台北線想平，梗係坐香港航空，想最多班次揀呢？當然係國泰同港龍啦！佢哋剛剛推出平機票，出發日期為26/8 – 18/9；21/9 – 27/9；30/9 – 10/10；13/10 – 31/10，2人同行飛台北，每人淨機票HK$1,093，連稅HK$1,692，可以揀國泰或港龍來回，甚至混合航班。雖然呢嗰價唔係班班都搭得，但選擇亦極多，早午晚都有，機票有效期7日。以價論價，當然唔係最抵，但由於國泰同港龍始終有唔少fans捧場，相比同公司之前價錢，的確有減，所以仍值得同大家報導，當然可以等嘅話，fanfares入手先最抵。官網暫時未有得賣，上Priceline啦！

網址：www.priceline.com.hk

（覺得抵請記得按Like同Share俾朋友）

國泰港龍將台北機票狠劈到HK$700後，反應好勁！對手長榮梗係唔執輸，一於奉陪到底！由依家到週日晚23:59推出台北機票限時劈，出發日期為17/6 – 9/7，來回淨機票HK$750，連稅HK$1,349，機票有效期2-7日，最正嘅係唔駛限週日至三出發，日日都飛得，航班選擇睇供應，可以揀Hello Kitty航班。Check過系統，由於剛喺00:00開賣，除咗回雞假冇外，其他日子唔難搵，當然班次供應日日都唔同，熱門日子如週日就未必有夜機返，大家上長榮官網發掘下啦！

網址：www.evaair.com

（覺得抵請記得按Like同Share俾朋友）

9月份飛台北及台中，港航又擺咗新一批”一Click即享”價入系統度，如果用埋紫荊會減HK$50優惠，飛台北淨機票低至HK$460，連稅HK$1,059！不過為數較少。而另一隻”一Click即享”價HK$620（非會員價HK$670），連稅HK$1,219（非會員價HK$1,269），Weekend都飛得，最緊要係早去晚返（去程搭HX252 09:35/11:25，回程HX283 20:30/22:15），至啱大家要求。至於台中，淨機票HK$510（非會員價HK$560），連稅HK$1,109（非會員HK$1,159）。趁依家冇乜人知，搶啦喂！

免費申請紫荊會網址：http://bit.ly/XiCJvm

網址：www.hongkongairlines.com

（覺得抵請記得按Like同Share俾朋友）

是日放工最佳節目，就係搶台灣機票喇！華航今日又嚟一招突擊劈價，飛台北台中都有平，限售100套，今晚午夜00:00截止。分淡旺兩隻價錢，如果出發日期係24/5 – 10/7以及20/8 – 31/8，來回淨機票HK$670，連稅HK$1,330，呢隻較有睇頭。Check過系統，回雞假期飛台北同台中竟然仲有呢個價，建議29/6去2/7返，請一日假而已，回程可以搭中午機，係成件事嘅唯一賣點。至於其他日子，對手港航個價仲平，差兩三百就睇您心水。至於暑假超旺季嘅11/7 – 19/8，淨機票HK$1,040，連稅HK$1,700，個價唔多靚，話唔定遲啲再減呢？未係出擊時候。

網址：www.china-airlines.com

（覺得抵請記得按Like同Share俾朋友）

依家去台灣，真係分分鐘方便過去深圳！皆因台灣政府全力打造嘅免費公眾WiFi網絡iTaiwan，已經正式開放俾境外旅客免費申請（以前仲要有當地手提電話號碼先得）！雖然依家喺當地出電話卡上網都非常抵（例如遠訊1日任上網TWD100，3日都只係TWD250），不過免費嘅嘢，梗係有人Like，所以我哋都為大家講下點樣申請免費iTaiwan服務。

1. 入境後（無論台北台中定高雄），可以到觀光局服務櫃台或全台灣各地旅客服務中心服務台，憑護照申請iTaiwan帳號

2. 只需填寫表格，服務人員會俾番User Name及Password您

3. 之後，只要利用手機／平板電腦／手提電腦等等，搜尋”iTaiwan”WiFi網絡，再輸入User Name及Password就用得！

4. 除咗iTaiwan，您亦可以登入其他地方政府嘅免費WiFi網絡，如台北市嘅「TPE-Free」／新北市「New Taipei」／台中市「iTaichung」及台南市「Tainan-WiFi」，一共五大網絡，全部共4,400個WiFi熱點俾您免費上網！

