淡季長途機票優惠，今日輪到講澳洲。澳航推出一隻有效期特長嘅筍盤：出發日期去到30/6/2014（19/12 – 22/12，23/1 – 3/2不適用），橫跨整個澳洲夏天，飛澳洲四大城市包括墨爾本／悉尼／布里斯班／阿德萊德（須轉機），來回淨機票HK$3,500起，連稅計，來回悉尼HK$6,174／墨爾本HK$6,066／布里斯班HK$6,182／阿得萊德HK$6,431起，雖然唔係激平，但最強賣點係可以俾您Open Jaw：即可揀不同城市往返，例如墨爾本入悉尼出，悉尼入布里斯班出，唔駛行回頭路，而且飛悉尼可以搭A380班次添（QF127或128）！仲想平啲？人哋旅遊旺季喎！機票有效期1個月，最後出票日期為13/9。

網址：www.qantas.com.au

（覺得抵請記得按Like同Share俾朋友）

之前幾個禮拜，澳航出過幾次HK$1,990飛澳洲，不過由於太Last Minute（要即買即飛），所以澳航轉新招，改推下半年平機票：出發日期由1/8 – 24/9；8/10 – 8/12，直航悉尼／墨爾本／布里斯班均一價淨機票HK$3,040，連稅計，悉尼HK$5,686，墨爾本HK$5,556，布里斯班HK$5,698，可揀唔同城市往返，放便您周圍玩唔駛行回頭路，機票有效期1個月。Check過系統，供應量充裕，鬼咩！澳洲冬天，唔平邊有人去？不過講真澳洲冬天又唔係冰天雪地（日間都Keep住十幾廿度），都有一批探親客或回流朋友乘機平飛澳洲。雖然比Last Minute劈盤貴HK$1,000左右，但勝在唔駛等唔駛搏，所以適合想一早Plan定行程，又或者同大班朋友去嘅人士（例如放暑假中嘅學生哥）趁低吸納。

網址：www.qantas.com.au

（覺得抵請記得按Like同Share俾朋友）

08:37 7/5 Updated：#fanfares分析#

國泰港龍fanfares開賣啦！

自由揀日子地點有：台中／三亞／仰光／首爾，出發日期為7/7 – 20/7；峴港／巴黎出發日期為17/9 – 30/9
指定日子地點有：福州／河內／釜山／布里斯班／悉尼，出發日期介乎9/5 – 20/5

－　今次自由揀日子首次搞分拆，峴港同巴黎賣9月份，其他賣暑假。
－　巴黎9月尾天氣還可以的，中秋節期間仲有位，可以入手
－　仰光少見自由揀日子，仲要暑假出發添！
－　首爾暑假出發，唔怪得貴咗，加番啲分
－　台中HK$990，即刻靜晒，証明fans知價啦！

國泰港龍fanfares第二十八週又嚟啦！記得聽早（週二）08:00開倉喎！今次推出11個城市，上次自由揀日子出發日期為30/6 – 13/7，指定日子一般介乎2/5 – 13/5期間出發，估計今次又係順延一週咁上下（即係完全踏入暑假喇）：

地點　淨機票｜（連稅價）評語　自由／指定日子（估計）

福州 HK$590 | HK$1,253（鐘意就去）（自由日子）
三亞 HK$690 | HK$1,353（係時候喇）（自由日子）
河內 HK$790 | HK$1,463（又見到您）（指定日子）
台中 HK$990 | HK$1,618（一般平咋）（自由日子）
釜山 HK$1,090 | HK$1,806（抵玩之選）（自由日子）
仰光 HK$1,490 | HK$2,116（不過不失）（指定日子）
峴港 HK$1,490 | HK$2,163（終於劈啦）（自由日子）
悉尼 HK$1,990 | HK$4,794（淡季常客）（指定日子）
布里斯班 HK$1,990 | HK$4,836（比較少見）（指定日子）
首爾 HK$2,390 | HK$3,143（貴咗咁多？）（自由日子）
巴黎 HK$3,490 | HK$5,962（天氣回暖）（指定日子）

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（記得按下面「讚好」Share俾Facebook朋友）

澳洲已經踏入夏季尾聲，漸入秋天，平機票又走番出嚟！澳航全新推出淡季優惠：2人同行飛澳洲凱恩斯／墨爾本／布里斯班／悉尼／阿德萊德淨機票每人一律HK$4,020起，連稅計，凱恩斯HK$6,959起，墨爾本HK$6,656起，布里斯班HK$6,853起，悉尼HK$6,812起，阿德萊德HK$6,936起，出發日期為20/2 – 27/3；1/4 – 3/7；4/8 – 30/11。依家去澳洲，雖然唔係旅遊季節，但當地咁多香港移民，不如趁香港放暑假期間回澳探親。機票有效期為3個月，最後出票日期為13/3。

