阿斯塔納航空呢間哈薩克籍航空公司，除咗飛土耳其有超平價（詳情按此：http://flyagain.la/36553），直航飛哈薩克阿拉木圖都有爆平價，2人同行淨機票每位HK$2,280（連稅HK$2,461）起，香港直航只此一家，獨市都做到咁平好罕見，市內有唔少博物館、城區建築反映獨特風情，歷史痕跡，都幾值得背包客去，就襯新年後去中亞流浪闖蕩。

【出發日期】2月16日至3月15日
【機票有效期】1個月
【最後訂票日期】3月15日

【航班時間】
去程 KC930 09:40-14:55（逢週二、五）回程 KC929 00:35-08:25（逢週二、五）

【訂購網址】airastana.com

（覺得抵可用Whatsapp同LINE Share俾朋友架）

罕貨爆平！阿斯塔納航空2人同行直飛哈薩克阿拉木圖每位$2,280起，3月15日前出發

阿斯塔納航空？好多人未聽過，其實佢係哈薩克嘅航空公司，少有筍貨，今次真抵：香港直航來回哈薩克阿拉木圖HK$3,170（連稅HK$3,585）起，香港直航只此一家，平平地想體驗中亞風情都唔錯。不過更抵玩就係經阿拉木圖轉飛土耳其伊斯坦堡，淨機票HK$2,150（連稅HK$3,925）起，連稅四千有找，拍得住歐洲平霸俄航，更可用中停方法自制一雞兩味兼玩阿拉木圖，只需加約HK$194起（用Multiple Destinations功能Search）。

唔想加錢又想玩阿拉木圖都得，因為回程喺阿拉木圖有18小時轉機時間，您都可以入境快閃觀光（香港特區護照持有人可免簽證進入哈薩克停留14日）。至於阿斯塔納航空都有飛阿姆斯特丹、法蘭克福、倫敦等歐洲城市，但要轉兩次機，小小編就唔介紹了。出發日期由11月6日至2016年6月30日，機票有效期1個月，上官網出票。

航班時間：
香港-阿拉木圖：KC930 09:45-14:35、阿拉木圖-伊斯坦堡：KC911 17:55-20:40 (二、五)
伊斯坦堡-阿拉木圖：KC912 21:55-06:05+1、阿拉木圖-香港：KC929 00:15-08:10+1 (三、日)

網址：airastana.com

罕貨！阿斯塔納航空直航哈薩克阿拉木圖$3,170起，轉飛伊斯坦堡$2,150起，2016年6月30日前出發

依家先訂暑假歐洲機票？平嘅的確唔多，今次就帶嚟一隻幾得意嘅筍盤：暑假7-8月，香港飛阿姆斯特丹，坐直航國泰或荷航來回連稅約HK$9K-$11K，如果肯轉機，搭哈薩克斯坦航空公司，喺哈薩克阿拉木圖轉機，來回連稅HK$6,000左右，比直航慳三千以上。呢隻盤有三大賣點：1.只需六千左右，喺暑假最旺時間飛阿姆斯特丹，機票有效期更長達1個月，可以慢慢順道遊埋其他歐洲城市，至啱學生哥；2. 由於香港特區護照持有人可免簽證進入哈薩克停留14日， 呢隻Fares可以俾您中停阿拉木圖，反正特登就唔會去，今次可以趁機見識下獨特嘅中亞風光，一雞兩味賺多一個旅程；3. 由阿拉木圖來回阿姆斯特丹嘅航班係由荷航執飛（哈薩克斯坦航空以代碼共享方式賣飛），所以就算您未搭過哈薩克斯坦航空（據聞唔差），荷航都OK架！仲可以儲分入SkyTeam戶口添！

航班時間（由1/6起，香港至阿拉木圖KC930，航班時間將改為09:45起飛，14:30到達阿拉木圖）

呢隻飛官網冇得賣，要到旅遊網站先有。如果唔打算中停阿拉木圖，建議到ZUJI買，連稅約HK$6,300起。如果想要中停阿拉木圖，要到海外旅遊網站先訂到（ZUJI唔知點解出唔番特價），例如www.expedia.co.uk，用”Multiple Destinations”去Search。唔想「隔山買牛」，直接向香港各大旅行社出票都得。

網址：zuji.com.hk 或　www.expedia.co.uk

溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付．

（覺得抵請記得按Like同Share俾朋友）