漏夜都報，皆因又有漏洞機票呀呀呀！！！今次目標係俄羅斯全祿航空（Transaero），佢由北京來往歐洲（經莫斯科轉機）部份航點出現超平飛，來回淨機票約HK$720起，連稅計：巴黎奧利（ORY）HK$1,903起，維也納$2,070起，柏林$2,214起（部份日子更可以做到法蘭克福入柏林出），出發日期由2015年1月15日至3月28日（但漏洞飛供應主要喺1至2月中），機票有效期長達2個月（回程必須於3月28日前），再配番張港航平價香港<->北京機票（來回連稅約HK$1,500左右，但留意機票有效期只有7日，建議兌換里數出機票為佳，因為逗留日子可以長啲），來回最平可以做到HK$3,400左右，仲可以順道玩埋北京添！Check過系統，呢批漏洞飛（Class Code為W）以去程週二及回程週三／日為主，但要花啲耐心搵，因為日子選擇唔多。此外，要留意部份機票到莫斯科時要換機場轉機，呢類飛要避免入手；轉機時間亦比較長，不過咁平冇法啦！由於官網已經關閉（因為佢仲有其他出發地點有漏洞飛，估計修理當中），唯有去番網上旅行社買，其中香港攜程（Ctrip）及美國Cheaptickets.com有得賣，咁梗係幫襯香港Ctrip，話晒用港幣結算兼且有香港電話熱線，有問題易解決啲。

漏洞嘅嘢有一定風險，老規舉：千祈唔好打電話／email問航空公司，以免打草驚蛇！手快有手慢冇！

網址：www.ctrip.com.hk

（覺得抵可用Whatsapp同LINE Share俾朋友架）

大漏洞！俄羅斯全祿航空北京來回連稅：巴黎$1,903，維也納$2,070，柏林$2,214起，2015年1及2月出發

國泰港龍fanfares第113週又嚟啦！記得今朝08:00開倉喎！自由揀日子估計為2015年3月15日至3月28日，指定日子估計介乎12月25日至2015年1日4日，今朝08:00去搶喇！

地點　淨機票 ｜連稅價（評語）

廈門 HK$490起 | HK$1,010起（轉去金門）
南京 HK$790起 | HK$1,310起（去的理由）
杭州 HK$890起 | HK$1,410起（不過不失）
寧波 HK$890起 | HK$1,410起（首選快運）
曼谷 HK$990起 | HK$1,564起（終於歸隊）
布吉 HK$1,090起 | HK$1,664起（直迫廉航）
仰光 HK$1,490起 | HK$2,026起（都幾好嘅）
馬爾代夫 HK$1,990起 | HK$3,561起 （平過之前）
巴黎 HK$3,090起 | HK$4,990起（頭號目標）
三藩市 HK$3,290起 | HK$5,156起（次選目標）
紐約 HK$3,490起 | HK$5,356起（飛常罕見）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

相關文章：官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

近排有好多航空公司推出歐洲嘅轉機盤，其中包括阿聯酋航空、俄羅斯航空、捷特航空同卡塔爾航空，今次就介紹另外一個一雞兩味嘅韓亞盤俾大家，等各位多個選擇。出發日期由2015年1月1日至2月16日、2月26日至4月1日、4月7日至7月10日、8月26日至9月30日、10月3日至12月18日、12月26日至12月31日，來回歐洲4大城市HK$4,300起，連稅計：伊斯坦堡HK$5,953起、巴黎HK$6,360起、法蘭克褔HK$6,656起、倫敦HK$7,395起，呢套飛3大優點：1. 只要補返約HK$132機場稅，可以中停首爾（只限一次）；2. 可OpenJaw，倫敦入，其他城市走可以避過倫敦超貴機場稅；3. 機票有效期1個月，玩完歐洲，再玩首爾，您想點玩都得。Check過系統，照睇供應日期都已經睇到旺季冇望，但淡季供應足，啱就係12月24日前上Expedia買啦。

網址：www.expedia.com.hk

（覺得抵可用Whatsapp同LINE Share俾朋友架）

韓亞航空一雞兩味，玩完歐洲再玩韓國，來回機票$4,300起，機票有效期1個月

中東三寶之一嘅卡塔爾航空翻推明年早餐盤，出發日期由2015年4月5日至6月15日（視乎航點），經多哈轉機來回淨機票HK$2,290起，連稅計：伊斯坦堡HK$5,345起、奧斯陸HK$5,429起、馬德里HK$5,433起、斯德哥爾摩HK$5,475起、米蘭HK$5,578起、蘇黎世HK$5,600起、巴黎HK$5,696起、威尼斯HK$5,712起、布魯塞爾HK$5,795起、慕尼黑HK$5,828起、羅馬HK$5,851起、巴塞隆那HK$5,891起、哥本哈根HK$5,895起、柏林HK$5,920起、日內瓦HK$5,985起、法蘭克福HK$5,977起、雅典HK$6,255起、倫敦HK$6,452起，其他歐洲航點都有。呢口價同上期早餐盤相約，大部份航點都平過HK$6K，雖然比俄航貴一截，但質素有別，睇自己需要吧！一如以往，可以Open Jaw（請用Multi-City去Search），個別城市組合可以幫您慳成千蚊（例如倫敦入，其他城市走，如伊斯坦堡來回連稅HK$5,265起）！Check過系統，呢口價供應量足，機票有效期為1個月，最後出票日期為12月29日。

