又飛啦！通常介紹經濟艙平價機票（最極端莫過於星期六介紹嗰隻首爾／大阪來回HK$45），其實商務艙有時都有筍盤。今日見到海南航空有隻飛多倫多商務艙做Last Minute Promo，比任何航空公司起碼平一半以上，值得為你報導。

由香港出發直航多倫多嘅商務艙，如國泰8月旺季佢做緊HK$35,400（未連稅，下同）。大陸旅遊網站一起飛做緊海航優惠，八月份由北京出發只賣RMB16,000（約HK$19,200），仲送埋廣州、深圳及三個大陸城市來回北京嘅駁機機票（都係坐商務）！最緊要係呢張機票有效期長達6個月！回程日期又可以OPEN，真係抵到無朋友，呢個Offer官網冇架！

依家海航逢週一、三、六各有一班同多倫多對開，採用旗下最高端嘅Airbus A340-600，裡面設有60個商務客位，座位可以打平嚟瞓，PTV用Panasonic系統，商務艙隻Mon有成10.4吋，講硬件絕對唔差架！

一起飛優惠詳情：m.yiqifei.com

（記得按下面「讚好」Share俾Facebook朋友）