復活節旺季去旅行？首選長線歐洲盤啦！芬蘭航空推出新一期歐洲優惠，小小編搵到連復活節假都有平，仲要送多程俾您去新加坡玩！去程有多個目的地可選，回程就指定由蘇黎世返港，另外仲可停留埋赫爾辛基，回港後可以搭多程國泰飛新加坡添！整套飛連稅只需HK$4,295起咋。講真旺季飛歐洲呢口價勁抵，仲要有多程新加坡俾您玩埋，一套飛玩晒歐洲+芬蘭+獅城！

如果以復活節旺季出發，可參考上圖日子搜尋，以返港後同日飛新加坡有此價，如果想隔日再飛，就加HK$120機場稅，而第一程目的地除咗赫爾辛基，揀其他歐洲城市都得，包括：維也納、米蘭、羅馬、倫敦、巴黎、阿姆斯特丹、慕尼黑、蘇黎世、巴塞隆拿、奧斯陸、斯德哥爾摩等，連稅均一HK$4,464起。如果唔係復活節出發，其他出發日子由10月至2017年6月，可自行轉日子再Search！芬蘭係追極光嘅熱門地點，每年9-3月係極光旺季，想去睇極光絕對有得諗！

呢套飛仲可以喺轉機點赫爾辛基停留最長5日，變相玩埋芬蘭追極光。舉例出年2月13日香港飛蘇黎世、2月16日蘇黎世飛赫爾辛基、2月20日赫爾辛基直飛香港，2月21日再飛新加坡，連稅HK$4,554起。

如果想隔一段時間再飛新加坡，都只需加HK$300，即可喺香港停留，變相拆成兩個Trip（整套飛1個月內完成）！到時從新加坡返香港，可選擇廉航如Jetstar或虎航單程機票～

【出發日期】即日起至2017年6月14日（旺季除外）
【機票有效期】1個月
【最後出票日期】10月10日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

復活節必搶：港歐新！芬蘭航空來回歐洲+國泰單程飛新加坡，連稅$4,295起，2017年6月14日前出發

各位家長們，拎定小朋友個校曆表出嚟睇睇，係時候度下帶囝囝囡囡去旅行啦！HK Express今晚（10月11日0:00）推出「買大送細」優惠，香港出發往所有航點，購買成人飛，同行小童（2至11歲）機票免費（只需俾稅），每個訂單的旅客人數上限為4位，所以每位成人可帶最多3位小童，最啱一家大細出遊，價錢如下：

清萊單程HK$248起（來回成人票價連稅HK$1,014起，每位小童來回稅款HK$398）
台中/花蓮單程HK$328起（來回成人票價連稅HK$1,121起，每位小童來回稅款HK$345）
峴港單程HK$398起（來回成人票價連稅HK$1,273起，每位小童來回稅款HK$285）
芽莊單程HK$498起（來回成人票價連稅HK$1,455起，每位小童來回稅款HK$277）
布吉/清邁單程HK$528起（來回成人票價連稅HK$1,574起，每位小童來回稅款HK$398）
釜山/濟州單程HK$598起（來回成人票價連稅HK$1,503起，每位小童來回稅款HK$387）
石垣單程HK$598起（來回成人票價連稅HK$1,531起，每位小童來回稅款HK$215）
仰光單程HK$598起（來回成人票價連稅HK$1,703起，每位小童來回稅款HK$406）
暹粒單程HK$598起（來回成人票價連稅HK$1,731起，每位小童來回稅款HK$319）
首爾單程HK$598起（來回成人票價連稅HK$1,739起，每位小童來回稅款HK$423）
廣島/鹿兒島/高松單程HK$798起（來回成人票價連稅HK$1,931起，每位小童來回稅款HK$215）
福岡單程HK$798起（來回成人票價連稅HK$2,010起，每位小童來回稅款HK$294）
東京/名古屋單程HK$798起（來回成人票價連稅HK$2,141起，每位小童來回稅款HK$425）
大阪單程HK$798起（來回成人票價連稅HK$2,176起，每位小童來回稅款HK$460）

