捷特航空推出平飛英、法優惠，出發日期由依家至2015年3月31日，來回巴黎淨機票HK$2,008起，連稅計HK$4,824起，又一口價平過HK$5K之選，機票有效期1個月，啱哂想深度遊法國嘅您，夠時間可以考慮環繞法國一圈，去埋南法嘅尼斯、馬賽同摩納哥玩埋地中海都唔錯。至於來回倫敦淨機票HK$2,136起，連稅計HK$5,978起，以呢口價飛倫敦都唔錯，呢張飛可以OpenJaw，以倫敦入、巴黎走，來回連稅計HK$4,889起，呢口價都算係近期抵玩之選。Check過系統，供應以明年2月尾3月頭為主，其他月份同旺季供應相對較少，最後出票日期12月31日，啱就上ZUJI買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

捷特航空平飛英法，來回巴黎$2,008起、倫敦$2,136起，有效期1個月，明年3月31日前出發

想平飛倫敦，除咗平霸國航，又點少得捷特航空（JetAirways）！今次呢個早餐盤，出發日期由2015年5月4日至6月30日，香港飛倫敦來回機票HK$1,850起，連稅計HK$5,533起，真係好耐未試過飛倫敦可以5千5埋單，絕對抵買！如果都嫌佢貴，可以用OpenJaw方法減埋倫敦機場稅，例如倫敦入布拉格走，來回連稅HK$4,938起；倫敦入馬德里走，來回連稅HK$5,085起；倫敦入巴塞隆拿出，來回連稅HK$5,203起；倫敦入都柏林出，來回連稅HK$5,394起。HK$5K可以飛轉歐洲，都係低價之選（要留意回程須轉2次機）！Check過系統，呢口價集中喺5月期間，機票有效期2個月，最後出票日期12月10日，啱就上Expedia買。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.expedia.com

（覺得抵請記得按Like同Share俾朋友）

捷特航空超平英倫早餐盤！來回倫敦$1,850起，有效期2個月，可Open Jaw

捷特航空推出平飛倫敦優惠，出發日期由依家至2015年3月31日，來回倫敦淨機票HK$2,460起，連稅HK$6,381起，最大賣點係機票有效期長達3個月，探親或者環遊大不列顛島都啱用，如果回程揀比利時布魯塞爾就HK$5,282起，慳番英國離境稅約HK$1,100，係至抵玩之選。Check過系統，供應以明年2月尾3月頭為主，其他月份供應相對較少，至於旺季時段亦未有呢個優惠，最後出票日期11月31日，啱就上ZUJI買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

捷特航空飛倫敦$2,460起，有效期3個月，明年3月31日前出發

近日好多航空公司推出平飛歐洲盤，今次輪到印度捷特航空（JetAirways），推出3個歐洲航點優惠，出發日期由依家至12月31日，來回機票HK$2,310起，連稅計：布魯塞爾HK$5,426起、巴黎HK$5,683起、倫敦HK$6,260起，呢口價都幾抵玩，最大賣點係機票有效期長達3個月，而且可以Open Jaw，慢慢Hea遊其他歐洲城市（搭廉航／巴士／火車都得）。一如以往，最著數係英國入其他城市走，舉例倫敦入、布魯塞爾走，連稅計HK$5,236起，咁就可以慳返英國離境稅。Check過系統，11月供應量充足，其他月份則以平日淡季為主，最後出票日期10月31日，啱就上Expedia買啦。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.expedia.com

（覺得抵請記得按Like同Share俾朋友）

捷特航空平飛歐洲，來回機票$2,310起，有效期3個月

平時去開日韓台？今日介紹隻冷門但堅筍嘅機票比您地：搭捷特航空（Jet Airways）直飛印度兩大城市，來回淨機票HK$682起，孟買連稅HK$2,733起、德里連稅HK$2,927起，仲可以Open Jaw添！出發日期為8/7 – 31/10。呢口價仲平過大半年前推嘅優惠，加上捷達航空係全印度服務最好嘅航空公司，呢口價竟然仲平過服務麻麻嘅印度航空！想去印度玩嘅您，今次係機會喇！提提您，印度為黃色旅遊警示，而我地都唔建議女仕們獨自出發，去印度都係人多啲，有照應會更好！Check過系統，9月同10月供應量充足，其他月份要比啲耐性搵吓。機票有效期長達1個月，最後出票日期為31/8，去ZUJI買啦！