小弟都用過iTaiwan免費WiFi，其實覆蓋面都多，例如各大捷運站月台，巴士站火車站等等，再加上台北市內有唔少政府設施（如公園，政府部門大樓），要搵iTaiwan網絡唔係太難。不過小弟始終鐘意買電話卡上網，話晒流動性夠強，又可以Share俾電腦用，加上唔駛同人爭網絡，少少錢就換來穩定可靠嘅服務，始終較為上算嘅。

詳情請睇：http://www.taiwan.net.tw/m1.aspx?sNo=0019133

iTaiwan官方網站：http://itaiwan.gov.tw

（覺得有用請記得按Like同Share俾朋友）

今日週五已經係公眾假期，長榮索性提早推出台北週末劈！由依家到週日（19/5）23:59止，台北來回淨機票HK$800，連稅HK$1,427，出發日期為1/6 – 27/6。同之前一樣，香港出發限搭5班機，包括：BR828（07:30/09:10） / BR852（11:10/12:50） / BR868（13:40/15:25） / BR858（21:00/22:40，Hello Kitty航班） / BR810（21:45/23:25），早午晚都有。回程無限制睇供應，可以再揀Hello Kitty航班BR857（18:10/19:50），所以雖然比港航貴，但如果來回都係Hello Kitty機，咁絕對值回票價（溫馨提示：搭Hello Kitty機，記得Order兒童餐）！機票有效期7日。

網址：www.evaair.com

（記得按下面「讚好」Share俾Facebook朋友）

完咗2人同行1人收費後，捷星JetStar再推出另一波優惠：今次唔駛捱超早餐盤。首先講台北來回大阪，來回連稅NTD3,560起（HK$962），出發日期為18/6 – 8/7及3/9 – 12/12，Check過系統，6月尾回歸假都有，但出發日期最遲去到22/6，回程1/7就仲有，至於9月打後就供應量充足。捷星台北來回大阪時間都幾靚仔下，去程可以搭第2班3K721（12:45/16:25），回程兩班都OK（包括3K 724 12:25/14:20；3K722 17:15/19:05），來回都駁到即日機往返香港，當然想喺台北玩番夠本都得，配埋港航平平香港<->台北機票，連稅HK$2K有找，一雞兩味兼8月尾前出發有機會賺1張免費台灣機票（詳情請瀏覽：http://flyagain.la/?p=6467），當香港直航連樂桃都費時劈，唯有咁飛大阪啦！另一隻當然係大家熟悉嘅香港<->新加坡，來回連稅HK$1,199起（除非您搭超早機06:30返香港，就可減多HK$50），Check過系統，供應量多，執筆一刻連中秋節都有（19/9去 – 22/9返）！咁梗係要快手啲喇！溫馨提示：以上價格唔包行李寄艙同飛機餐，最後出票日期為20/5 23:59。

網址

台北大阪：http://www.jetstar.com/hk/zh/special-offers-taiwan

香港新加坡：http://www.jetstar.com/hk/zh/special-offers

（記得按下面「讚好」Share俾Facebook朋友）

信用卡嘅迎新優惠，好少有送機票，不過今次DBS白金信用卡Promotion就Hit中大家需要：31/8前成功申請DBS白金信用卡，即刻免費送您來回台北機票，仲可以先飛後簽賬 （只需出卡後2個月內簽番夠HK$4,800以上即可）！咦？咁啱今年台灣觀光協會有送1張來回台灣機票優惠：只要您由今年1/1至31/8起來回台灣3次就有（詳情請瀏覽：http://flyagain.la/?p=6467）。換言之，如果您今年已經飛咗台灣2轉，透過今次申請DBS白金信用卡，先賺1張台北機票，返嚟再賺多1張台灣觀光協會送嘅台灣機票，齊頭2張免費！一年飛4轉台灣，分分鐘仲密過去馬交啦～

咁點先可以極速簽滿HK$4,800呢？只要用呢張新白金卡，簽晒第一個台北Trip，計埋成班Friend機票酒店飲食購物消費，HK$4,800點都簽得晒啦！依家距離8月尾只有3個月，拿拿聲申請，齊齊台北見！

申請網址：http://bit.ly/YUqkcf

（記得按下面「讚好」Share俾Facebook朋友）