如果買左U-fly pass優先購票證可以依家上去買喇，不過以現時進入系統所見，唔係所有日子每班機都有平，而且旺季都係冇平，票價旁邊出現”小童免費”或”Kids Fly FREE”就係今次優惠喇，小童定義為2-11歲，以出發時年齡計算。今晚0:00開始到官網訂飛。

【出發日期】10月25日至2017年7月13日（旺季除外）
【訂票日期】10月11日00:00至10月13日23:59或售完即止

【寄艙行李費用】

【訂購網址】：booking.hkexpress.com
【預訂教學】：http://flyagain.la/33992
【必睇！香港快運訂票10大Q&A】：http://flyagain.la/9895

（覺得抵可用Whatsapp同LINE Share俾朋友架）

細蚊仔限定！HK Express買大送細優惠：買成人飛最多3位小童同行，機票$0！2017年7月13日前出發

真航空好耐都冇做優惠啦，呢間大韓航空旗下嘅廉航，推出新一季秋冬優惠：香港/澳門飛首爾來回機票HK$1,100起，連稅計：香港出發HK$1,556起、澳門出發HK$1,514起，呢口價包15kg行李寄艙同飛機小食，以千5蚊呢個價位講算抵啦。出發日子去到12月31日，但Check過去程去到12月21日或之後就冇平，最遲揀返12月20日去，橫跨聖誕節後12月27／28日返都尚見有平（澳門出發可選12月21日去、28日返）。時間方面香港出發個時間係一般啲，午去早返；而澳門出發係凌晨機去晚機返，正好多。

票價已包15kg行李，Shopping就可能窄少少，行李配額又不設加購，超過配額作超重計，每KG收費10,000KRW/HK$70，但如果有兩個人或以上就可以Share行李一齊計，加上用盡埋佢12kg手提行李，相信都勉強OK。覺得啱就上官網訂飛啦！

【出發日期】10月11日至12月31日（旺季除外）
【機票有效期】15日
【最後訂票日期】10月19日香港時間23:00或售完即止

【航班時間】（只供參考，以航空公司公布為準）
香港飛首爾：
去程：LJ114 13:30-18:05
回程：LJ113 09:25-12:20

澳門飛首爾：
去程：LJ122 01:40-06:05
回程：LJ121 22:30-01:30+1

【訂購網址】www.jinair.com
【預訂教學】http://flyagain.la/35519

（覺得抵可用Whatsapp同LINE Share俾朋友架）

韓迷注意！真航空秋冬優惠：香港/澳門飛首爾$1,100起，已包行李，12月31日前出發

正呀！今期港航Flash Sale超抵呀！最正係來回台北又有新低價，來回機票只需HK$550（連稅HK$884）起，今次呢口價唔使坐最夜果班機去，時間正常好多，兼且包晒來回20kg行李，絕對抵。出發日期係11月1日至12月14日，供應充足！日本航線方面，今期推出鹿兒島同宮崎兩個九州航點，來回機票HK$1,500起，連稅計：宮崎HK$1,710起、鹿兒島HK$1,860起，價錢都可考慮，出發日期由10月17日至12月17日。壓軸有奧克蘭堅平，來回HK$3,550（連稅HK$4,224）起，呢口價真係極罕平，不過平飛唔多，出發日期由11月10日至12月20日，有興趣就到官網訂啦！

