票：香港飛約翰尼斯堡，瑞士兩城返香港，卡塔爾航空經濟客位連稅約HK$7K（中停多哈）
－　出發時間由依家到明年5月都有！
－　去聯合航空網站訂，唔好去土耳其航空官網買

網址：www.united.com

呢個漏洞都存在咗大半日，竟然美國佬未Fix喎 ！

（覺得抵請記得按Like同Share俾朋友）

好耐冇同大家發掘下南非平機票，依家南非航空就有喇！出發日期為1/9 – 25/9；1/11 – 16/12，直飛約翰內斯堡淨機票HK$4,650起，連稅HK$6,920起，而經約翰尼斯堡轉飛開普敦及德班同樣HK$4,650起，連稅HK$7,854起，機票有效期1個月。Check過系統，供應量唔太多，要慢慢發掘。記得要揀SAVER先有得減，唔見有就轉第二日啦！南非少見筍盤（國泰好少減），而且下半年南非係春至初夏，天氣都有廿度左右，開普敦酒莊／約堡Safari／德班海灘，等緊您喇！

網址：www.flysaa.com

（覺得抵請記得按Like同Share俾朋友）

我哋「又飛啦！」好少講南非嘅平機票，其實依家正正係南非旅遊旺季，皆因當地係夏天，同香港倒轉架！南非航空剛推出優惠機票，由依家到15/7，飛約翰內斯堡／開普敦／德班／東倫敦／伊莉莎伯港來回淨機票$4,720起，連稅後，直航嘅約翰內斯堡HK$7,277，東倫敦HK$8,012，開普敦／德班／伊莉莎伯港HK$8,019，機票有效期為一個月。由於去南非可供選擇嘅航空公司唔多，呢個價看似昂貴，其實係合理（起碼都有50% Star Alliance里數約7,7XX賺下），約翰內斯堡除非遇上國泰fanfares，否則都難有平盤，所以今次呢隻盤要留意。不過Check過系統，供應量唔太多，未必日日都有呢個價，睇您想就時間定就荷包了！最後出票日期為31/1。

網址：www.flysaa.com

（記得按下面「讚好」Share俾Facebook朋友）

首先要多謝FB Fans Oscar Au Yeung今日好介紹，如果唔係走漏眼！事關我哋好少留意南非航空優惠（因為飛南非一向唔平，你睇下國泰就知），原來佢有一隻早餐盤：出發日期為1/11至10/12，飛南非（經約翰尼斯堡轉機）開普敦、德班只係HK$4,020（連稅HK$7,788），對手國泰極少有呢口價。再遠啲飛去巴西聖保羅就$9,400（連稅HK$15,597），都有參考價值。11-12月個陣應該係當地春至初夏季節，氣溫有十幾度，係非常好嘅旅遊季節。小弟兩年前飛過去開普敦睇世界盃，印象深刻：例如圖中著名景點桌山（Table Mountain）梗係要登上去睇啦！再開車沿海岸線走，大把靚海景，當然唔少得去埋好望角！仲有當地大把酒莊，既可遊覽，啲當地出產嘅紅／白酒一支廿零三十蚊有交易，水準唔差！所以餐餐都飲，仲平過買支水，諗起都想再去！

留意位：

1. 最後出票日期：23/7

2. 出發日期：1/11 – 10/12

3. 機票有效期：1個月

網址：www.flysaa.com

（記得按下面「讚好」Share俾Facebook朋友）