長榮劈價第3浪，今晚00:00又嚟啦！新一批機票包括：大阪（HK$1,190，連稅HK$2,068），札幌（HK$2,470，連稅HK$3,192），泗水（HK$1,230，連稅HK$1,872），布里斯本（HK$2,420，連稅HK$5,076），西雅圖（HK$3,310，連稅HK$5,604），多倫多（HK$4,500，連稅HK$6,737），出發日期為3/11 – 30/11（週日至三），全部經台北轉機，可免費中停台北一次（出票時須揀”中途停留 / 不同點進出”，出咗票再改會收費用）。至於機票有效期，除咗大阪同札幌係14日外，其他一律1個月，抵吖！今次嚟講，最抵必定係多倫多！連稅HK$6,737，雖然係入冬，但真係抵到無朋友，依家搭轉機都要接近一萬喇！札幌呢個價的確平，不過係淡季，又未大雪，平都要考慮下先；大阪坐樂桃直航算啦！除非您想一雞兩味玩埋台北；西雅圖嗰價亦靚仔非常。最後出票日期為29/6（週六）23:59。

網址：www.evaair.com

（覺得抵請記得按Like同Share俾朋友）

尋晚先講澳航直飛悉尼／墨爾本同布里斯本下半年機票有劈價，對手維珍立即反擊！仲要同您玩晒冷：無論係直航嘅悉尼，抑或轉機嘅阿德萊德／布里斯本／黃金海岸／坎培拉同墨爾本都同樣劈（到悉尼後轉搭維珍澳洲），價錢亦同澳航一樣：淨機票HK$3,040．連稅計，悉尼HK$5,690，阿德萊德HK$5,960，布里斯本HK$5,946，黃金海岸HK$5,942，坎培拉HK$6,061，墨爾本HK$5,819，出發日期亦同澳航一樣：1/8 – 24/9；8/10 – 8/12，機票有效期1年。由於官網只能售賣悉尼機票，建議去番ZUJI訂，因為6個地點都有齊晒，價錢亦一樣．當中以黃金海岸同悉尼最有睇頭：前者少有平盤，後者如果同澳航同價，梗係試下維珍，質素相信比澳航高一啲。

網址：www.zuji.com.hk

（覺得抵請記得按Like同Share俾朋友）

花生友，埋嚟睇，互劈大戰又嚟啦！國泰今期fanfares推悉尼同布里斯本5月份指定日子來回HK$1,990（未連稅），澳航見狀，立即還擊！同樣推出悉尼及布里斯本Last Minute超級劈盤，來回HK$1,950，連稅計，悉尼HK$4,797，布里斯本HK$4,809，唔駛五千搭直航已經好So，更重要嘅係：澳航可以俾您任揀日子來回（出發日期：悉尼13/5 – 20/5；布里斯本10/5 – 18/5），機票有效期14日，比起國泰今期fanfares更So！嘿！呢招咁勁，唔知對手（包括維珍）點還手呢？最後出票日期為13/5。

網址：www.qantas.com.au

（記得按下面「讚好」Share俾Facebook朋友）

澳洲步入冬季，機票越嚟越平！澳航剛推出飛悉尼、墨爾本、布里斯本、凱恩斯、阿得萊德劈盤，來回淨機票HK$3,370起，1人飛都得，出發日期為1/4 – 13/6，機票有效期21日。連稅後，飛悉尼HK$6,283、墨爾本HK$6,121、布里斯班HK$6,299，都係直航。凱恩斯HK$6,666，阿德萊德HK$6,574，呢兩隻就要轉機。至於珀斯，冇直航後價錢就變貴，連稅高達HK$8,027！即刻放棄！Check過系統，四月中前供應量唔多，之後到六月中都唔太難搵到，上澳航官網望下啦！最後出票日期為24/4。

網址：www.qantas.com.au

（記得按下面「讚好」Share俾Facebook朋友）

23/2，我哋「又飛啦！」先報過澳航有隻珀斯Goodbye劈，2人同行每位HK$2,120，點知仲有更激！澳航剛推出另一隻超筍盤：香港直飛布里斯本（去程搭QF98（22:50/09:45），回程搭QF97（11:15/18:00））來回淨機票HK$1,990，連稅HK$4,792，1人飛都得，仲平過今期國泰Fanfares：雖然國泰又係HK$1,990，但須指定日子來回，而澳航就任你揀，只要您喺4/3出發24/3前返香港就得，最長有20日有效期，非常適合想玩埋其他澳洲城市嘅旅人選購。呢隻超激筍盤官網冇得賣，上Zuji睇睇，Check過系統，呢一刻供應量充足！順帶一提：由6/5開始，呢條航線會由每週四班增至每週五班（逢一／二／四／六／日），到24/6起會再增至每日一班，用A330-300飛機執飛。

