近幾日一堆長途平盤，您買到手軟未？仲唔啱心水？睇埋呢個組合盤：「日港澳港日」/「日港紐港日」，一如以往，佢可以帶大家去2次日本+1次澳紐，如果時間夠，仲可以加多程台北添！

第一個玩法：首先喺日本各大城市（國泰及港龍有覆蓋嘅航點，包括福岡/名古屋/大阪/東京/札幌/沖繩/廣島）經香港飛澳紐城市（限國泰有覆蓋嘅航點，包括悉尼/阿德萊德/布里斯班/開恩茲/墨爾本/珀斯/奧克蘭），然後澳紐回程經香港往日本各市，來回連稅HK$4,701起，當中兩次經香港可選擇其中一次中停（可拎寄艙行李返香港屋企），另一次係轉機（不可拎寄艙行李返屋企）。

第二個方法與第一個方法大致一樣，只不過由澳紐返港後轉飛台灣（可於台灣拎寄艙行李），稍後才出發往日本城市，來回連稅HK$4,839起。呢個組合甚至去到聖誕跨年都有，來回連稅唔駛五千即玩哂澳紐台日四個國家，仲要有旺季，真係無得輸啦！

簡單嚟講，今次組合的玩法如下（紅色字指今次介紹之國泰平機票）：
第一個玩法例子：
Trip 1（日本之旅）：香港飛日本（額外購買廉航單程）-> 日本飛香港（可中停1次*，或直接轉機）
Trip 2（澳紐之旅）：香港飛澳紐 -> 澳紐飛香港（可中停1次*，或直接轉機）
Trip 3（日本之旅）：香港飛日本 -> 日本飛香港（額外購買廉航單程）

先於去程及回程建議補購一張廉航機票，先玩幾日再從日本返港即轉飛澳紐，而從澳紐返港後可中停一段時間再飛日本，變相拆開3個行程（2次日本+1次澳紐）；

方法2（再飛台北）：2次日本+1次澳紐+1次台北
例子：
Trip 1（日本之旅）：香港飛日本（額外購買廉航單程）-> 日本飛香港（可中停1次*，或直接轉機）
Trip 2（澳紐之旅）：香港飛澳紐 -> 澳紐飛香港（可中停1次*，或直接轉機）
Trip 3（台北之旅）：香港飛台北
Trip 4（日本之旅）：台北飛日本（東京羽田／沖繩／札幌除外）-> 日本飛香港（額外購買廉航單程）

註 *：整個行程可選擇中停一次。如選擇了去程中停，回程則只可以直接24小時內轉機；同樣地如選擇了回程中停，去程則只可以直接24小時內轉機。

價錢方面，由於城市組合極多，只提供以下幾個航點作參考，建議可用Expedia香港網站Multi Cities（多城市）功能搜尋自己喜愛嘅組合。

1. 東京->香港->悉尼->香港 // 香港->福岡HK$4,701起
2. 札幌->香港->悉尼->香港 // 香港->福岡 HK$4,763起
3. 大阪->香港->墨爾本 //悉尼->香港 // 香港->東京 HK$4,842起
4. 福岡->香港->阿德雷德 //阿德雷德->香港 // 香港->東京 HK$4,862起
5. 東京->香港->奧克蘭 //奧克蘭->香港 // 香港->東京 HK$4,882起
6. 大阪->香港->伯斯//悉尼->香港 // 香港->東京成田 HK$5,029起
7. 福岡->香港->布利斯班->香港 // 香港->東京成田 HK$5,085起

方法2（再飛台北），組合舉例如下：

6. 福岡->香港->悉尼->香港 // 香港->台北 // 台北->東京成田 HK$4,839起
7. 福岡->香港->悉尼 // 墨爾本->香港 // 香港->台北 // 台北->東京成田 HK$4,851起
8. 福岡->香港->墨爾本->香港 // 香港->台北 // 台北->東京成田 HK$4,962起
9. 大阪->香港->奧克蘭->香港 // 香港->台北 // 台北->東京成田 HK$5,042起

