自從華航冇咗PayPal減HK$233優惠後，想突圍，唯有直接減票價啦！佢推出週末限時劈優惠，由依家到週一早上08:00出票，如果想飛台北／高雄，出發日期為6/10或之前，來回劈到HK$860，連稅HK$1,579！兩地去程限14:00之前出發，回程冇限，比之前同類特價飛多平三舊，平上加平，打七折都算夠力水，如果7/10至30/11出發就加多一舊：HK$960，連稅HK$1,679，去程可以揀埋夜機，選擇更多！台東方面，由依家到30/11前出發一律HK$960，連稅HK$1,679，來回航班冇限制，值得搶購！順帶一提，華航將聯同「又飛啦！」推出獨家優惠，詳情留意稍後我哋公佈啦！

網址：www.china-airlines.com

（記得按下面「讚好」Share俾Facebook朋友）

遲起嘅鳥兒又有蟲吃！長榮台北線好少低過HK$1,000，最平已經係27/8我哋「又飛啦！」報導嘅二人同行HK$970（國慶零晨出發嘅HK$790唔計，話晒只係加班機而已），點知佢又嚟一招暗劈，唔聲唔聲，將由依家到20/9出發去台北嘅早機BR828（07:30/09:10）劈到HK$960（連稅HK$1,679），仲要買1張都得，Last Minute機票都咁靜雞雞劈價，如果唔係我哋咁醒水，真係走寶都唔知！回程冇限制，視乎供應，有時仲可以揀到Hello Kitty航班BR857（18:10/19:50）添！呢個價坐長榮飛台北，仲可以早去晚返，係咪好想即刻又飛啦先？

網址：www.evaair.com

（記得按下面「讚好」Share俾Facebook朋友）

國慶期間，航空公司會額外加班疏導人流，尤其係港台黃金線，依家一般航班已經好爆。長榮率先推出兩班加班機俾大家選購：不過要搭零晨機，但計落真係幾抵。第一個選擇係去程6/9至28/9是旦一日飛台北，但回程必須搭29/9零晨04:20/06:00嘅BR1857加班機回港，來回淨機票$840（連稅HK$1,558）。一般特價飛有效日期最長7日，但呢隻機票您有權去足23日！依家買一個月有效期機票飛台北一般要HK$2K（未連稅）以上，依家您只要捱一程零晨機，就可以慳足千幾蚊，勁化算啦！第二個選擇就係去程必須揀3/10零晨01:05/02:45嘅BR1857，回程冇限制視乎供應，機票有效期最長14日，淨機票賣HK$790，連稅HK$1,508，由於去程限坐3/10，平日嚟嘅，相對上冇咁吸引，但14日機票坐長榮有呢口價，都值得講俾大家知。官網暫未推出，上真旅網買啦！

網址：www.travelzen.com

（記得按下面「讚好」Share俾Facebook朋友）

16/8，「又飛啦！」就同大家報過華航9月中前飛台北高雄來回淨機票HK$737，但華航已經暗地Encore！「又飛啦！」再度全港首報，先講台北線：由21/9 至 26/9期間嘅週三／五／日，如果您揀指定早機航班出發：CI602（10:15/11:55）、CI904（11:05/12:45）或CI642（11:40/13:20），回程任揀視乎供應，連稅就HK$1,738，扣減PayPal優惠HK$233以及油附HK$718，淨機票只係HK$787，單人飛都得！仲要早機出發添！至於高雄，只要揀以下三日出發：13/9、19/9及23/9，去程限坐航班日日不同，回程冇限制，價錢同台北一樣（淨機票HK$787，連稅HK$1,505，需用PayPal付款）；至於台中基本上25/9前整個9月都有淨機票HK$787選擇。機票有效期一律7日。依家淡季想執台灣平機票，Last Minute出票似乎係最佳途徑鳥！

