X
好耐冇見嘅嘉魯達印尼航空推出直航峇里優惠：來回HK$2,400（連稅HK$2,683）起，呢口價以甚少做優惠嘅峇里線，加埋坐Skytrax「五星航空公司」嘅嘉魯達，港航都要企埋一邊。出發日期由2016年1月6至3月31日，Check過系統，供應量足，但復活節旺季未見有平。機票有效期14日，最後訂飛日期為2016年3月31日，上Expedia香港買。
（覺得抵可用Whatsapp同LINE Share俾朋友架）
Hea嘆早盤！嘉魯達印尼航空來回峇里$2,400起，2016年3月31日前出發
之前有好多Fans都話買唔到HK Express HK$22嘅日本線回程，依家機會嚟喇，因為Jetstar日本將於明日早上9時開賣日本回程優惠：大阪飛香港單程HK$320（連稅及手續費HK$641）起、東京成田飛香港單程HK$385（連稅及手續費HK$609）起，出發日期由11月24日至12月17日、2016年1月14日至29日、2月16日至3月10日，呢口價中規中距啦，如果補飛就最啱用。至於去程可睇之後各大廉航有冇平。以上價格不包行李寄艙及飛機餐，最後訂飛日期為11月2日9am。
手提行李包限7kg，行李寄倉每程收費：
15kg 2,300円、20kg 2,600円、25kg 3,000円、30kg 3,500円、35kg 4,000円、40kg 4,500円
（覺得抵可用Whatsapp同LINE Share俾朋友架）
明早9時補飛！捷星日本大阪飛香港單程$320、東京飛香港單程$385起，2016年3月10日前出發
跨年想去玩？手快有手慢冇喇！舉例12月30日出發，2016年1月4日回程，坐大韓航空來回首爾機票HK$1,920起，連稅HK$2,279起，姐係請3日假就可以玩6日呀！以跨年嚟講，坐已包行李寄艙同飛機餐嘅大韓，呢口價廉航都做唔到。如果跨年去唔到？呢張飛出發日期其實係由即日至12月20日、12月26日至2016年2月4日、2月15日至3月22日、3月29日至3月31日、4月7日至7月8日，部份日子更可揀坐凌晨機去晩機返，Check過系統，供應量充足，五一、端午、七一等假期前後都有少量平飛，機票有效期3個月（2016年3月31日前）或1個月（2016年4月7日或之後），上Ctrip出票。
（覺得抵可用Whatsapp同LINE Share俾朋友架）
跨年抵玩盤！大韓航空香港來回首爾$1,920起，2016年7月8日前出發
去台北閃遊已成為不少打工仔嘅最愛，如果想放工上機即刻玩番轉，不如經Expedia香港買香港航空套票啦，計落都好抵：以3日2夜為例（日子冇定，只係舉例），每人來回機票 + 2星酒店 + 所有稅款HK$1,309起（舉例2016年1月12日出發，1月14回程，住下一站。台北），有埋行李及飛機餐，回程航班選擇多，點計都比廉航抵！即刻睇睇以下心水推介：
1. 西門窩（http://flyagain.la/fwjc）3日2夜全包價每位HK$1,403起，呢間係青年旅舍，喺正西門町，啱哂成班friend一齊share room，同其他Hostel一樣，每人都有一個私人儲物櫃，但每張床都有個人窗簾以保持私隱度。另外，大廳有齊電視、水機、露台、旅遊書、地圖等，仲可以識到唔少新朋友呢；
2. 美寓（http://flyagain.la/t9fc）3日2夜全包價每位HK$1,437起，行10分鐘就到捷運小巨蛋站，另外，行8分鐘可到延吉街食食食，而行10分鐘就到復興、敦化Shopping。酒店裝修設計精美，Lobby仲有茶水無限供應，性價比超高；；
3. 淡水漁人碼頭休閒旅館（http://flyagain.la/hu8c）3日2夜全包價每位HK$1,582起，酒店位於淡水市內，仲可以免費租借單車漫遊淡水市內，或坐酒店嘅專車往返捷運站、淡水老街、漁人碼頭，酒店亦已包早餐及全日大堂免費熱飲，至於行去漁人碼頭約10分鐘，想玩淡水都係唔錯嘅酒店選擇。
出發日期由即日起至2016年1月31日，仲有其他平房可以上番Expedia香港搵。此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。套票最長可逗留7日，最後訂房日期為10月31日。
（覺得抵可用Whatsapp同LINE Share俾朋友架）
漫活假期！Expedia台北4日3夜香港航空套票連稅每位$1,393起，2016年1月31日前出發
國泰港龍fanfares嚟到第157週啦！記得今朝08:00開倉喎！自由揀日子估計為12月27日至2016年1月16日，指定日子估計介乎10月30日至11月7日，今朝08:00去搶喇！
地點 淨機票 ｜連稅價（評語）
三亞 HK$490起 | HK$829起（連出兩期）
武漢 HK$790起 | HK$1,068起（冇嘢好玩）
杭州 HK$890起 | HK$1,168起（都叫OK）
亞庇 HK$990起 | HK$1,285起（直迫廉航）
仰光 HK$1,490起 | HK$1,827起（近期大熱）
名古屋 HK$2,290起 | HK$2,624起（國泰靚價）
科倫坡 HK$2,390起 | HK$2,920起（冷門熱選）
東京（羽田）HK$2,590起 | HK$2,931起（貴咗少少）
蘇黎世 HK$2,690起 | HK$3,319起（心心眼啦）
洛杉磯 HK$2,990起 | HK$3,818起（再心心眼）
米蘭 HK$4,290起 | HK$4,878起（直航算平）