至於額外購買之廉航，由香港來往日本有HK Express、捷星、香草及樂桃，來回連稅一般只需HK$1,000至HK$1,800左右（視乎入手時間），故此最終玩盡日/澳/紐3個Trip後機票連稅加埋港幣六千幾蚊起。而最最最正嘅地方係整套機票可儲100%里數（Class Code為V）！以行程4為例，東京飛奧克蘭加埋最少都超過15,000里，呢個里數足夠兌換免費香港來回台北機票，比你再飛一次台北，真係抵上加抵！

【出發日期】4月1日至2017年2月28日前出發（4/28-5/3,7/30-8/20,12/22-12/30除外）
【機票有效期】1個月
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

「日港澳/紐港日」再現！國泰日本往香港+來回澳紐+單程往日本（或經台北往日本）來回連稅$4,701起，兼賺里數！2017年2月28日前出發

11/10，我哋「又飛啦！」先介紹馬航將吉隆坡線劈到HK$1,540起（連稅HK$2,352起），點知今日佢又宣佈晒冷式推出更多航點劈價，當中吉隆坡更狠劈到HK$1,180起（連稅HK$1,959起），呢個價係坐日間機（可早去晚返），國泰HK$1,300仲係坐零晨機，雙方距離拉番遠啦！另一方面，近年已極少見到平機票嘅沙巴亦包括在內：來回HK$1,480起（連稅HK$2,259起），不過去程限坐1/12後先新增逢週三及六出發嘅MH427（19:25/22:25週三，20:15/23:25週六），回程限搭MH426（15:30/18:25週三，16:20/19:15週六），時間一般，要週日返港就唔係呢口價。今次劈價仲包括檳城、浮羅交怡，澳洲悉尼、墨爾本、柏斯、阿德萊德、布利斯班（連稅$5,367起，都OK抵），仲有馬爾代夫呢！HK$2,380起，連稅HK$5,036，最正係佢喺吉隆坡駁機時間唔耐，來回各10-11小時，都仲有呢口靚價，去馬！最後一句：官網雖然已見宣傳（比Zuji平HK$40），但直到執筆一刻（09:45am 15/10）都未正式開賣，反而Zuji有喎！

留意位：

1. 出發日期：18/10 – 12/12，27/12 – 31/1

2. 機票有效期：14日（馬來西亞線）／30日（馬爾代夫、澳洲、印度）

3. 最後出票日期：29/10

馬航官網：www.mas.com.my

Zuji：www.zuji.com.hk

（記得按下面「讚好」Share俾Facebook朋友）

又輪到澳洲。之前講過國泰推出澳洲平機票，飛墨爾本／悉尼HK$4,550，作為對手嘅維珍，點會放過你？於是佢駛出兩大絕招：1. 票價更低（HK$4,290，未連稅，下同），2. 有效期更長（國泰 1個月 vs 維珍 1年），呢招真係絕殺呀！因為一來有唔少學生哥需要1年期機票方便留學，二來澳洲都有唔少移民需要香港<->澳洲定期往返，1個月點夠用？至於城市方面，除咗墨爾本同悉尼，維珍仲有阿得萊德、布利斯班、坎培拉、黃金海岸，統統一樣HK$4,290，依家訂飛仲會送你一張「維珍航空悉尼抵玩通行証」添！年尾想去澳洲歎夏天？維珍So Good！

留意位：

1. 最後出票日期：31/7/2012

2. 出發日期：1/8/2012 – 20/12/2012、24/12/2012 – 5/2/2013、14/2/2013 – 23/3/2013

3. 機票有效期：1年

4. 旅客如需停留悉尼，每位旅客每次停留需繳付HK$500附加費

網址：www.virgin-atlantic.com

（記得按下面「讚好」Share俾Facebook朋友）