好耐冇見嘅日本推出新一輪日本機票優惠，二人同行來回東京成田每位HK$2,392起，連稅HK$2,769起；如果想玩埋日本其他城市都得，呢套飛可加入最多兩程國內航段，每段HK$550，最抵當然係轉飛北海道札幌，直接轉機二人同行每位HK$3,492起，連稅HK$3,905起（經ZUJI訂飛，只要2人或以上出機票或套票，單一交易滿$4,000或以上，每人可回贈HK$100）。呢張飛最抵玩係可以一雞兩味，轉飛日本國內城市，仲可以中停東京（補翻稅就得）。出發日期由8月24日至9月24日、10月2日至10月14日、10月22日至12月18日，Check過系統，供應量足，航班時間早去晚返，而日本航空包每位2件23kg嘅免費寄艙行李，想瘋狂掃貨都得。加上booking class係S，可以儲50%日航Miles/AsiaMiles。機票有效期為10日，最後訂票日期為6月21日，啱就上官網訂啦！

航班時間：
香港飛成田 JL 736 10:40-16:05
成田飛香港 JL 735 18:15-22:00

揀其他日本城市之溫馨提示：

1. 千萬要記住：一定要喺訂飛時一併加埋其他城市（搜尋器上揀”停留2個或以上城市”），一旦出咗票（香港<->東京Only）就唔可以追加架！
2. 可以Open Jaw：去程可揀A城市，回程揀B城市（兩地均以東京做起點／終點），中間A去B就自己諗辦法
3. 來回程皆可中停東京
4. 轉機地點有時喺羽田機場！請預鬆轉機時間

網址：www.zuji.com.hk

（覺得抵可用Whatsapp同LINE Share俾朋友架）

日航番嚟喇！包2件23kg行李！2人同行東京每位$2,392起，札幌$3,905起，12月18日前出發

Zuji重推現金回贈優惠，只要2人或以上出機票或套票，單一交易滿$4,000或以上，每人可回贈HK$100（最多回HK$400，即最多一次過訂4人，超過4人就再分單訂），不限地點及出發日期，至於優惠期由依家至6月12日。除咗各個長線能夠啱用，短途可揀香港航空Last Minute優惠，來回台北HK$716起，連稅HK$1,056起（必須4人同時購買及出發），呢張飛出發日期由即日至7月8日；另外，日本可揀華航一雞兩味，來回日本各地HK$1,584起，連稅計：沖繩HK$1,985起、九洲宮崎/四國高松/廣島HK$2,252起、福岡HK$2,313起、名古屋HK$2,413起、東京HK$2,506起、大阪HK$2,533起、札幌HK$3,967起（必須2人同時購買及出發），出發日期由7月1日至7月12日、8月24日至12月23日、12月28日至12月31日。啱就上ZUJI買。

提提您：大家成功訂票後，一定一定要喺24小時內去呢個網址登記先有回贈：www.zuji.com.hk/zh-hk/hot-deals/cash-rebate/

網址：www.zuji.com.hk

（覺得抵可用Whatsapp同LINE Share俾朋友架）

Again！ZUJI$100現金回贈！港航飛台灣4人同行每位$716起、華航飛日本2人同行每位$1,584起，優惠期至6月12日

華航推出全新日本平飛，賣點係可以中停台灣，一雞兩味！來回日本各地HK$1,684起，連稅計：沖繩HK$2,085起、九洲宮崎/四國高松/廣島HK$2,352起、福岡HK$2,413起、名古屋HK$2,513起、東京HK$2,606、大阪HK$2,633起、札幌HK$4,067起。呢口價首推香港冇直航嘅高松同宮崎，而呢套飛最大優點當然係一雞兩味。雖然用ZUJI比華航官網貴HK$50左右，但用ZUJI訂飛就可以即時確認停留台灣，至於官網訂就要打上華航客服中心（2868-2299），再視乎機位先確認可否停留（提提您：停留台灣要補付離境稅），邊度訂自己諗啦！出發日期由7月1日至7月12日、8月24日至12月23日、12月28日至12月31日，Check過系統，供應以10至11月為主，而札幌年底都有唔少平貨，機票有效期14日，最後訂飛日期至8月31日。

ZUJI網址：www.zuji.com.hk

官方網址：www.china-airlines.com

（覺得抵可用Whatsapp同LINE Share俾朋友架）

一雞兩味！華航來回沖繩、宮崎、高松、廣島、福岡、名古屋、東京、大阪、札幌$1,684起，12月31日前出發

今晚00:00又有港航「話飛就飛」，航點得2個，即管睇睇：來回峇里HK$1,950起（連稅HK$2,280起）、札幌HK$4,250起（連稅HK$4,530起），出發日期由6月6日至6月14日（視乎航點）。當中札幌線一如以往都係咁貴！至於，峇里線得幾日出發，但貨尾清貨嘅價錢都唔吸引，日子真係啱先買啦。機票有效期7日，最後出票日期為5月29日，啱駛嘅朋友可以上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，峇里$1,950、札幌$4,250起，6月指定日期出發

華航初夏日本盤又嚟喇，依舊可以一雞兩味，玩埋台灣！經台北飛日本各大城市每位HK$1,420起，連稅計：沖繩HK$1,866起、廣島/宮崎/高松HK$2,171起、福岡HK$2,234起、名古屋HK$2,291起、東京HK$2,441起、大阪HK$2,470起、札幌HK$3,438起。以上各價以沖繩同香港冇直航嘅宮崎同高松最吸引，加上可以一雞兩味（可免費中停台北/高雄），都幾抵玩，出發日期由依家至6月30日。Check過系統，供應量足，機票有效期14日，最後訂飛日期為5月31日23:00，上官網買。

