Expedia推出美國平套票，目的地包括紐約、洛杉磯、三藩市同拉斯維加斯，出發日期由依家至2015年1月31日，來回機票+2晚3星酒店（只係舉例，想住多幾晚又得，住邊間酒店都得）+所有稅款，每位最筍價HK$6,413起，參與酒店多達51間。拉斯維加斯美高梅大酒店（http://flyagain.la/s5cp）全包價每位HK$7,097起，澳門間MGM勁貴，美國總店就勁親民，有大型泳池+商場，仲有勁Show “KA”睇！位於The Strip賭場地帶，方便到暈；紐約波德39酒店（http://flyagain.la/lfuc）全包價每位HK$7,838起，行去Grand Central地鐵站約3分鐘，行10分鐘會到帝國大廈同時代廣場，住喺紐約市中心，真係好方便；三藩市莫斯爾酒店（http://flyagain.la/he1l）全包價每位HK$7,756起，距離Powell地鐵站約行4分鐘，步行約5分鐘就到聯合公園，呢個地段確實不錯；洛杉磯聖蓋博希爾頓酒店（http://flyagain.la/zz3c）全包價每位HK$7,761起，希爾頓酒店屬國際品牌，品質有一定保證，前往環球影城同迪士尼樂園都好方便，去玩探親都係首推啦。最後出票日期為10月31日。

此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。即刻去Expedia發掘下其他筍套票啦～

網址：www.expedia.com.hk

（覺得抵可用Whatsapp同LINE Share俾朋友架）

Expedia美國平套票，5日2夜連稅$6,413起，明年1月底前出發

聯合航空終於出咗美國淡季平貨，只限週一至週四往返，分兩隻盤：1. 出發日期由9月8日至12月12日，來回連稅計：洛杉磯HK$6,576起、西雅圖HK$7,076起、拉斯維加斯HK$7,176起；2. 出發日期由依家至9月24日、10月2日至12月12日，來回連稅計：三藩市HK$7,322起、芝加哥HK$7,862起、紐約HK$8,722起。呢口價屬一般淡季價錢，要留意係部份航點需要轉機，但最大賣點係有效期長3個月，探親實啱用。Check過系統，供應量足，啱就上Expedia買啦。

網址：www.expedia.com.hk

（覺得抵可用Whatsapp同LINE Share俾朋友架）

聯合航空美式淡盤，來回連稅洛杉磯$6,576、西雅圖$7,076、拉斯維加斯$7,176、三藩市$7,322、芝加哥$7,862、紐約$8,722起，機票有效期3個月

加航少有平盤，呢次要睇睇：除咗直航有平外，轉機飛美國其他城市都有。出發日期由9月7日至12月31日、2015年1月6日至3月15日，香港來回溫哥華淨機票HK$4,954起，連稅計HK$7,127起、來回多倫多淨機票HK$5,800起，連稅計HK$8,025起、經溫哥華轉機飛其他美國城市（例如: 洛杉磯、西雅圖和拉斯維加斯）淨機票HK$4,905起，連稅計HK$7,229起。呢口價比之前平咗約HK500左右，加上機票有效期21日，去玩探親都啱用。Check過系統，驚喜在於聖誕出發都有，如12月23-30，去拉斯維加斯都有，請4日假就玩8日，其他日子以淡季平日為主。最後訂票日期為9月4日，啱就上ZUJI買啦。

網址：www.zuji.com.hk

（覺得抵可用Whatsapp同LINE Share俾朋友架）

加拿大航空美加盤，溫哥華$4,954、多倫多$5,800、轉飛美國西岸$4,905起，機票有效期21日

19:35 10/10 Updated：漏洞已封！

14:12 10/10 Updated：出發日期：10/10/2013 – 13/12/2013; 24/12/2013 – 27/12/2013; 13/01/2014 – 28/01/2014; 04/02/2014 – 31/03/2014，不設退款，不可中停，改機票每次收HK$1,600

