坐長途機如果可以有杯Welcome Drink，再有份豐富飛機餐，仲可以舒舒服服瞓到落機，得！好坐商務艙啦！今次卡塔爾航空賣大包，只要訂2人或以上（最多一次8位）嘅商務客艙機票，即可享買1送1優惠！勁多航點都有！出發日期由5月15日至7月9日、7月21日至8月19日、9月11日至12月10日，每人來回連稅計：奧斯陸HK$15,563起、伊斯坦堡HK$15,565起、斯德哥爾摩HK$15,595起、哥本哈根HK$15,653起、阿姆斯特丹HK$15,687起、米蘭HK$15,701起、布達佩斯HK$15,703起、蘇黎世HK$15,756起、羅馬HK$15,781起、慕尼黑HK$16,050起、法蘭克福HK$16,186起、華沙HK$16,230起、巴黎HK$16,282起、巴塞隆拿HK$16,301起、威尼斯HK$16,302起、馬德里HK$16,369起、倫敦HK$18,622起。呢張飛可以OpenJaw，又平又可以玩多幾個地方。今次價錢比上期再平多HK$500左右，熟行情嘅朋友，一定知道呢口價係抵玩，而且香港來往多哈有機會坐同屬寰宇一家嘅國泰航空，當然出發同轉機各站都可以喺貴賓室休息吓。而多哈來往歐洲更可揀A380甚至787夢幻客機，加上里數賺得比經濟客艙更多，呢張飛可以享有125%里數，用亞洲萬里通（Asia Miles）來回巴黎就有17,494里程，可換到來回高雄機票（需15,000里兌換）計落絕對有So。Check過系統，供應量足，機票有效期3個月，最後出票日期為5月17日。

網址：www.qatarairways.com

（覺得抵可用Whatsapp同LINE Share俾朋友架）

商務客艙買1送1！卡塔爾航空飛歐洲每人來回連稅$15,563起，可Open Jaw

卡塔爾航空延長上期優惠！大部份航點價錢再下一成（經多哈轉機），歐洲線方面，來回連稅計：阿姆斯特丹HK$4,373起、伊斯坦堡HK$4,383起、奧斯陸HK$4,495起、斯德哥爾摩HK$4,528起、蘇黎世HK$4,561起、米蘭HK$4,577起、巴黎HK$4,599起、羅馬HK$4,701起、慕尼黑HK$4,716起、布達佩斯HK$4,717起、巴塞隆拿HK$4,818起、威尼斯HK$4,819起、馬德里HK$4,854起、哥本哈根HK$4,880起、雅典HK$5,157起、曼徹斯特HK$5,223起、法蘭克福HK$5,354起、倫敦HK$5,572起。其中阿姆斯特丹為卡航於6月16日新開航線，用全新787-8夢幻客機執飛，想試新野可諗！至於以上各點嘅價格再平過上期，好有睇頭，一如以往，可以Open Jaw（請用Multi-City去Search）。另外，南美線都係卡航嘅一大賣點，來回連稅計：聖保羅HK$10,351起、布宜諾斯艾利斯HK$10,559起。快啲上官網盡情搜尋。出發日期由依家至12月10日。機票有效期為1個月，最後出票日期為5月7日。

網址：www.qatarairways.com

（覺得抵可用Whatsapp同LINE Share俾朋友架）

卡塔爾清貨再劈！來回歐洲連稅$4,373起、南美$10,351起，暑假都有，12月10日前出發

感謝「又飛啦旅人團」嘅粉絲報料，發現震憾平價飛巴西聖保羅！等小小編同大家報導吓啦：之前卡塔爾航空推出75折價惠，香港來回聖保羅連稅HK$11,232起，原來日本出發仲平：大阪出發飛聖保羅來回連稅89,070円（約HK$5,796起）；東京成田出發飛聖保羅來回連稅89,640円（約HK$5,806起），東京羽田就89,700円（約HK$5,801起）（羽田<->多哈係用787夢客執飛）。至於香港來回大阪/東京都有好多廉航選擇，例如：HK Express、日本捷星、樂桃同香草航空。以今晚（4月16日 00:00開賣）樂桃來回大阪機票連稅約HK$1,081起（不包行李寄艙）。埋單都係HK$6,877起，呢口價飛巴西，真係爆爆爆爆爆爆爆爆平呀呀呀呀呀呀！仲可以一雞兩味玩埋日本。要留意南半球天氣同我哋相反，我哋夏天，巴西就係冬天喇。出發日期由依家至12月10日。機票有效期為1個月，最後出票日期為4月19日，上官網買。

網址：www.qatarairways.com

（覺得抵可用Whatsapp同LINE Share俾朋友架）

嘩嘩嘩！爆平巴西盤！卡塔爾航空大阪東京來回聖保羅連稅$5,796起，12月10日出發

卡塔爾航空推出75折平飛價惠！大部份航點都有平（經多哈轉機），歐洲線方面，來回連稅計：巴黎HK$4,560起、羅馬HK$4,659起、米蘭HK$4,683起、伊斯坦堡HK$4,693起、巴塞隆納HK$4,773起、阿姆斯特丹HK$4,813起、布達佩斯HK$5,033起、柏林HK$5,114起。其中阿姆斯特丹為卡航於6月16日新開航線，用全新787-8夢幻客機執飛，想試新野可諗！至於以上各點嘅價格為HK$5K或以下，好有睇頭，一如以往，可以Open Jaw（請用Multi-City去Search）。另外，南美線都係卡航嘅一大賣點，來回連稅計：聖保羅HK$11,232起、布宜諾斯艾利斯HK$11,441起。而今次呢個優惠，飛歐洲、美加、非洲其他城市或坐商務艙都有平，快啲上官網盡情搜尋。出發日期由依家至12月10日。機票有效期為1個月，最後出票日期為4月19日。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空75折減！來回歐洲連稅$4,560起、南美$11,232起，暑假都有，12月10日前出發

