阿提哈德航空有隻最新歐洲平盤，加上歐元跌破9算（以1月21日匯率），更加觸動大家起行。出發日期由依家至2月12日、2月23日至3月31日、4月7日至6月30日，經阿布扎比轉機至歐洲多個航點都有平，淨機票來回歐洲HK$3,360起，連稅計：米蘭HK$5,473起、蘇黎世HK$5,542起、巴黎HK$5,578起、羅馬HK$5,724起、法蘭克福HK$5,842起、倫敦HK$6,328起。以上經濟艙各價比上期平咗HK$2-300左右，其中以跌穿HK$6K嘅法蘭克福相對吸引。識玩嘅您可以揀OpenJaw，倫敦入巴黎走，慳翻英國超貴嘅離境稅，仲有唔少選擇，大家可以上網發掘吓。Check過系統，機票以淡季為主，農歷新年同復活節旺季前後都未見，至於回程由2月21日至2月27日Block Out Day，唔會搵到平飛架。機票有效期1個月，最後出票日期為1月26日。

提提您：想買Open Jaw機票，記得喺Search Engine中揀Multiple destinations / Stopovers。搜尋後，部份航班可能須先搭馬航由香港飛吉隆坡，再轉阿提哈德航空往阿布扎比，唔建議大家咁飛，記住揀番香港直飛阿布扎比，無就寧願改日子試試。

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.etihad.com

（覺得抵可用Whatsapp同LINE Share俾朋友架）

歐元咁平，唔飛唔得！阿提哈德航空來回歐洲$3,360起，可OpenJaw，6月30日前出發

英國航空呢啲傅統大哥大，想佢平？真係難囉囉～～不過最近佢又低調出隻平盤喎！出發日期由1月19日至6月17日，直飛倫敦或經倫敦來回歐洲各地HK$4,430起，連稅計：馬德里HK$6,530起、阿姆斯特丹HK$6,996起、澤西島HK$7,001起、米蘭HK$7,072起、愛丁堡HK$7,118起、巴黎HK$7,163起、新堡HK$7,183起、倫敦HK$7,201起、格拉斯哥HK$7,202起、曼徹斯特HK$7,218起、亞伯丁HK$7,286起、柏林HK$7,427起、法蘭克褔HK$7,555起，其他歐洲航點都有。呢口價復活節出發都有，舉例3月29日飛巴黎，4月7日返，請4日假就可以玩10日。另外，呢套飛仲有4大亮點：1.機票有效期長達60日，探親啱晒；2.Class Code係O，淨計香港來回倫敦可以賺到約11,958 英航Avios里數，至少換到一套免費來回台北機票，可以換番國泰／港龍，來回都值番成千蚊（來回台北為9,000里起，另加稅項同燃油附加費，詳情按此），扣番條數，係咪抵先？3.可Open Jaw，舉例倫敦入，巴黎走，連稅HK$6,641，咁就可以慳番啲倫敦機場離境稅；4.可以揀坐英航A380客機，新啲！Check過系統，供應集中喺淡季，尤其係3至5月，供應量足。最後出票日期為1月27日，啱就上Expedia。

A380航班時間：
去程：BA26 23:30-04:50+1
回程：BA25 18:35-14:20+1

網址：www.expedia.com.hk

（覺得抵可用Whatsapp同LINE Share俾朋友架）

嘩！飛歐送台！復活節都有！英國航空來回歐洲各地$4,430起，6月17日前出發

國泰港龍fanfares第116週又嚟啦！記得今朝08:00開倉喎！自由揀日子估計為4月2日至4月18日，指定日子估計介乎1月15日至1日26日，今朝08:00去搶喇！

地點　淨機票 ｜連稅價（評語）

三亞 HK$490起 | HK$982起（當地淡季）
福州 HK$590起 | HK$1,082起（不感興趣）
馬尼拉 HK$790起 | HK$1,168起（謝主隆恩！）
武漢 HK$790起 | HK$1,282起（可有可冇）
上海(浦東) HK$890起 | HK$1,382起（少有平盤）
吉隆坡 HK$990起 | HK$1,513起（都有得諗）
濟州 HK$1,590起 | HK$2,135起（好久不見）
東京(成田) HK$1,890起 | HK$2,439起（絕對吸引）
福岡 HK$2,290起 | HK$2,732起（快運平啲）
曼徹斯特 HK$3,290起 | HK$5,697起（頭號目標）
法蘭克福 HK$3,890起 | HK$5,930起（難能可貴）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