【出發日期】 10月17日起至12月20日（各航點出發日子不同）
【最後訂票日期】10月12日或售完即止

【搶購網址】 www.hongkongairlines.com
【預訂教學】http://flyagain.la/34618

（覺得抵可用Whatsapp同LINE Share俾朋友架）

嘩！台北線再暴減！港航來回機票$550，仲包20kg行李！另來回日本$1,500、奧克蘭$3,550起！12月20日前出發

呢期國泰Fanfares玩緊革新，新加入商務艙同特選經濟艙做Fanfares，今期洛杉磯商務做緊HK$29,900，見到呢口價真係唔知點報啦，不如又睇睇對手美國航空做成點？小小編Check過，同樣香港直飛美國洛杉磯，來回商務艙機票HK$17,110（連稅HK$17,944）起。定價同國泰呢個「優惠」比較，都相差成萬幾銀。呢口價係直飛呀，如果有筆直真係抵坐啦！

咁AA個商務又好唔好坐呢？美國航空係用波音777-300ER飛行呢條航線，商務艙設有1-2-1排列的全平躺式座椅，比您訓住飛長途。其次呢套飛Class Code係I，可以儲125% Asia Miles或Avios Miles，如果換短途當然儲Avios就抵啦，以呢套飛可賺到18,000里左右為例，已經換到來回台灣機票2次，或者儲夠20,000里就換到日本或韓國。

講返呢套飛，出發日子勁多，做到出年8月都有，有興趣就到Hutchgo訂票。（提提大家：選日期時剔埋「彈性旅遊日期」會更易搵到有平日子）

【出發日期】即日起至2017年8月
【機票有效期】1個月
【最後訂票日期】售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

平鬥Fanfares！抵坐商務飛美國！美國航空來回洛杉磯$17,110起，再送2套台灣來回機票！2017年8月前出發

澳門粉絲呢次最開心喇！因為有澳門出發嘅歐洲平機票，今次唔係大陸航空，係坐長榮呀，都係連稅3千幾咋！長榮澳門經台北來回歐洲只需HK$2,941起，連稅計：巴黎HK$3,622起、維也納HK$3,677起、倫敦HK$4,309起。呢口價飛歐洲真係激罕啦，仲要唔駛經香港飛。呢口價Check過連暑假7月中前出發都搵到，會唔會太正，而且台北-巴黎仲可坐Hello Kitty機。依家長榮行李仲加到去30KG㗎，夠晒啦！

不過有樣嘢要留意，飛維也納同倫敦要停2站，整體飛行時間會較長，適合旅行時間較彈性嘅朋友。如果香港出發可以睇返我哋之前介紹：http://flyagain.la/44154。

Hello Kitty彩繪機航班時間（只供參考，一切以航空公司公布為準）：
台北-巴黎 BR087 23:30-07:35  (三、五、日)
巴黎-台北 BR088 11:20-06:30+1 (一、四、六)

【出發日期】10月至2017年7月中
【機票有效期】1個月
【最後訂票日期】12月31日或賣完即止

【訂購網址】www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

澳門飛歐超罕價！暑假都有！長榮澳門來回巴黎/維也納/倫敦$2,941起，2017年7月前出發

近日新加坡航空同英國航空都推出咗加倍里數獎賞！於10月15日或之前，經新加坡航空官網訂所有由香港出發嘅指定Class Code嘅經濟艙、特選經濟艙同商務艙機票，可享雙倍Kris Flyer里數獎賞；而英航方面，任何英航航點出發及目的地，不限Class Code可享3倍Avios Miles，望落去好似幾正喎，特別係Avios仲可以換One World航空公司（例如國泰、日航）等機票，其實飛一轉英國近乎送台灣/越南。小小編同大家整理咗呢兩個里數計劃先：

新加坡航空Kris Flyer：
於10月15日或之前，經新加坡航空官網訂所有由香港出發嘅指定Class Code嘅經濟艙、特選經濟艙同商務艙機票，可享雙倍Kris Flyer里數獎賞。不過留意經濟艙適用於N, Q, B, E, H, M, W, Y 艙等，Economy Super Saver (訂位編號:K及V) 則唔可以獲得雙倍嘅Miles。

