韓國返咗嚟，介紹另一隻超值Kimchi盤先：搭印度航空香港來回韓國首爾淨機票HK$1,417（連稅HK$1,878）起（需2人同行），呢口價同廉航有得鬥，因為印航已包20kg行李寄艙同飛機餐，加上暑假出發都有，堅抵！印航飛首爾已經轉用全新夢幻客機787-8執飛，坐得更舒服。航班時間係早去午返（逢週一、三、五、日去程08:05/12:30；回程14:15/16:50），出發日期由即日起至9月15日，Check過系統，供應量足，記得人數要揀2人或以上先有優惠。最後訂票日期8月31日，Hutchgo先有得賣（即係Priceline呀！佢最近改咗名）。

網址：www.hutchgo.com.hk

（覺得抵可用Whatsapp同LINE Share俾朋友架）

暑假有呀！平坐787！印度航空2人同行首爾每位$1,417起，9月15日前出發

印度航空？我哋一向唔敢介紹，因為機舊嘛！不過依家飛首爾同大阪都用全新787-8夢幻客機，咁可以諗下：2人同行來回首爾每人HK$1,874起（連稅HK$2,411），大阪HK$2,048起（連稅HK$2,585），比起超平廉航，佢勝在包行李及飛機餐，早機去（香港往首爾 AI310 08:05/12:30，香港往大阪 AI314 07:45/12:05）之餘又唔駛搭凌晨車去機場，去到當地仲有半日玩。出發日期：首爾4月6日至7月9日；8月21日至12月22日；12月27日至31日，大阪4月1日；4月5日至7月10日；8月21日至12月21日；12月27日至31日。雖然冇復活節，但5.1勞動節、暑假頭尾都有，至於中秋連國慶（只有首爾，貴HK$210）、聖誕節（首爾貴HK$210，大阪貴HK$578）就貴少少。機票有效期17日，最後出票日期為12月31日，可上Priceline買。

提提您：2人同行機票必須同去同返，是旦一人唔去另一人都上唔到機。

航班時間方面：

香港往首爾：AI310 08:05 / 12:30 787-8 客機（逢週一、三、五、日）
首爾往香港：AI317 14:15 / 16:50 787-8 客機（逢週一、三、五、日）

香港往大阪：AI314 07:45 / 12:05 787-8 客機（逢週二、四、六）
大阪往香港：AI315 13:25 / 16:35 787-8 客機（逢週二、四、六）

網址：www.priceline.com.hk

（覺得抵可用Whatsapp同LINE Share俾朋友架）

坐787夢幻客機！印度航空2人同行飛首爾$1,874，大阪$2,048起，12月31日前出發

作為「又飛啦！」Fans，梗係想日日都有平機票啦！之不過油價呢幾個月升到澎澎聲，某啲航空公司已經頂唔住。印度三間主要航空公司：包括印度航空／翠鳥航空（Kingfisher）同埋捷達航空（Jet Airways）最近已向印度政府求助，皆因銀行已經唔再借錢俾佢哋，周轉不靈危機已殺到埋身。就以翠鳥為例（其實早在上年16/8，我哋已經報導佢冇錢出糧），機師已大舉罷工，唔少航線因為唔夠機師而被迫取消或縮減班次（包括12/3 – 4/4期間臨時取消香港<->孟買航線），而印度航空機師亦要求資方出糧，否則威脅1/4發動罷工。雖然好少「又飛啦！」Fans會飛印度，但由於唔少人會貪平選擇印度航空飛首爾／大阪，又或者搭捷達航空飛歐洲地區（的確佢呢排做得幾平），未買飛者，呢期最好避一避。

新聞來源：aviationnewsdaily.com

（記得按下面「讚好」Share俾Facebook朋友）

大阪啲機票成日都唔落價，要平唯有出套票啦！想3 – 4月去大阪賞櫻花，H.I.S.有隻印度航空4日3夜套票都諗得過，最平入住大阪難波Hillarys酒店Semi-Double房只係HK$2,698起（未連稅，下同），想住番旺區心齋橋，揀富士屋酒店Semi-Double亦只係HK$2,858起，仲有其他酒店選擇。搭印航有樣嘢好，就係時間正，去程搭早上7:30機，去到仲係早上11:50，回程搭13:25，以呢個價嚟講都算抵，雖為印度航空，班「朋友」應該喺香港落得七七八八，唔駛太驚成機有「朋友」味。至於幾時有櫻花睇，就要留意3/3下午1時日本氣象廳公佈。