網址：www.qatarairways.com

（覺得抵可用Whatsapp同LINE Share俾朋友架）

卡塔爾航空早盤Encore，飛歐洲各地$2,290起，12月29日截飛

捷特航空推出平飛英、法優惠，出發日期由依家至2015年3月31日，來回巴黎淨機票HK$2,008起，連稅計HK$4,824起，又一口價平過HK$5K之選，機票有效期1個月，啱哂想深度遊法國嘅您，夠時間可以考慮環繞法國一圈，去埋南法嘅尼斯、馬賽同摩納哥玩埋地中海都唔錯。至於來回倫敦淨機票HK$2,136起，連稅計HK$5,978起，以呢口價飛倫敦都唔錯，呢張飛可以OpenJaw，以倫敦入、巴黎走，來回連稅計HK$4,889起，呢口價都算係近期抵玩之選。Check過系統，供應以明年2月尾3月頭為主，其他月份同旺季供應相對較少，最後出票日期12月31日，啱就上ZUJI買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

捷特航空平飛英法，來回巴黎$2,008起、倫敦$2,136起，有效期1個月，明年3月31日前出發

歐洲平霸俄航返嚟喇！出發日期由2015年1月13日至3月4日、3月11日至3月28日，前往歐洲多過航點來回淨機票HK$1,550起，直航莫斯科連稅計HK$3,998起；經莫斯科轉機來回連稅計：奧斯陸HK$4,001起、斯德哥爾摩HK$4,047起、米蘭HK$4,150起、羅馬HK$4,233起、巴黎HK$4,298起、巴塞隆拿HK$4,603起、哥本哈根HK$4,607起、馬德里HK$4,645起、布達佩斯HK$4,647起、阿姆斯特丹HK$4,673起、法蘭克褔HK$4,667起、柏林HK$4,946起、維也納HK$4,970起、慕尼黑HK$5,040起、倫敦HK$5,424起。大部份航點都平過HK5K，絕對係心水抵價，加上各項附加費調低咗，所以呢口價又比上次平咗HK$200左右。特別推介，北歐各市，絕對係睇北極光至靚價！一如以往，呢套飛兩大賣點：1. 可OpenJaw，咁歐遊就唔駛走回頭路，亦可以避過倫敦超貴機場稅；2. 機票有效期為165日，適合長玩嘅您！Check過系統，機票貨量足，不過各個旺季未有，而機票必需於3月28日前回程。如果想中停莫斯科，需補HK$580附加費。最後出票日期為12月20日，去ZUJI或Expedia訂飛。

Expedia網址：www.expedia.com.hk

ZUJI網址：www.zuji.com.hk

（覺得抵可用Whatsapp同LINE Share俾朋友架）

翻劈！即搶！平霸俄航來回歐洲機票$1,550起，機票有效期為165日，12月20日截飛

阿聯酋航空嘅歐洲優惠嚟到年尾嘅最後一次，出發日期由依家至3月31日（視乎航點）：來往歐洲各地機票HK$2,090起，連稅計布達佩斯HK$5,801起、伊斯坦堡HK$6,031起、奧斯陸HK$6,035起、布魯塞爾HK$6,191起、蘇黎世HK$$6,506起、巴黎HK$6,532起、羅馬HK$6,567起、都柏林HK$6,903起、倫敦HK$6,933起，以上各價基於航空公司徵收費用、稅項同費用等收費調低，各項點都平咗HK$100起，其中英國同愛爾蘭跌穿HK$7K，都係唔錯入手價。去程航班香港飛杜拜限坐EK387/EK383，回程杜拜返香港限坐EK386/EK380，可以OpenJaw（不同城市往返），最著數當然係英國入其他城市走，咁就可以慳返英國離境稅。Check過系統，呢口價唔難搵平飛，另外，如果想中停杜拜，補番約HK$180左右機場稅就得。機票有效期為1個月，最後出票日期為12月31日。

網址：www.emirates.com

（覺得抵可用Whatsapp同LINE Share俾朋友架）

阿聯酋航空年尾最後一擊，來往歐洲各地機票HK$2,090起，12月31日截飛

中東三寶之一嘅阿提哈德航空開賣新一輪限時優惠，出發日期由依家至2月13日、2月23日至6月25日、7月21日至9月30日：經阿布扎比轉機來回至所有航點都有平，其中經濟艙7折起，淨機票來回歐洲HK$3,860起，連稅計：米蘭HK$5,850起、布魯塞爾HK$5,857起、蘇黎世HK$5,872起、羅馬HK$5,933起、巴黎HK$6,098起、曼徹斯特HK$6,280起、法蘭克福HK$6,389起、倫敦HK$6,604起，以上經濟艙各價對比上期淡季優惠，驚喜欠奉，勝在暑假旺季都有唔少貨；另外，商務艙都有平，淨機票6折起，不過機票數量唔多，想享受中東籍豪華客機同服務可Check吓。當然，一如以往可以Open Jaw，而最抵當然係倫敦入羅馬／米蘭／巴黎走，可以慳番英國超貴嘅機場稅，詳情請往官網尋寶。Check過系統，呢口價機票數量唔少，如果淡季出發可等，旺季不妨考慮，機票有效期1個月，最後出票日期為12月16日。

提提您：想買Open Jaw機票，記得喺Search Engine中揀Multiple destinations / Stopovers。搜尋後，部份航班可能須先搭馬航由香港飛吉隆坡，再轉阿提哈德航空往阿布扎比，唔建議大家咁飛，記住揀番香港直飛阿布扎比，無就寧願改日子試試。

香港<->阿布扎比以塞舌爾航空執飛，時間如下：
HM087 HKG1855 / AUH2325 （週一、三、五）
HM086 AUH2140 / HKG0940 （週二、四、日）

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.etihad.com

（覺得抵可用Whatsapp同LINE Share俾朋友架）

阿提哈德航空全球航點減，商務艙6折起、經濟艙7折起，暑假都有