1/4/2015 4:18am Updated：吉隆坡返香港又有番O Class平位賣，不過一定要坐馬航，國泰仍然要加HK$700左右，總之夠膽坐馬航，呢套組合飛可以做番來回連稅二千幾蚊。
31/3/2015 03:10am Updated：因為吉隆坡往香港之O Class 特價飛於3月30日晚23:59後結束，依家同一個組合最平由HK$3,799起，係N Class嚟。
「吉港歐」超平飛已經爆咗2個禮拜（唔明就請睇：http://flyagain.la/20784），又要多謝「又飛啦旅人團」團友報料（http://flyagain.la/group），原來仲可以超平價加多一程！是咁的：原本最平玩法係吉隆坡->香港->歐洲->香港（最平來回連稅約HK$2,617），如果返到香港後再加一程香港單程飛曼谷、沙巴或峇里島（可以稍後先飛，變相拆多一個旅程），只需俾多兩三舊水而已！加埋香港落吉隆坡以及曼谷、沙巴或峇里島返香港之廉航機票約HK$1,000起，埋單唔駛4千就可以有三個Trip喇（包括吉隆坡Weekend、歐洲長Trip及曼谷、沙巴或峇里島Weekend），仲加上所賺里數足以兌換免費來回台灣機票，一雞4味，係咪好毒呢！
第一及第四程係搭國泰或港龍（或馬航，您會搭嗎），至於歐洲嗰程係搭英航，今次航點就冇之前選擇咁多。我地搵咗幾個航點俾大家參考下，以倫敦入，歐洲城市出為例：盧森堡HK$2,899起、法國尼斯HK$2,933起、巴塞隆拿HK$2,945起、里斯本HK$3,044起、意大利佛羅倫斯HK$3,061起、威尼斯HK$3,069起、捷克布拉格HK$3,186起、挪威奧斯隆HK$3,574起。日子方面，每一程都可以分開，第一程要6月先有咁平，其他日子要加HK$500左右。去歐洲嗰程遠至2016年2月都訂到，聖誕節／跨年／農曆新年都OK（當然正日就冇乜貨lu），而倫敦亦可以做到Stop Over，歐洲亦可以做Open Jaw！
記住：呢套飛佢最值錢之處，係可以將里數儲入英航Avios中，最少可賺12,xxx里，入AsiaMiles就一里都冇（不過留意4月28日後購買就要用新方法計里數，幸好以出票日期計而非旅遊日期），足以換取一張來回台北機票（仲有3,000里剩）！咁您話抵唔抵呢？機票有效期長達1年，官網冇呢口價，即刻去Expedia搶飛！
提提您：第一段外地返香港必須要飛，一旦No Show，其後行程均會被航空公司取消，敬請留意！
P.S：唔係賣花讚花香，「又飛啦旅人團」實在太多猛人，有時間者不妨入Group睇睇佢哋嘅分享：http://flyagain.la/group
（覺得抵可用Whatsapp同LINE Share俾朋友架）
終極升級版！國泰吉隆坡返香港 + 英航香港來回歐洲＋香港單程飛曼谷、沙巴及峇里島，連稅$2,899起，仲賺埋台灣來回機票！