網址：www.qantas.com.au

參考圖輯：「又飛啦！」親身直撃：澳洲航空A330-300之旅

（記得按下面「讚好」Share俾Facebook朋友）

6/11 09:42 Update：

– 芝加哥指定日子5日來回？同做空姐／空少有乜分別？時差都未適應啦！
– 高雄限玩3日2夜？仲只係12/11或13/11週中出發？華航今日應該笑死啦唔駛跟劈！
– 金邊／胡志明市／首爾／阿姆斯特丹／布吉唔駛限死來回日期，爽啦！尤其係金邊，首次有劈價！
– 東京又係限來回日期，仲要只有4日3夜，得15/12去18/12叫住貼到週末，加上早去午返，算係本週最抵之選！
– 海口一樣要限定來回，不過真係堅平，適合退休人士出行之用

國泰港龍fanfares第二週又嚟啦！記得聽早8:00開倉喎！今次佢哋又推出14個城市，包括首爾HK$990（未連稅，下同）／東京HK$990／海口HK$290（呢兩個城市本週又Encore，似乎東京真係可以長期超平喎！不過估計又係指定日子來回居多）／高雄HK$490（平霸華航點夠佢嚟？唔通指定日子來回？）／昆明HK$690／胡志明市HK$790／金邊HK$890（嘩！金邊從來冇劈價！呢口價必搶啦～）／濟洲HK$1,090／布吉HK$1,190（布吉好少平盤，泰Fans一定要入貨！）／名古屋HK$1,290／莫斯科HK$1,990（凍冰冰，幾平都唔去啦）／芝加哥HK$1,990（嘩！直航美國東岸平成咁？唔會又係上週墨爾本4日Block Seat機票翻版卦？如果可以自由揀日子，就真係最抵啦！一於配張內陸機，飛埋紐約或多倫多！）／布里斯班HK$2,390／阿姆斯特丹HK$2,990（少見特價），至於邊啲飛係指定日子來回，邊啲可以喺指定限期內自由揀來回日期，聽早8點就知啦！跟據上週經驗，除咗國泰同港龍，其實Zuji甚至各大旅行社都有呢批飛賣，如果聽早國泰港龍Server太慢甚至當機，拿拿林轉戰Zuji搶飛啦～記住：每種機票均設有獨立售賣日期，有啲為1日，有啲為6日，要留心啦！

國泰FanFares網址： www.cathaypacific.com

港龍FanFares網址： www.dragonair.com

（記得按下面「讚好」Share俾Facebook朋友）

20/4，我哋「又飛啦！」報導過淡季2人同行飛澳洲，國泰HK$3,660 vs 澳航HK$3,420（未連稅，下同），當時話最後出票日係30/4。點知依家優惠再Encore，個價仲比上次更平添！由1/8至30/11，澳航飛墨爾本／悉尼／阿德萊德／布里斯班／開恩茲由HK$3,420減到HK$3,100起（未連稅，下同），國泰飛墨爾本／悉尼／阿德萊德／布里斯班／開恩茲同樣每位HK$3,630，平HK$30囉！本來兩家爭HK$200，依家距離再度拉開，揀邊間？同上次一樣：睇你心水喇！上真旅網訂啦！

網址：www.travelzen.com

（記得按下面「讚好」Share俾Facebook朋友）

依家去澳洲？凍喎！你唔怕（或者有探親需要）一定要去？咁就要留意澳航筍盤喇！飛珀斯HK$3,090，飛墨爾本／凱恩斯／布里斯班／悉尼／阿德萊德就HK$3,990，出發日期由依家到31/10（13/7 – 31/7除外），都叫住暑假筍盤！銷售日期至19/6。當然講平梗係東航啦！不過澳航係直航，始終有Fans捧場。提提你，悉尼線逢週四至日如果揀QF128及QF127，可以搭佢最新嘅A380架！

網址：www.qantas.com

（記得按下面「讚好」Share俾Facebook朋友）

如果你唔介意廣州來回，聽日中國南方航空開倉就要留意喇！週二起一連3日，佢將廣州及其他國內城市始發嘅下半年國際航班大劈價，廣州出發飛澳紐地區（包括奧克蘭、布里斯班、墨爾本、珀斯、悉尼）來回HK$2,430起（未連稅，下同）；飛歐洲嘅，莫斯科HK$2,430起，倫敦、巴黎、阿姆斯特丹HK$3,650起；美加方面，洛杉磯同溫哥華HK$6,090起；中東及中亞方面，杜拜HK$2,430起，德黑蘭HK$1,210起，伊斯坦布爾HK$2,430起，加德滿都HK$1,210起，冷門地方都幾抵玩！仲有大量航點不能盡錄，不過佢冇講明幾點鐘開賣，一陣零晨上去望一望，冇就聽早起身再搶啦！

留意位：

1. 訂購日期：22/5 – 24/5

2. 出發日期：1/6 – 31/12

3. 機票有效期：3-30日

網址：www.csair.com

（記得按下面「讚好」Share俾Facebook朋友）