唔好食午飯！即搶！達美航空官網出現超大漏洞機票：香港飛美國一眾西岸城市，來回淨機票一律HK$1,050起，連稅計，三藩市HK$3,768起，洛杉磯HK$3,794起，西雅圖HK$3,748起，拉斯維加斯HK$3,788起，波特蘭HK$3,748起，回程仲可以揀唔同城市（即Open Jaw）。所有班機均須中停東京，有部份更會停留多一個城市，入手前宜留意，不過平成咁，無所謂啦！機票有效期1個月，出發日期由11月至明年3月都有，真係平得太得人驚！趁美國朋友熟睡中，快手搶喇！

漏洞機票，老規舉：千祈唔好打電話／email問航空公司，以免打草驚蛇！漏洞嘅嘢，手快有手慢冇！

網址：zt.delta.com

（覺得抵請記得按Like同Share俾朋友）

加航都好耐冇出筍盤，呢次就出2人同行，直航飛溫哥華HK$3,750（未連稅，下同），多倫多就HK$5,950，比依家平咗大截，抵買啦！想去其他加拿大城市？西岸經溫哥華轉機去維多利亞／卡加里／艾蒙頓及溫尼泊就HK$4,950，東岸經多倫多轉機去渥太華／蒙特利爾／魁北克就HK$6,350。如果想去美國，西岸經溫哥華去洛杉磯／西雅圖／三藩市／拉斯維加斯（呢個平呀）／波特蘭就HK$4,950，東岸經多倫多去波士頓／芝加哥／紐約／奧蘭多／華盛頓／費城亦只係HK$6,350。最正斗係有效期除咗六／七／八月同埋十一月尾至聖誕前外，基本上都可以出到呢個價，不過要快手啦！因為呢隻Fare不嬲都幾搶手。官網仲未有，去真旅網出飛啦！

留意位：

1. 出發日期：9/2 – 23/3；2/4 – 31/5；12/9 – 18/11；24/12 – 26/12

2. 機票有效期：0 – 21日

3. 轉機者可免費停溫哥華／多倫多一次

網址：www.travelzen.com

近期美加航線都有航空公司減價，今次就介紹一下大韓航空，佢推出一系列美加城市嘅Early Bird優惠（須於首爾轉機），最平飛三藩市就HK$4,420（未連稅，下同），飛熱門城市如紐約就HK$5,450，多倫多就HK$6,920，溫哥華就HK$4,970，都算幾抵嘅！我最欣賞係飛拉斯維加斯都只係HK$5,420，佢去程可以由首爾直飛到拉斯維加斯，呢套機票平時做七千以上，今次好抵！不過要留意係佢呢隻早餐盤聖誕新年同農曆年都唔適用，最後出發日期為29/2，有效期1年。有興趣可到旅遊熱線中心查詢。

查詢電話：2310 9931

（記得按下面「讚好」Share俾Facebook朋友）

Facebook網友Grace Kwok查詢15/10 – 22/10有冇平機票去美國拉斯維加斯。由於香港冇直航機去賭城，一定要轉機，不過方法有好多種。唔想煩又俾得起錢嘅，當然搭國泰啦！直航洛杉磯然後轉One World同系嘅美國航空內陸機，去程17小時，回程19小時，來回連稅HK$15,544；次選係搭聯合航空直航三藩市，再轉同公司內陸機，去程17小時，回程22小時，來回連稅HK$11,083；再平少少嘅係達美，來回都係24小時，轉一次機，連稅HK$9,091。

其實如果問我，我會有以下兩個反建議：

1. 早一日去，遲一日返，坐番聯合，Zuji可以做到連稅HK$8,664。去程16小時，回程19小時，除稅後張機票只係HK$5,540，直頭係筍價啦！

2. 原定日子去，遲一日返，搭國泰直航三藩市，然後再買維珍美國Virgin America嘅內陸機。國泰個程連稅HK$7,814，而Virgin America來回連稅HK$1,600左右，加埋HK$9,400，比同國泰買晒慳番六千！而且呢兩間航空公司都係一流服務，你都唔想幾廿個鐘頭同賓賓坐卦？

Zuji 網址：www.zuji.com.hk

國泰網址：www.cathaypacific.com

聯合網址：www.united.com

維珍美國網址：www.virgin-america.com

（記得按下面「讚好」Share俾Facebook朋友）