相關文章：官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

中東三寶之一嘅卡塔爾航空又嚟早餐盤喇，出發日期由1月14日至7月10日（視乎航點），經多哈轉機來回淨機票HK$2,060起，連稅計：莫斯科HK$5,087起、奧斯陸HK$5,108起、馬德里HK$5,122起、斯德哥爾摩HK$5,153起、米蘭HK$5,266起、蘇黎世HK$5,309起、巴黎HK$5,378起、威尼斯HK$5,382起、布達佩斯HK$5,475起、巴塞隆那HK$5,541起、羅馬HK$5,551起、哥本哈根HK$5,575起、法蘭克福HK$5,652起、倫敦HK$6,293起，其他歐洲航點都有。呢口價同上期75折優惠相約，大部份航點都平過HK$6K，而且卡塔爾航空品質有保證（部份香港<->多哈航班甚至可揀國泰添）。一如以往，可以Open Jaw（請用Multi-City去Search），如果飛英國，回程揀非英國走，可以慳番成千蚊英國離境稅添～

另外，上次介紹過嘅先飛歐洲再去澳洲，今次都有，香港飛歐洲可試奧斯陸／馬德里／慕尼黑／柏林／華沙，回程澳洲可揀墨爾本／柏斯（悉尼／阿德萊德都有，不過限4月底前完成），來回淨機票HK$3,640起，舉例香港飛挪威奧斯陸，再由奧斯陸飛澳洲墨爾本連稅計HK$5,005起（仲平過來回香港喎），再加一張澳洲嘅廉航（例如酷航或捷星）單程返香港連稅約HK$1,400（未包行李費，仲可以免費玩埋新加坡），埋單分分鐘連6千都唔駛呀，大假長啲真係可以一次過玩齊南北地球。

Check過系統，呢口價淡季供應為主，機票有效期為1個月，最後出票日期為1月26日。

網址：www.qatarairways.com

（覺得抵可用Whatsapp同LINE Share俾朋友架）

平Again！卡塔爾航空歐洲來回$2,060起，回程返香港或澳洲都得，7月10日前出發

新加坡航空近期都幾進取，可能淡季啦，接二連三推出新加坡、三藩市同澳洲優惠，今次帶我哋嚟到歐洲，出發日期由1月12日至2月13日、2月23日至3月31日，來回淨機票HK$2,588起，連稅計：巴塞隆拿HK$6,150起、米蘭HK$6,205起、阿姆斯特丹HK$6,219起、巴黎HK$6,400起、慕尼黑HK$6,576起、法蘭克福HK$6,721起、曼徹斯特H$7,406起、倫敦HK$7,431起，呢張飛三大賣點：1. 一雞兩味，可免費中停新加坡；2. 可OpenJaw，倫敦入巴黎走，不走回頭路仲可以慳番英國超貴離境稅；3. 可以揀A380優質航班往返新加坡及新加坡前往巴黎/法蘭克福/倫敦。呢口價以新加坡航空嚟講真係抵坐，最令小小編喜愛嘅仲有佢哋嘅飛機餐，同新航特飲Singapore Sling啦！Check過系統，呢口價供應足，3月尾相對較少存貨。機票有效期為14日，最後訂票日期為1月31日，啱就上Zuji買。