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

冷門堅筍推介！捷特航空飛德里孟買，Open Jaw來回$682起

七至八月最旺季想平飛歐洲？呢次真係Very Last Chance：印度捷特航空（JetAirways）有一隻比利時布魯塞爾劈盤，來回淨機票HK$2,840起，連稅HK$5,447起，賣點係搭正7至8月最旺旺旺旺季都冇加價（一般暑假直航起碼過萬中，轉機都七八千），而且機票有效期長達1個月，玩完布魯塞爾都有時間玩埋其他歐洲城市（搭廉航／巴士／火車都得），真係益街坊到痺（尤其係學生哥，可以實現平遊歐洲大計）。比上次巴黎唔同，捷特航空飛布魯塞爾喺印度等轉機時間唔太耐，建議經孟買轉機，話晒用新機場，設備好啲。最後出票日期為30/6，可以上ZUJI買。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

暑假平飛歐洲Last Chance！捷特航空來回比利時布魯塞爾$2,840起，連稅$5,447起

28/4，我哋「又飛啦！」先同大家介紹過印度捷特航空有隻巴黎（經孟買）首航筍盤，14/5 – 18/7出發，來回連稅HK$5,758起。最近發現連8月初飛都一樣咁平，咁就值得再報！皆因8月去歐洲一向貴到無倫，雖然呢隻只飛巴黎，但您大可以經巴黎再去其他歐洲城市（用廉航／火車／巴士都得）。Check過系統，19/7 – 31/7部份日子有，1/8 – 12/8出發基本上唔難搵到，之後就冇，機票有效期1個月，有心去嘅，無謂再等！因為好難比佢更平。咁平當然有代價：佢來回中停孟買時間頗長（去程約12小時，回程約15小時），建議入境孟買行番轉當Day Tour，但最遲出發前7-15日要去金鐘印度領事館申請定72小時轉機簽證，單次費用為HK$180（詳情請睇：http://www.cgihk.gov.in/visa_info.php），如果唔想入境就唔駛申請。仲有：孟買<->巴黎直航線只係逢四／五／六／日先有機飛。ZUJI平官網平HK$140，梗係去ZUJI訂。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

爆低！8月初平飛巴黎！印度捷特航空來回$2,740起，連稅$5,620起

尋日喺fb先同大家報導過印度捷特航空（JetAirways）試搭報告（詳情請睇：http://flyagain.la/7d83），如果覺得OK，咁呢隻新盤可以考慮：由14/5起，捷特航空再開通多一個歐洲航點：孟買<->巴黎，配合香港<->孟買，又有首航平盤：來回淨機票HK$5,058起，連稅HK$5,758起，1個月有效期，出發日期為14/5至18/7，暑假頭段都有，Check過系統，7月頭出發回程8月仲有（例如18/7去10/8返）！咁平，當然有啲代價：佢來回中停孟買時間頗長（去程約12小時，回程約15小時），建議入境孟買行番轉當Day Tour，但出發前7-15日記得去金鐘印度領事館申請定72小時轉機簽證，單次費用為HK$180（詳情請睇：http://www.cgihk.gov.in/visa_info.php），如果唔想入境就唔駛申請。仲有：孟買<->巴黎直航線只係逢四／五／六／日先有機飛。官網有售，最後出票日期為9/5。

網址：www.jetairways.com

（覺得抵請記得按Like同Share俾朋友）

新航線！印度捷特航空飛巴黎來回連稅$5,758起，1個月有效期