以香港經新加坡來回澳洲悉尼計（訂位編號 N）：基本累積有4,594里數，額外獎賞4,594里數，合計飛一次來回悉尼就賺9,188里。不過Kris Flyer換取獎勵機票會用嘅里數好高，例如換香港-新加坡單程15,000里，來回30,000里。至於9,000里可以換一程香港-新加坡單程由經濟位Upgrade至特選經濟位。

另外今次Double Miles有個好處，就係upgrade會員級別都快啲，只要累積夠25,000 里數就可達到菁英銀卡級別，第時儲里數可獲得 25% 的額外KrisFlyer 里數，可有優先登機服務等。

留意新航今次推廣由即日起至10月15日，出發日期限10月3日至2017年3月31日，並於3月31日或之前完成旅程，適用航班只適用於香港出發，更多詳情及細則請參考：www.singaporeair.com/kfmiles。

英國航空Avios：
跟住同大家睇埋個Avios 3倍里數先。不過英航呢個Offer限12月11日或之前嘅航班先可享用。全球英航航點及英航航班適用。而且機票Class Code沒有限制，包括經濟艙最低等級的Q, O, G都可賺到3倍，以香港來回倫敦計，O class原先可賺25% Avios，即約2,990里（來回），3倍Miles即可賺取8,970里。Avios用9,000里即可換到香港來回台灣或越南機票啦。（雖然差少少里數但可以補差價）

而特選經濟艙同商務艙更賺得多，舉特選經濟艙為例子，來回倫敦原先可賺取11,958里，3倍獎賞即合計獲35,874里，夠換到2次來回日本/韓國（1次飛濟州/沖繩需15,000里，另一次飛東京/大阪/首爾20,000里）。Avios仲有家庭帳戶，可以將啲里數放落同一個Pool，換機票更快啦。

英航今次推廣由即日起至12月11日，需於此日期前訂票及完成旅程（需預先注冊登記），更多詳情及細則請參考：www.britishairways.com/triple-avios。

（覺得抵可用Whatsapp同LINE Share俾朋友架）

賺里數快過人！新航KrisFlyer賺2倍 Vs 英航 Avios賺3倍！飛英國送台灣/越南機票！

嘩嘩嘩！近排啲歐洲盤真係平到一個點！嫌上次阿提哈德航空唔夠平？佢哋再釋出一個8折優惠代碼，折扣後真係最平飛歐洲3千2蚊，已連稅！香港經阿布扎比來回歐洲各地折後只需HK$2,460起，連稅計：米蘭HK$3,208起、巴黎HK$3,351起、蘇黎世HK$3,506起、馬德里HK$3,393起、維也納HK$3,635起、慕尼黑HK$3,649起、柏林HK$3,662起、威尼斯HK$3,748起、都柏林HK$3,983起、倫敦HK$4,018起 、曼徹斯特HK$4,109起。

航點眾多，未能盡錄，連稅3千2蚊，真係超抵啦！優惠仲可Openjaw（不同城市往返），舉例倫敦入、米蘭走，連稅HK$3,188起（用Multiple destinations功能Search），絕對正。即到官網搶票。呢口價限出年3月31日前出發，4-5月份會貴2-3百左右。

【折扣碼】HOLIDAY20（記住Search之前入Code，見到有星號即係有用到折扣，折扣碼不一定適用所有日子，搵唔到就轉日子試試）

【出發日期】即日起至12月18日、12月25日至2017年1月24日、2月5日至5月31日（最遲6月30日完成旅程）
【機票有效期】1個月
【最後訂票日期】售完即止

【訂購網址】www.etihad.com
【預訂教學】http://flyagain.la/35306
【又飛啦製作：A330-200商務客艙搭乘報告】http://flyagain.la/ey-j-flight-report

（覺得抵可用Whatsapp同LINE Share俾朋友架）

嘩！超抵！連稅$3,188咋！阿提哈德航空香港來回歐洲暴減價！2017年5月31日前出發