X
港龍經已宣佈由14/5起重開台中航線，到依家官網仲未有飛賣（實情係5月頭先開始放入官網System），不過去Zuji已經有得訂啦！訂購14/5 – 28/6期間出發嘅2-7日機票只需HK$1,205（連稅就HK$1,901），雖然比港航同華航稍後貴一至三百，始終港龍有一定合理溢價，呢個水位算係OK抵玩，唔知到時官網推出時仲有冇得平啲呢？如果首航價去番HK$1,000就抵到震啦！
（記得按下面「讚好」Share俾Facebook朋友）
港龍尋晚漏夜又推出限時劈價盤，今次推出三個城市：高雄HK$890（未連稅，下同）未算最狠（對手都係咁上下價，見慣不慣鳥），西安減到HK$1,090就認真抵玩，話晒呢條航線選擇／班次唔多，相信今次劈只為慶祝復航而已！杭州一樣HK$1,090，呢條航線少見劈價，今次真係不容錯過！優惠期去到本週六（14/4）23:59，快手通知朋友一齊出飛啦！
留意位：
1. 出發日期：13/4 – 28/6
2. 機票有效期：2 – 7日
（記得按下面「讚好」Share俾Facebook朋友）
Help！華航上星期先推出劈價盤HK$875飛台北／高雄後，再斬多一刀！飛高雄，依家只需HK$715！你冇睇錯，真係HK$715（未連稅，連稅就HK$1,408）！去程除咗早上11:40唔搭得外，班班都得（包括華航及華信）；回程仲搞嘢，只俾你搭最夜個班：19:00/20:30！早去晚返，對香港人嚟講咪仲正！同上次一樣，要Enjoy呢口價必須以PayPal付款，以便獲得HK$195折扣．
留意位：
1. 出發日期：1/4 – 28/6（3/4 – 7/4及28/4 – 29/4除外）
2. 機票有效期：7天
3. 以PayPal付款可獲HK$195折扣
（記得按下面「讚好」Share俾Facebook朋友）
劈劈劈！華航近排同港航劈到你死我活，之前華航推3月份台北平機票減到$970，港航就變招推出$840但去程限坐最夜個班HX284 23:20/00:50。到4-6月新戰線，華航又同佢鍊過，呢次終於狠心一劈：劈到$875！而且台北高雄同價添！台北去程仲可以揀中午（11:05或12:50）或夜晚（21:30或22:15）班次，高雄去程揀11:40或21:05，回程就好多班都揀得！互片成咁，真係血流成河喎……我喺指荷包呀！搞到成日都想飛台灣添！不過想Enjoy呢口平價，記得喺官網用PayPal網上付款先得（佢會平HK$195）（P.S. 多謝網友Boco Leung今日報料）。
留意位：
1. 機票有效期：7日（如需要14日機票，加多HK$220）
2. 出發日期：1/4 – 30/6 （3/4 – 7/4除外）
3. 以PayPal付款可獲HK$195折扣
（記得按下面「讚好」Share俾Facebook朋友）
終於等到長榮推出4-6月（30/6）台北平機票啦！不過個價……同以前淡季一樣，盛惠HK$1,100起（未連稅），唔似華航／港航咁劈到HK$1,000以下。鬼咩！依家長榮同港航係合作關係嘛！大家做Code-Sharing，咁又點會學似華航咁大劈特劈咩！不過講真HK$1,100坐長榮好抵啦！起碼「準時」呢一樣嘢已經殺晒。更爆嘅係，復活節期間個價都只係HK$1,430，但代價係……回程要搭早上八點機呀陰公！想夜少少先返？得！俾多HK$800啦！抵唔抵俾，睇你荷包鳥。
（記得按下面「讚好」Share俾Facebook朋友）
呢期台北線焦點落晒港航身上（鬼咩！六舊幾水，絕對話題之作），長榮都有一段日子冇出筍盤，佢哋剛剛推出多人同行台北線優惠，如果2人同遊就每人HK$1,130（未連稅，下同），3人同遊就HK$1,110．4人同遊就HK$1,090，即係HK$20減一減，呢張機票有效期為2-7日，想要張0-14日？得！每張加HK$60就掂！不過呢啲拍拖飛要提早預購，官網寫晒，詳情睇按下面網址瀏覽。
（記得按下面「讚好」Share俾Facebook朋友）
跌破HK$1,000嘅台灣機票，繼台北／高雄後，今次到台中鳥！去官網訂，張機票本身就HK$1,070（稅就HK$663），如果你肯使用PayPal作網上結帳，可以減多HK$195，折實後張機票只係HK$875，連埋稅都只係HK$1,538，真係平過平霸啦～～～出發日期去到24/3，有效期7日。
（記得按下面「讚好」Share俾Facebook朋友）
尋晚報咗隻華航超平HK$888筍盤，如果你想16/2後先出發，又想試下Hello Kitty機，咁唯有搭長榮啦！由1/2至31/3出發台北嘅機，票價都只係HK$1,100（未連稅），雖然貴過港航同長榮，但勝在有個四正飛機餐食，況且去程可以揀BR858個班Hello Kitty機，不過回程BR857 Hello Kitty機就唔可以揀，要就另加HK$110起（確實數目不定，視乎航班供應）。加一百幾十就OK，若然加得太多，搭去程Hello Kitty就算啦！寧願慳番啲錢去桃園機場買長榮Hello Kitty精品好過。
留意位：
1. 最後出票日期：4/2
2. 機票有效期：2 – 7日
（記得按下面「讚好」Share俾Facebook朋友）
X