網址：www.his.com.hk

（記得按下面「讚好」Share俾Facebook朋友）

一連幾位Facebook網友（包括Rachel、Janice以及Eliza）都查詢農曆新年期間去首爾有冇平機票或套票。大時大節，想有平套票就難喇，自己拆開機票同酒店訂啦！因為一般都係機票貴而酒店未必坐地起價，所以只要你率先搵到平機票，酒店慢慢揀都唔遲，況且首爾大把酒店，高中低檔總有一間啱心水，反而機位就有限（加埋航空公司要Hold住一批團飛）。Check過系統，都仲有來回連稅HK$3,000附近嘅筍盤，關鍵當然要避免最高峰日子來回（嗰啲日子來回連稅分分鐘去到HK$5K），今次就幫大家搵到以下組合，可供參考：

23/1 – 26/1：坐印度航空，來回連稅HK$2,992（時間靚，早去午返，只請1日假）

20/1 – 29/1：坐真航，來回連稅HK$2,655（雖然要早機返，但請20、26及27就拼到10日大假，抵玩！）

24/1 – 29/1：坐印度航空，來回連稅HK$3,043（時間靚，早去午返，只請2日假）

19/1 – 24/1：坐濟州航空，來回連稅HK$2,477（請2日假，初二早機返似乎早咗啲啲）

另一個選擇係澳門出發：

20/1 – 25/1：坐真航，來回連稅HK$3,184（只請1日假）

希望幫到大家！

（記得按下面「讚好」Share俾Facebook朋友）

想趁秋冬平平地去首爾睇紅葉、食韓菜、掃化妝品，不妨考慮H.I.S.有一套超平首爾4日3夜套票。坐印度航空來回，去程早機08:05/12:25，回程下午機14:15/16:50，住東大門Cheapy酒店City Place 4日3夜都只收你HK$2,188，一人成行都得！不過我哋會建議你住另一間貴少少嘅乙支路高爺商業公寓好過，皆因俾多三舊唔夠，酒店質素好好多，起碼唔係殘殘舊舊，而且唔少香港人都住呢度，齋房每晚都要HK$600，除番開張機票只賣HK$1,200俾你，仲抵過坐廉航，不過呢個平Package去到11月尾，想年尾前都平平地去首爾，不妨考慮埋佢公司另一套坐大韓嘅3日2夜Package，住番乙支路高爺商業公寓就HK$2,658，至於聖誕節個幾日，價錢須要另報，詳情請問番H.I.S.啦！

網址：

印航4日3夜Package：www.his.com.hk

大韓3日2夜Package：www.his.com.hk

（記得按下面「讚好」Share俾Facebook朋友）

錯過咗之前航空公司推出嘅秋季日本平機票？快啲出套票啦！Priceline剛推出日本優惠第2激，有東京、大阪同沖繩套票選擇。對比過上1激，呢一次大阪同東京真係減咗價，無他嘅，過咗暑假嘛！東京3日2夜由HK$3,290起減到HK$2,690起；大阪之前坐快運3日2夜HK$3,140起，今次轉坐印度航空（早去午返Good！），4日3夜，多1晚竟然平到HK$2,890起咋！係沖繩價錢差無幾，3日2夜HK$3,390起。呢批套票出發日期都去到10月尾，有買趁手！

東京我建議住番佢最平嘅Vintage Shinjuku好喇！慳番啲錢去Shopping好過；大阪揀番心齋橋嘅酒店都係HK$3,100左右；沖繩如果想住海灘酒店，揀番Okinawa Southern Beach Resort，佢距離那霸機場20分鐘車程，得3日2夜，住太遠就無謂嘞！況且房間都好大，又有海景睇，HK$3,880算抵～～～

網址：travel.priceline.com.hk

（記得按下面「讚好」Share俾Facebook朋友）