網址：www.zuji.com.hk

（記得按下面「讚好」Share俾Facebook朋友）

09:43 26/2 Updated：

－　今次自由揀日子嘅地點有：曼谷／桂林／高雄／檳城／沖繩／墨爾本，同之前估計差唔多，出發日期為28/4 – 11/5

－　今期最抵點都係曼谷同檳城！曼谷啲飛去得勁快！應該率先沽清！沖繩雖然唔係旺季，都幾抵去

－　新加坡指定日子來回？Well！

－　桂林自由揀日子，四月尾應該過晒霧期

國泰港龍fanfares第十八週又嚟啦！記得聽早08:00開倉喎！今次推出11個城市，上次自由揀日子出發日期為21/4 – 4/5，估計今次又係順延一週咁上下：

－　主打嘅曼谷HK$990（連稅HK$1,750，呢個價應該係自由揀日子，都算係熱搶之選）

－　鄭州HK$490（連稅HK$1,177，應該冇乜人有興趣）

－　桂林HK$490（連稅HK$1,177，呢個價的確唔錯，不過如果係指定日子來回，需要3月左右去，多霧天氣，睇風景會唔會有影響呢？）

－　高雄HK$590（連稅HK$1,244，應該係自由揀日子，今日搶唔到ZUJI $10機票者，可以報仇）

－　金邊HK$790（連稅HK$1,559，又番嚟啦！應該係指定日子來回啦）

－　新加坡HK$990（連稅HK$1,742，自由揀日子啦！都有幾期冇見，唔係零晨機梗OK）

－　檳城HK$990（連稅HK$1,728，今期最抵係佢，皆因AirAsia冇咗直航！）

－　名古屋HK$990（連稅HK$1,774，指定日子來回居多）

－　沖繩HK$1,290（連稅HK$1,864，雖然唔夠港航HK$690抵，不過連稅唔過HK$2K，都係值得入手嘅）

－　布里斯本HK$1,990（連稅HK$4,830，首度推出！指定日子來回居多，不過依家澳洲開始涼啦）

－　墨爾本HK$2,890（連稅HK$5,550，自由揀日子啦！直航嚟講又有得揀日子就值得去馬）

記住：先搶自由揀日子嘅飛先，然後再睇指定日子來回嘅飛，此外每個地點均設有獨立售賣日期，有啲為1日，有啲為6日，留心啦！

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://goo.gl/F8jom　<–記得Bookmark！

（記得按下面「讚好」Share俾Facebook朋友）

馬航尋日起靜雞雞推出限時3日劈，將旗下一眾航點價錢「手起刀落」！出發日期為明年1/1至30/4（大假期不適用），早餐盤是也！菜式包括：直航嘅沙巴HK$1,500（連稅HK$2,310，唔介意去程搭夜機20:15就得，回程係下午15:30，OK合理），吉隆坡HK$1,250（連稅HK$2,070，早去晚返都得，供應量非常充裕），轉機嘅浮羅交怡HK$1,500（連稅HK$2,834，下欄勁貴），澳洲嘅阿德萊德／布里斯本／悉尼同墨爾本就HK$2,200（連稅HK$5,460起，以轉機嚟講算平），馬爾代夫就HK$2,340（連稅HK$5,027，比卡塔爾航空3日限時劈價貴7舊水，不過仍屬合理範圍）。上次15/10冇執馬航40週年優惠機票嘅您，今次記得及早補飛！

留意位：

1. 機票有效期：飛馬來西亞最長14日，飛澳洲／馬爾代夫及其他地方則30日

2. 機票適用日期：1/1 – 3/2，21/2 – 24/3，6/4 – 30/4

3. 最後出票日期：10/11（週六）午夜前

網址：www.mas.com.my

（記得按下面「讚好」Share俾Facebook朋友）

既然澳航劈價，對手國泰梗係跟啦！事實上，國泰官網依家做緊明年春天澳洲特價機票，去悉尼／墨爾本／開恩茲／布里斯班／阿德萊德要HK$4,880（未連稅，下同），去珀斯就HK$4,420，出票最後期限到6/1，誰不知佢地俾旅行社嘅優惠仲令仔呢！以前者城市為例，一律HK$4,040！珀斯就HK$3,750，出票期限仲去到9/2，同澳航新優惠睇齊。呢口價可以打電話去時尚遊訂，如果想即刻上網訂，可以去Zuji，佢哋貴少少，悉尼個批城市就要HK$4,195，珀斯就HK$3,889。

留意位：

1. 出票最後日期：9/2

2. 出發日期：1/2 – 30/6

3. 機票有效期：0 – 1個月

時尚遊電話：3118 1688

Zuji網址：www.zuji.com.hk

（記得按下面「讚好」Share俾Facebook朋友）