網址：www.china-airlines.com

（記得按下面「讚好」Share俾Facebook朋友）

P.S. 原來呢篇已經係第700篇報導了！多謝各位Fans一直支持「又飛啦！」

繼本週一長榮劈台北2人同行平機票至每張HK$970起，事隔兩日，華航終於出手，一口氣推出台北／高雄及台中三線2人同行平機票，機票有效期2-7日，淨機價每張HK$980，同長榮相若，不過華航勝在有PayPal付款優惠，每張再減HK$233後，淨票價每人只需HK$747（連稅HK$1,417）：看似唔係最平，事關9月頭飛台北／高雄1人飛淨票價都只係HK$737，依家2人同行喎！不過睇真啲，今次加入埋台中，加上去程航班選擇多，而且有效期去到30/11，如果你一早Plan好同Honey或朋友10-11月去台灣嘅，可以出咗先，如果你一支公嘅，不妨等等，事關佢依家賣緊淨票價HK$1,057（連稅HK$1,727，須配合PayPal HK$233優惠），估計仲有劈價空間。順帶一提，華航會由1/9起調高燃油附加費，香港出發到亞洲每程加HK$24，來回加HK$48，到歐美澳洲就每程加HK$84，來回加HK$168。

網址：www.china-airlines.com

（記得按下面「讚好」Share俾Facebook朋友）

喺26/7，我哋「又飛啦！」就報導過華航9月份飛台北高雄台中淨機票只需HK$837（須配合PayPal優惠），點知佢又將9月中前出發嘅台北高雄機票拎出嚟再減：淨飛HK$970，再配合PayPal HK$233優惠，即係HK$737（連稅HK$1,407）！上次已經估佢9月會劈到六舊水，依家都差唔多喇！不過航班選擇方面今次就無咁彈性，台北去程一般係早機10點幾，高雄去程一般係下午機，回程就冇限制睇供應。至於出發日期，台北限1/9 – 16/9，高雄就28/8 – 9/9，機票有效期2-7日．依家先劈9月上半月，咁下半月呢？10月呢？HK$500 Go Go Go！

網址：www.china-airlines.com

（記得按下面「讚好」Share俾Facebook朋友）

華航13/7先推出台北線HK$1,185筍盤（連稅HK$1,889，需配合PayPal優惠），點知今日佢又玩「烏江自刎」，將夜去航班（即係CI924 21:30/23:10 同埋CI928 22:15/23:55）拎出嚟狠劈一刀（回程冇限班，視乎供應）！淨機票HK$1,220，連稅HK$1,926，但用埋佢加咗碼嘅PayPal付款優惠，減多HK$233，七除八扣，淨機票又減到HK$987！唉！我就被劈中鳥！事關先前訂咗17/8夜機去嘛！買個陣淨機票仲係HK$1,185，以為好抵，點知仲抵！相差HK$198！不過唔緊要，8月都咁劈法，睇嚟9月打後六舊水飛台北又有機會！如若跌到五舊，每個禮拜台北見啦！您話係唔係？;)

網址：www.china-airlines.com

（記得按下面「讚好」Share俾Facebook朋友）

華航喺13/7因應對手長榮劈價，一口氣推出台灣北／高／中三地平機票，來回淨飛HK$1,185。個次冇訂？唔緊要！台中又有筍嘢嚟！由依家到31/8，搭華航旗下嘅華信，飛台中來回HK$1,450（連稅HK$2,156），用埋PayPal優惠（HK$233），淨機票減至HK$1,217，以咁Last Minute先訂8月旺季機票而言，算係抵玩。至於航班選擇，原則上冇限制，不過去程頭班機AE1820（10:10/11:40）比較難搵到，回程基本上班班有。講番PayPal優惠，華航今日起加碼！之前用PayPal找數可減HK$155，依家訂台灣線（台北／高雄／台中）可減至HK$233，即係多HK$78！其他航線就減HK$194。咪睇少個幾十蚊呀！華航飛台灣機票本身已經夠平，呢二百幾蚊真係好幫得手！查實呢個PayPal優惠令華航食唔少網上客戶，長榮想跟？唯有喺機票價上劈深啲，不過佢被本身定位綁住手腳，狼劈？難啦！

網址：www.china-airlines.com

（記得按下面「讚好」Share俾Facebook朋友）