前幾日情人節先報加航有隻2人同行筍盤，作為對手，國泰梗係死跟！不過個價錢就……飛溫哥華就HK$4,110，飛多倫多就HK$6,740，貴過加航一截，點夠人爭？至於出發日期就基本上一樣，只係冇咗聖誕個幾日，而機票有效期佢就長加航小小（21日 vs 1個月）。多倫多線始終唔肯大劈，鬼咩！呢條黃金航線不嬲都爆，今次既然加航減價，佢咪係咁二減少少囉！爭成八舊水，揀邊間？自己諗。

留意位：

1. 出發日期：10/2 – 23/3；2/4 – 31/5；12/9 – 18/11

2. 機票有效期：2日 – 1個月

3. 最後出票日期：31/3

網址：www.cathaypacific.com

（記得按下面「讚好」Share俾Facebook朋友）

加航都好耐冇出筍盤，呢次就出2人同行，直航飛溫哥華HK$3,750（未連稅，下同），多倫多就HK$5,950，比依家平咗大截，抵買啦！想去其他加拿大城市？西岸經溫哥華轉機去維多利亞／卡加里／艾蒙頓及溫尼泊就HK$4,950，東岸經多倫多轉機去渥太華／蒙特利爾／魁北克就HK$6,350。如果想去美國，西岸經溫哥華去洛杉磯／西雅圖／三藩市／拉斯維加斯（呢個平呀）／波特蘭就HK$4,950，東岸經多倫多去波士頓／芝加哥／紐約／奧蘭多／華盛頓／費城亦只係HK$6,350。最正斗係有效期除咗六／七／八月同埋十一月尾至聖誕前外，基本上都可以出到呢個價，不過要快手啦！因為呢隻Fare不嬲都幾搶手。官網仲未有，去真旅網出飛啦！

留意位：

1. 出發日期：9/2 – 23/3；2/4 – 31/5；12/9 – 18/11；24/12 – 26/12

2. 機票有效期：0 – 21日

3. 轉機者可免費停溫哥華／多倫多一次

網址：www.travelzen.com

今日Facebook網友Nicole Ng問淡季去加拿大價格。其實除左東航轉機有筍盤，國泰同加航分別推出咗直航平機票。去一起飛旅遊網訂飛，只要31/3前出發，直航飛溫哥華，國泰只需HK$4,439（未連稅，下同），加航就HK$4,761，國泰點數擊到加航！至於多倫多，直航國泰就HK$6,989，加航就HK$6,577，呢次就加航稍勝！不過加航呢口價可以4月打後都合用，國泰Offer只去到31/3，要留意。

網址：hk.yiqifei.com

（記得按下面「讚好」Share俾Facebook朋友）

尋日講完長榮推出驚人HK$888台北優惠後，佢再推出另一款幾抵買嘅機票，今次輪到長途線，飛美加主要城市，2個月期機票，單人飛最平HK$4,200（西岸）（未連稅，下同）及HK$5,700（東岸）起，最平4人同遊就減至HK$3,800（西岸）及HK$5,300（東岸）。西岸城市包括美國洛杉磯、三藩市、西雅圖以及加拿大溫哥華，東岸城市就係美國紐約及加拿大多倫多。呢批平機票出發日期可以去到30/6，認真夠長！如果你可以6/2 – 31/3期間去紐約，佢另有一款更平選擇：1個月有效期HK$4,200！要留意，長榮紐約回程須於美國多停一站加油。雖然香港直航西岸有時都有呢口價，不過佢俾你免費停留台北一次，兩城旅遊都唔錯吖！而東岸價直頭平香港直航一大截！

網址：www.evaair.com

（記得按下面「讚好」Share俾Facebook朋友）

以前想平平地去美加，都會考慮台灣航空公司，但近一兩年直航都做到好平，又或者有大陸航空公司（如國航／東航）減價加入戰團，所以定價唔上唔落嘅台灣航空公司就少咗人考慮。其實有時佢哋會有啲好抵嘅Promotion，就好似呢隻長榮飛加拿大特價飛咁，可來回是旦揀停一次台北，費用全免（停兩次就加HK$1,000，斷估冇乜人咁做），而佢飛溫哥華嘅單人飛就HK$4,300，2人同行就HK$4,200，4人同行更平到HK$4,000；飛多倫多單人就HK$5,800，2人同行就HK$5,700，4人同行就HK$5,500，同國泰嘅直航Promotion差一千左右，相差唔大，不過好啱想順便玩埋台北嘅旅客，始終都算順路吖！

留意位：

1. 機票有效期：0-2月

2. 最後出發日期：16/12

網址：www.evaair.com

（記得按下面「讚好」Share俾Facebook朋友）

又係國泰！今次講遠少少嘅目的地。加拿大多倫多直航機票一向超貴，國泰依家喺官網做2人同行每人都要HK$7,790（未連稅，下同），原來仲有更平選擇。去大陸旅遊網站一起飛訂佢3/12 – 29/12出發嘅國泰直航多倫多，機票只需HK$6,730！仲平過轉機添！咁梗係要報啦！呢張飛有效期為30日，用來返去過白色聖誕就啱晒！

網址：hk.yiqifei.com

（記得按下面「讚好」Share俾Facebook朋友）

近期美加航線都有航空公司減價，今次就介紹一下大韓航空，佢推出一系列美加城市嘅Early Bird優惠（須於首爾轉機），最平飛三藩市就HK$4,420（未連稅，下同），飛熱門城市如紐約就HK$5,450，多倫多就HK$6,920，溫哥華就HK$4,970，都算幾抵嘅！我最欣賞係飛拉斯維加斯都只係HK$5,420，佢去程可以由首爾直飛到拉斯維加斯，呢套機票平時做七千以上，今次好抵！不過要留意係佢呢隻早餐盤聖誕新年同農曆年都唔適用，最後出發日期為29/2，有效期1年。有興趣可到旅遊熱線中心查詢。

查詢電話：2310 9931

（記得按下面「讚好」Share俾Facebook朋友）

17/10更新：官網今日終於推出，要俾多少少，溫哥華HK$4,950，多倫多HK$7,790

上次講完國泰2人同行飛英國抵到爆，點之原來飛加拿大又有2人同行優惠！2至1個月機票，直航溫哥華每人HK$4,736（未連稅，下同）；直航多倫多每人HK$7,465，優惠去到明年一月中。的確東航依家做緊溫哥華HK$2,689抵到爆，但一來呢個Class嘅飛都去得七七八八，二來有幾多個香港人肯搭東航長途機（我就向來冇所謂，性價比強就得）？特別係嗰班香港加拿大兩邊走嘅老人家，好多都指定搭國泰架！安全嘛！所以雖然唔係最筍，都值得為你報一報。官網冇得賣，去一起飛買啦！

網址：hk.yiqifei.com

（記得按下面「讚好」Share俾Facebook朋友）