提提您：1. 華航官網冇得訂中停台北/高雄，乘客須先訂好來回機票然後打去華到航熱線更改（2868 2299），華航官網已寫明”視乎機位供應情況”，要有心理準備到時未必改到心水航班。2. 回程能否改日子，要視乎您揀選航班之票價規定，詳情請參考”票價規則” -> “更多票價規則”內第22點，如沒有列明”不可改回程日子”，則可致電更改。

網址：www.china-airlines.com

（覺得抵可用Whatsapp同LINE Share俾朋友架）

一雞兩味！華航飛沖繩、廣島、宮崎、高松、福岡、名古屋、東京、大阪、札幌來回機票$1,420起，可OpenJaw，6月30日前出發

今個禮拜港航「話飛就飛」，只有大陸同日本線，大陸線仲要得單程，不提也罷：來回鹿兒島HK$2,250起（連稅HK$2,462起）、札幌HK$4,250起（連稅HK$4,529起），5月至6月初指定日期出發（詳情請睇官網）鹿兒島比上期加咗兩舊水，但以獨市嚟講，仍有睇頭；札幌繼續「公價」，啱洗先買。機票有效期7日，最後出票日期為5月15日，啱駛嘅朋友可以上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，鹿兒島$2,250、札幌$4,250起，5月至6月指定日期出發

近排有冇買到日本平機票呀？訂酒店可以睇Expedia初夏全新店優惠！合共14個熱門日本城市，其中包括：東京、京都、大阪、奈良、神戶、沖繩、札幌、福岡、名古屋、橫濱、伊豆、日光、廣島及仙台合共81間酒店，入住日期由依家至6月30日，部份酒店低至5折起，仲可以賺埋「亞洲萬里通」里數。今次介紹6間酒店俾大家參考：

1. 大阪：康瑟特酒店（http://flyagain.la/ygx2）每晚HK$409起（未連稅，下同），位於西島中南方地鐵站隔離，對上就係JR新大阪站，方便搭新幹線去京都 / 神戶玩Day Trip，係一間經濟實惠嘅大阪首選；

2. 東京：日本橋人形町相鐵草莓客棧（http://flyagain.la/d2mj）每晚HK$459起，行3分鐘就到水天宮地鐵站6號出口，交通非常方便，上至淺草晴空塔和成田機場，下至築地銀座台場，左至吉祥寺三鷹調布；

3. 京都：阿爾蒙特酒店（http://flyagain.la/enyj）每晚HK$621起，酒店鄰近京都JR站，方便往返大阪或神戶各地，而由大阪機場直接坐巴士，落車後行7分鐘即到酒店，另外，酒店提供浴池、洗衣和乾衣機服務；

4. 沖繩：那霸卡里烏斯度假村（http://flyagain.la/str9）每晚HK$598起，包早餐，行7分鐘就到美榮橋輕軌站，酒店仲提供免費接駁車往返國際通，方便大家買嘢Shopping；

5. 福岡：博多新大谷酒店（http://flyagain.la/595l）每晚HK$543起，酒店正對面就係渡辺通站，行去天神購物區都係10分鐘，而酒店對面仲有24小時超市，買手信或日用品都好方便；

6. 名古屋：拉古納套房（http://flyagain.la/0gxr）每晚HK$342起，酒店位於購物區榮町，有地下街、三越百貨、24小時激安店同Oasis 21。

其他平房可以上番Expedia搵，最後訂房日期為5月10日。

提提您：想賺「亞洲萬里通」里數，要經以下Expedia指定網址訂房（要留意右上角有「亞洲萬里通」標誌，平時就咁入www.expedia.com.hk係冇里數賺嘅），填寫旅客資料時記得輸入有效嘅「亞洲萬里通」會員號碼，完成入住後4至8週內，里數會自動存入您AsiaMiles帳戶內，每消費HK$10即可獲2里程（不足HK$10不作計算，只計淨房價，稅款不可賺取里數），每次預訂不設最低消費額，多訂多賺。

1. 登記入住人士先可獲得里數，例如朋友A比錢，朋友B入住，咁就要填朋友B Asia Miles 帳戶號碼啦！
2. 記住入住人姓名一定要同Asia Miles帳戶姓名一樣，如果不同（例如Chan Tai Man vs Peter Chan），您就唔會獲得有關里數。

網址：www.expedia.com.hk

（覺得抵可用Whatsapp同LINE Share俾朋友架）

Expedia日本東京、京都、大阪、奈良、神戶、沖繩、札幌、福岡、名古屋、橫濱、伊豆、日光、廣島、仙台酒店5折劈，可儲「亞洲萬里通」里數，6月30日前入住

香港航空又推「一Click即享」機票，講真唔多平，好想買先不妨一睇：出發日期由9月1日至9月24日、10月10日至12月15日、2016年1月4日至1月14日，屬遠期期貨，來回計：台北HK$660起（連稅HK$953起）、曼谷HK$830起（連稅HK$1,213起）、沖繩HK$1,050起（連稅HK$1,331起）、峇里島HK$1,840起（連稅HK$2,176起）、鹿兒島HK$2,800起（連稅HK$3,016起）、札幌HK$4,050起（連稅HK$4,333起），講真只屬正常淡季價，咁早訂都係呢口價真係買唔落手（況且航班時間只屬一般），鹿兒島跟札幌更比上次「一Click即享」推廣貴，唔急不如Last Minute先買。機票有效期7日，官網有售。

網址：www.hongkongairlines.com

（覺得抵可用Whatsapp同LINE Share俾朋友架）

港航普通期貨，台北$660、曼谷$830、沖繩$1,050、峇里島$1,840、鹿兒島$2,800、札幌$4,050起，2016年1月14日前出發