X
長榮同華航近排飛台北動作多多，港航都出手跟劈：來回台北HK$673（連稅HK$1,017）起，出發日期由8月24日至9月24日、10月4日至10月31日，呢口價平過坐長榮、華航，去程航班無限制，回程限坐早機或下午機，揀坐晚機返都係加幾十蚊左右，星期五、六出發或星期六回程加$100。港航已包20kg寄艙行李+飛機餐，計落幾抵玩。機票有效期7日，Check過系統，供應量足，啱就上Ctrip買。
（覺得抵可用Whatsapp同LINE Share俾朋友架）
暑假尾有平呀！港航來回台北$673起，10月31日前出發
長榮航空喺中秋同國慶各加開一班台北回港加班機，香港來回台北HK$734（連稅HK$1,127）起。去程日期為9月19日至9月30日，航班時間無限制，視乎供應。回程限坐9月27日或10月1日凌晨加班機（BR1357航班時間：05:00-06:50），呢套機票比一般平飛可停留更耐，有效期最長13日，絕對吸引。Check過系統，供應量不多，部份日子出發已經無位，官網價貴啲，啱可以上ZUJI買。
（覺得抵可用Whatsapp同LINE Share俾朋友架）
長榮中秋國慶加班機！香港往返台北$734起，限9月27日或10月1日回程
中華航空推出週末秒殺限定優惠，香港來回台灣（台北／高雄／台中／台南）淨機票低至HK$630起，連稅：台南HK$1,022起、台北/高雄/台中HK$1,072起，呢口價仲可Openjaw（不同城市往返），唔駛走回頭路。不過台北/高雄/台中去程只限坐20:30或以後既航班，回程同台南線無限制。出發日期由8月24日至9月24日、10月3日至31日，機票有效期7天，最後訂票日期為7月20日08:00am，上官網訂票。
提提您：1. 華航官網冇得訂不同城市往返之特價機票，乘客須先訂好來回機票然後打去華到航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。2. 回程能否改日子，要視乎您揀選航班之票價規定，詳情請參考”票價規則” -> “更多票價規則”內第22點，如沒有列明”不可改回程日子”，則可致電更改。
（覺得抵可用Whatsapp同LINE Share俾朋友架）
週末秒殺！中華航空香港飛台北/高雄/台中/台南$630起，可Openjaw，10月31日前出發
暑假旺季仲未Plan好機票？睇下呢隻台北盤：長榮航空暑假旺季來回台北2人同行每人HK$1,400（連稅HK$1,747）起。呢個價其實幾貴，勝在航班選擇多，早去晚返都有，唔啱心水千祈唔好買！暑假後出發就平番啲，8月30日至9月24日出發，2人同行每人HK$980（連稅HK$1,327）起。仲想平啲？咁等下先啦！機票有效期7天，Check過系統，供應量多（鬼咩！唔平），有興趣上官網買，記得要Click人數2位或以上先Search到此價。
（覺得抵可用Whatsapp同LINE Share俾朋友架）
暑假Last Call！長榮來回台北2人同行每人$1,400起，暑假後$980起，9月24日前出發
台灣虎航今天公佈將於9月1日起開辦高雄往東京（成田）新航線，同時開賣首航便宜機票，單程TWD999（含稅計TWD1,499）起，來回含稅TWD3,195起，南部鄉民有福啦！出發日期由9月1日至10月24日，查過系統，優惠票貨量充足，以上價格不包括飛機餐點及行李寄艙，最後訂票日期為7月13日23:59，馬上到官網搶購。
航班時間參考：
高雄小港機場出發 IT280 15:20-20:05（+1）
東京成田機場出發 IT281 12:10（+1）-15:15
（覺得抵可用Whatsapp同LINE Share俾朋友架）
啟航特賣！台灣虎航高雄飛東京成田TWD999起，9月1日至10月24日出發
Expedia 靜雞雞出咗隻澳門飛台北嘅超平Package，唔單止澳門粉絲啱，香港粉絲唔介意過大海都用得。以3日2夜為例（日子冇定，只係舉例），來回機票（不包行李寄艙） + 2晚酒店 + 所有稅款 HK$1,119起（舉例10月20日出發，10月22日回程，住金國際旅館），呢口價仲抵過玩珠三角，即睇以下心水推介：
1. 台北捷運棧 – 夜市小棧（http://flyagain.la/vghe）3日2夜全包價每位HK$1,202起，位於台北士林區，往捷運站2分鐘步程，離士林夜市步行約10分鐘，買嘢食嘢玩夜啲都方便。房間內有免費Wi-Fi，亦有電視、書桌可用；
2. 艾特文旅（http://flyagain.la/jbn1）3日2夜全包價每位HK$1,331起，位於西門町繁華帶靜嘅地段，Shopping行夜少少都咁方便。裝潢新穎，採用簡約白色佈局，兼著重細節，最適合走文青風格嘅年輕人；
3. 新驛旅店台北車站三館（http://flyagain.la/3igq）3日2夜全包價每位HK$1,383起，新驛是台灣連鎖式旅館，服務質素有保證。5分鐘步程到寧夏夜市，鄰近中山及台北車站捷運，轉高鐵、捷運、台鐵、客運去唔同地方都咁方便；
出發日期由即日起至10月24日，仲有其他平房可以上番Expedia搵。Check過系統，7-8月比較少有平（暑假尾仲有），去到9月易啲搵到平價，10月就無平。此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。機票有效期無限制，賣完就無，即刻去發掘下其他筍套票啦。
（覺得抵可用Whatsapp同LINE Share俾朋友架）
罕平Package！Expedia澳門飛台北3日2夜連稅每位$1,119起，10月24前出發
新加坡酷航為歡慶高雄首航，推出4折起促銷代碼限時優惠：高雄飛新加坡單程TWD1,155起 （來回連稅計TWD4,413起）、高雄飛大阪單程TWD1,949起 （來回連稅計TWD5,157起）；台北方面，單程飛新加坡TWD755起（來回連稅計TWD3,368起）、珀斯TWD2,256起（來回連稅計TWD9,202起）、黃金海岸TWD2,832起（來回連稅計TWD10,236起） 、悉尼TWD3,120起（來回連稅計TWD11,486起）。整體優錢較上期便宜TWD400-TWD1,500，其中高/北飛新加坡價錢最好康！出發日期由即日至11月19日（各航點出發日期各有不同，詳情請瀏覽官網）。以上價格不包行李寄艙及飛機餐，最後出票日期為7月12
促銷代碼：LOVE787
（覺得抵可用Whatsapp同LINE Share俾朋友架）
好康4折起促銷代碼！酷航單程：高雄飛新加坡TWD1,155、大阪TWD1,949；台北飛新加坡TWD755、澳洲TWD2,256起，11月19日前出發
8月尾9月，想飛轉台灣掃夜市？國泰港龍呢隻優惠就最啱！由香港往返台北、高雄、台中，二人同行每人只需 HK$893（連稅 HK$1,291）起。優惠可以open jaw，去返程唔一定同一個地方，例如台北入、高雄走；台中入、台北走！出發日期由8月24日至9月24日，Check過系統，8月尾暑假旺季都有平飛，航班時間亦有唔少選擇，部份日子可以早去晚返，可以上去睇睇！訂票日期由即日起至8月23日，機票有效期為7日。啱就去Zuji買。
（覺得抵可用Whatsapp同LINE Share俾朋友架）
國泰/港龍暑假尾平飛台灣！台北、台中、高雄航點，可Open Jaw，2人同行每人$893，9月24日前出發！
X