網址：www.zuji.com.hk

（覺得抵可用Whatsapp同LINE Share俾朋友架）

新航飛巴塞隆拿、米蘭、阿姆斯特丹、巴黎、慕尼黑、法蘭克福、曼徹斯特、倫敦來回$2,588起，可OpenJaw及免費停新加坡

中東三寶嘅卡塔爾航空推出限時優惠，全線機票75折，最大賣點係連暑假都平：出發日期由1月20日至3月25日、4月3日至4月5日、4月14日至12月10日，其中熱門嘅歐洲航點（經多哈轉機）來回淨機票HK$1,960起，連稅計：伊斯坦堡HK$5,031起、奧斯陸HK$5,110起、馬德里HK$5,127起、斯德哥爾摩HK$5,155起、米蘭HK$5,271起、蘇黎世HK$5,283起、威尼斯HK$5,386起、巴黎HK$5,387起、布魯塞爾HK$5,459起、華沙HK$5,461起、羅馬HK$5,515起、慕尼黑HK$5,520起、巴塞隆那HK$5,545起、哥本哈根HK$5,549起、柏林HK$5,599起、日內瓦HK$5,629起、法蘭克福HK$5,667起、雅典HK$5,888起、曼徹斯特HK$5,914起、倫敦HK$6,149起，以上各價都低過HK$6K，淡季就唔奇，難得係連暑假都有先要撲去搶！同對上嗰次優惠比，每個航點再平咗HK$250左右，今次快啲入手喇！一如以往，可以Open Jaw（請用Multi-City去Search），個別城市組合可以幫您慳成千蚊（例如倫敦入，其他城市走）！Check過系統，供應量足，其中暑假都有唔少平飛，回程日期必須於12月10日前。另外，呢個係全球優惠，就算您想飛南美、美加都有折。機票有效期為1個月，最後出票日期為1月8日。

網址：www.qatarairways.com

（覺得抵可用Whatsapp同LINE Share俾朋友架）

即搶！暑假都有！卡塔爾航空來回歐洲$1,960起，12月10日前出發

質素高嘅維珍航空，趁年尾淡靜期推出英國三個城市（經倫敦轉機）優惠，來回淨機票HK$3,630起，連稅計：愛丁堡HK$6,838起，鴨巴甸（或譯作亞伯丁）HK$6,844起，曼徹斯特HK$7,008起（倫敦反而冇特價），出發日期為2015年1月7日至2月11日；2月23日至3月31日。呢隻飛最大賣點係機票有效期長達1年，學生哥／移民客好啱用，Check過系統，農曆新年要提前出發（例如2月11日飛，2月19/20日返，否則要3月返先有此價），反而復活節唔難搵，例如3月27日去4月12日返，飛亞伯丁更低至HK$6,674起，以維珍嚟講非常抵玩。最後出票日期為2015年1月13日，官網貴Expedia約HK$200，去邊度買，自己諗。

網址：www.expedia.com.hk

（覺得抵可用Whatsapp同LINE Share俾朋友架）

維珍航空來回英國鴨巴甸，曼徹斯特，愛丁堡$3,630起，連稅$6,838起，3月31日前出發

阿提哈德航空年尾又推隻歐洲平盤，出發日期由依家至12月31日、2015年1月12日至2月12日、2月23日至3月31日：經阿布扎比轉機至歐洲多個航點都有平，淨機票來回歐洲HK$3,190起，連稅計：巴黎HK$5,426起、米蘭HK$5,868起、蘇黎世HK$5,880起、布魯塞爾HK$6,096起、羅馬HK$6,151起、法蘭克福HK$6,245起、倫敦HK$6,371起、曼徹斯特HK$6,619起。以上經濟艙各價以巴黎線相對吸引，比上期平咗HK$670左右，識玩嘅梗係OpenJaw，倫敦入巴黎走，慳翻英國超貴嘅離境稅，來回連稅HK$5,386起，仲有唔少選擇，大家可以上網發掘吓。另外，近日都有唔少航空公司做歐洲優惠，如阿聯酋航空、卡塔爾航空、俄羅斯航空、法荷航等，大家記住比價先好買呀。Check過系統，機票以淡季為主，至於回程由2015年2月21日至2月27日Block Out Day，唔會搵到平飛架。機票有效期1個月，最後出票日期為2015年1月5日。

提提您：想買Open Jaw機票，記得喺Search Engine中揀Multiple destinations / Stopovers。搜尋後，部份航班可能須先搭馬航由香港飛吉隆坡，再轉阿提哈德航空往阿布扎比，唔建議大家咁飛，記住揀番香港直飛阿布扎比，無就寧願改日子試試。

未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1

網址：www.etihad.com

（覺得抵可用Whatsapp同LINE Share俾朋友架）

阿提哈德航空年初平飛，來回歐洲$3,190起，可OpenJaw