以上只作參考用途，其他稅項及附加費或會有所變動。
相關文章：官方親自Share！國泰港龍fanfares至勁搶飛攻略！http://flyagain.la/?p=7434
（覺得抵可用Whatsapp同LINE Share俾朋友架）
國泰港龍fanfares，名古屋東京蘇黎世洛杉磯，今朝8點開搶！
中國國際航空推出平飛紐約震撼優惠：香港出發經北京飛紐約約翰甘迺迪（JFK）或紐華克（EWR）來回HK$1,850（連稅HK$4,682）起、台北出發來回TWD13,084（連稅TWD23,661）起，價格與上期相約，極具吸引力，並可Openjaw於不同機場往返，而且更是首賣明年1-3月優惠票，加上去或回程可中停北京，一票玩兩地（需補HK$200/約TWD820機場稅）！出發日期由即日起至12月22日、12月26日至12月31日、2016年1月16日至31日、2月10日至3月26日。查過系統，供應充足，聖誕節可選12月20日去、31回程，農曆新年、復活節則沒有此價。飛行里數方面，機票子艙位（Class Code）為U（香港出發），國泰Asia Miles、ANA、加航及聯合航空均可儲50%，大概有8,060 miles。台北出發子艙位為L，聯合航空、加航及長榮可儲100%。機票有效期1個月，最後訂票日期為12月31日，到官網出票。
請留意：大陸空管頻頻，北京轉機時間最好預備4-5小時以上。
（覺得抵可用Whatsapp同LINE Share俾朋友架）
平做紐約客！中國國航飛紐約，香港出發連稅$4,682，台北出發TWD23,661起，可中停北京，2016年3月26日前出發
中東三寶之一的阿提哈德航空現正進行限時優惠（http://flyagain.la/32110），我們又找到一個震撼便宜的玩法：由東京出發往歐洲，回程由歐洲飛抵北京，來回連稅只需HK$2,341/約TWD9,598起，是連稅呀！歐洲目的地選擇極多，可揀倫敦、阿姆斯特丹、巴塞隆拿、馬德里、伊斯坦堡、都柏林、布魯塞爾、法蘭克福、慕尼黑等，還可以OpenJaw（不同城市往返）。舉例2016年2月21日從東京出發、3月2日返回北京，來回連稅價錢如下：
1. 東京成田->羅馬 // 馬德里->北京 HK$2,341/約TWD9,598起
2. 東京成田->倫敦 // 布魯塞爾->北京 HK$2,864/約TWD11,742起
3. 東京成田->法蘭克福 // 法蘭克福->北京 HK$2,964/約TWD12,152起
4. 東京成田->伊斯坦堡 // 阿姆斯特丹->北京 HK$3,210/約TWD13,161起
5. 東京成田->法蘭克福 // 布魯塞爾->北京 HK$3,265/約TWD13,386起
以上組合只屬建議，大家不妨花時間於香港Expedia網站發掘心水城市組合。如果回程目的地不選北京而揀選香港，需加約HK$1,000/約TWD4,100左右；以上面第一個例子將北京改回香港來回連稅HK$3,236/約TWD13,267起；如果想從香港出發及回程，可參考這篇文章。以阿提哈德質素而言，這個價錢是非常超值，況且還可一併玩東京及北京呢！
至於香港及台灣飛東京的單程機票，建議從廉航入手，香港出發有HK Express、捷星日本及香草航空，舉例明年2月坐HK Express單程連稅約HK$577起（未包行李寄艙）；而台北出發則有台灣虎航、香草及酷航，以酷航為例，單程機票價格連稅約TWD4,498起，同樣建議等大特價才補購。
最後一程北京返香港或台灣，香港粉絲可考慮搭香港航空，連稅約HK$7XX。至於台灣粉絲，因為沒有廉航連接，建議回程可選香港為目的地，再補購HK Express廉航機票返台中，連稅約TWD1,750（未包行李寄艙）。
出發日期由2016年1月8日至6月15日，機票有效期3個月，旅程需於6月30日前完成。由於是限時特賣，最後出票日期為10月29日，要把握機會，即上Expedia香港訂票。
還沒有坐過阿提哈德航空？可以參考下我們的乘搭報告：http://flyagain.la/ey-flight-report
（覺得抵可用Whatsapp同LINE Share俾朋友架）
嘩！震撼便宜！阿提哈德航空東京去歐洲回程北京，來回連稅$2,341/TWD9,598起，2016年6月15日前出發
以色列對好多教徒嚟講，一生人總想朝聖一次，就算唔係信徒，或多或少對聖經故事都有一定認識，不如就計劃一吓聖地之旅，俾自己過一個更有意義嘅旅程。俄羅斯航空推出優惠，經莫斯科來回以色列特拉維夫HK$3,545（連稅HK$4,824）起。出發日期由即日至2016年6月30日，其中復活節假期都有（舉例以3月25日出發，3月31日返都有，請4日假就可以有7日嘅假期），而嚟到以色列當然要去耶穌一生中行神跡最多嘅迦百農（Capernaum）同去耶路撒冷感受耶穌最後一程悲壯嘅苦路！當然仲有已列入聯合國教科文組織世界遺產嘅耶路撒冷古城及城牆。以來回連稅平過HK$5K，真係極度罕有，值得大家入手！機票有效期為170日，Check過系統，平日供應充足，而復活節旺季都有少量供應，留意優惠唔可以Stopover莫斯科，上Ctrip買。
提提您：來往以色列嘅安檢極度嚴格，加上保安人員會問長問短，緊記留意保安要求，預留時間，以免上唔到機。
（覺得抵可用Whatsapp同LINE Share俾朋友架）
復活節踏上苦路行！俄航來回以色列特拉維夫$3,545起，2016年6月30日前出發
X