好多「又飛啦！」Fans都問我哋，究竟點樣飛蘇梅島最平？Well！由於直航只有曼谷航空，獨市生意，所以價錢一直高企，除非轉機。不過當蘇梅旅遊旺季已過，進入五至十月嘅雨季，曼谷航空為求搵食，都要諗下計！佢低調推出來回劈盤：淨機票HK$2,820起，連稅HK$3,612起，出發日期除咗七及八月外，去到十月都有。相比旺季價錢連稅起碼索您五六千，依家叫住劈咗HK$2K，算係大手筆，當然代價係搏有冇雨落喇！咁就睇您好唔好彩：小弟試過淡季去，都有陽光日子，亦有落雨日子。要平定要陽光保證，自己考慮了！官網冇得賣，上ZUJI發掘下啦！

網址：www.zuji.com.hk

（記得按下面「讚好」Share俾Facebook朋友）

29/8，我哋「又飛啦！」全港首報曼谷航空推出直飛蘇梅罕見優惠，2人同行每張HK$2,690起，不過如果透過官網買飛，最後出發日期為31/11。大家都知道蘇梅雨季一路去到12月中，可能因為咁，曼谷航空將優惠延長：最後出發日期延至15/12，票價方面，週一／二／日出發就HK$2,581（連稅HK$3,381），週三至六就HK$2,742（連稅HK$3,542），7日有效期，今次官網冇得買，去Priceline訂啦！至於雨季好唔好去蘇梅？我只可以答：平，就梗係有代價！其實雨季唔代表24小時都落雨，如果搵間靚靚Resort同Honey足不出戶，趁有陽光先出去游下曬下，其他時間就享受室內活動（例如做Spa），咁呢個價就勁抵去嘅！

網址：www.priceline.com.hk

（記得按下面「讚好」Share俾Facebook朋友）

嘩！呢篇劈價稿，同「太陽由西邊升起」一樣咁爆！一直以嚟，唔少「又飛啦！」Fans都問蘇梅島有冇平機票，由於只有曼谷航空有直航班次，要佢減，算把啦！蝦！點知佢真係失驚無神嚟個大劈價！曼谷航空推出2人同行優惠，由1/11 – 31/11出發，每人淨機票只需HK$2,690，連稅HK$3,400，比起平時起碼平HK$2,800以上，接近半價！以買蘇梅線散飛嚟講，呢口價簡直係神蹟呀（套票會有，但始終要俾旅行社限死你住邊間酒店，點都唔夠自己直接上官網買咁Free）！不過佢有一啲規定：去程限揀週一／二／三／日，回程限揀週一至六，如果只想玩Weekend就唔得啦！另外航班方面，去程限搭PG806（17:05/19:20），回程限搭PG805（11:35/15:55），時間亦唔算好，不過唔駛轉嚟轉去，加上咁嘅價錢，乜都抵番晒啦！

網址：www.bangkokair.com

（記得按下面「讚好」Share俾Facebook朋友）

講咗好多次，想平平地去蘇梅島，買套票係最佳方法。中泰旅運推出一套5日4夜幾平嘅套票，坐Bangkok Airways直航蘇梅島，如果揀價單最平嘅3星級Nora Chaweng Hotel Koh Samui，會員價低至HK$2,888起（點做會員？留個人資料俾佢就得，簡單），送埋來回酒店至機場交通（呢個起碼值HK$200），仲可享有酒店Spa同餐廳8折優惠，真係好抵。至於間酒店本身位於Chaweng Beach，雖然唔係Resort，行去海灘都好近，TripAdvisor.com嘅網民評論都幾正面，讚佢夠乾淨而且又有免費Wi-Fi服務，佢喺網上旅行社賣緊HK$400一晚，除番開，即係張機票只係HK$2,000，以Bangkok Airways嚟講，平架啦！若然唔鐘意呢間，價單仲有其他酒店選擇，會員報名每人都可減HK$100。

留意位

1. 出發日期至15/12

2. 星期三至六出發，大人及小童均加收附加費HK$250

網址：www.jetimetours.com.hk

（記得按下面「讚好」Share俾Facebook朋友）

Facebook網友Wing Ki Ng查詢10月有冇蘇梅島平機票／套票。雖然係淡季，但機票一定冇得平，反而套票俾我發現到有筍嘢。跟Wincastle個Package去5日4夜，坐曼谷航空直航，入住今年6月先開張嘅akyra Chura Samui，位於全島最熱鬧嘅海灘Chaweng Beach北部，行去市中心約15分鐘到。全酒店只有61間房，擺明走精品Resort路線，戶戶有露台，行出去就到戶外Infinity Pool，啲房都好有泰式渡假Feel，依家同佢買Deluxe仲保証Upgrade你上Grand Deluxe房（HK$4,399起，未連稅），再送埋房內免費WiFi及部份Mini Bar，仲有包埋來回機場酒店接送，係新開張先做咁筍咋！不過我就鐘意佢1房向海單位，全落地玻璃睇晒成個Chaweng Beach好正囉～

留意位：

1. 不同時段會收取附加費（例如逢星期三至六出發每人加收HK$200），詳情請向旅行社查詢．

套票詳情：www.wincastle.com.hk

酒店網址：www.theakyra.com

蘇梅島一向比其他泰國城市較難有平機票出，皆因機場係曼谷航空(Bangkok Airways)專利經營。香港暫時亦只有佢提供來回直航，獨市生意下，機票價格好難平。其實跟套票出會平唔少，例如呢套安運滿Fun遊嘅優惠套餐，指定於29/7, 30/7, 3/8或5/8出發，5日4夜住4星Saree Samui嘅Tropical Villa，只係HK$4,599(包早餐，未連稅)，以住有質素嘅Villa而言的確抵。經查詢後，發現現時只有30/7同3/8有非常少量機位，係就趁早喇！

Saree Samui 係2009年先開業，位於Mae Nam海灘上，全部Villa獨立屋設計。Tropical Villa面積約920平方呎，內有私家泳池，房內仲有Boss音響貫串開放式廁所，Shower同埋戶外浴池。不過留意，Resort附近靜英英，冇乜Shopping 點同餐廳，但如果你同Honey嚟抑或想靜靜地過一個假期，住呢度一定啱你。

網址 : http://www.wincastle.com.hk