卡塔爾航空又有隻全新歐洲優惠，雖然4月份燃油附加費微升，但都有部份航點低過HK$5K心理關口！來回連稅計莫斯科HK$4,719起、日內瓦HK$4,722起、米蘭HK$4,779起、伊斯坦堡HK$4,793起、蘇黎世HK$4,967起、巴黎HK$4,992起、慕尼黑HK$5,109起、羅馬HK$5,133起、法蘭克福HK$5,238起、巴塞隆那HK$5,289起、威尼斯HK$5,290起、馬德里HK$5,325起、倫敦HK$5,975起。呢張飛回程限坐QR816（07:20/20:50），一如以往，可以Open Jaw（請用Multi-City去Search），如果飛英國，回程揀非英國走，可以慳番成千蚊英國離境稅添。出發日期由4月5日至7月10日，Check過系統，由於比上期貴咗HK$300左右，所以貨量供應都OK。機票有效期1個月，最後出票日期為4月11日。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空第N次散貨！來回歐洲連稅$4,719起，7月10日前出發

中東三寶之一嘅卡塔爾航空，將於6月16日推出多哈飛阿姆斯特丹新航線，梗要賀賀佢：香港出發來回HK$2,880起，連稅HK$5,156起，呢張飛兩大賣點：1. 暑假期間出發都有少量平飛；2. 多哈飛阿姆斯特丹用全新787-8夢幻客機。講真呢口價淡季唔算吸引，而且又唔可以OpenJaw，除非旺季或想試首航，否則等下期優惠再買，出發日期由6月16日至8月12日、9月7日至12月10日，機票有效期1個月，可以上官網買飛。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空首航阿姆斯特丹，坐787夢幻客機來回$2,880起，暑假都有，12月10日前出發

最新Update：由於反應熱烈，平飛賣哂喇。依家嘅價錢連稅計：莫斯科HK$4,669起、巴黎HK$4,951起、羅馬HK$5,090起、巴塞隆拿HK$5,243起、馬德里HK$5,280起、倫敦HK$5,956起，啱就要把握機會喇。

飛歐洲又有連稅四千頭選擇！Expedia推出歐洲平價靚盤，坐卡塔爾航空經多哈來回機票HK$1,750起，連稅計：巴黎HK$4,271起、莫斯科HK$4,299起、馬德里HK$4,340起、羅馬HK$4,360起、巴塞隆那HK$4,403起、愛丁堡HK$5,100起、倫敦HK$5,236起，四千頭飛到歐洲一線城市，以卡航嚟講絕對係近年新低！呢張飛有兩大賣點：1. 可以OpenJaw，如飛英國朋友，可透過回程揀其他國家慳番英國機場超貴離境稅；2. 如24小時內轉機，可獲免簽證入境卡塔爾，趁機參觀多哈市都唔錯！出發日期由3月16日至3月28日、4月5日至7月10日，供應以淡季為主，最後出票日期為3月29日，啱就上Expedia買啦。

提提您：訂套票比分開機票+酒店訂有時會更慳錢，最高可慳25%架，試下比較下吖～

網址：www.expedia.com

（覺得抵可用Whatsapp同LINE Share俾朋友架）

即掃！Expedia賣卡塔爾航空，歐洲來回連稅$4,271起，可OpenJaw，7月10日前出發

中東三寶之一嘅卡塔爾航空推出全球優惠，一如以往，歐洲航線最吸引，來回HK$2,000起，連稅計：馬德里HK$4,347起、羅馬HK$4,369起、巴塞隆那HK$4,409起、巴黎HK$4,564起、伊斯坦堡HK$4,683起、米蘭HK$4,779起、奧斯陸HK$4,799起、斯德哥爾摩HK$4,837起、蘇黎世HK$4,905起、曼徹斯特HK$4,945起、慕尼黑HK$5,067起、華沙HK$5,144起、布達佩斯HK$5,201起、法蘭克福HK$5,202起、哥本哈根HK$5,261起、倫敦HK$5,266起、愛丁堡HK$5,562起，以上各價比上期平HK$100或以上，其中曼徹斯特跌穿HK$5K真係辣手即搶（話晒英倫盤五千幾蚊係心理關口）！一如以往，可以Open Jaw（請用Multi-City去Search），如果飛英國，回程揀非英國走，可以慳番成千蚊英國離境稅添。出發日期由4月1日至7月10日，Check過系統，機票供應以淡季為主。機票有效期1個月，最後出票日期為3月13日。

網址：www.qatarairways.com

（覺得抵可用Whatsapp同LINE Share俾朋友架）

四千幾蚊遊歐洲！卡塔爾航空來回歐洲連稅$4,347起，7月10日前出發