今個月頭，我哋先介紹過港航有隻札幌單程返香港優惠，當時出發日期只限12月19日至21日。今日佢再加推新貨，出發日期更延後至12月23日及24日，換言之多2日揀，冇法啦！呢幾日去程一定爆但回程吉位多。淨機票HK$816，連稅HK$1,059，雖然日期麻麻，但話晒係直航兼包行李，如果之前買咗$1機票去日本，不如去埋北海道，只要買多程內陸機再加港航單程飛（原本回程嗰張就放棄），點計都平過香港直航札幌來回。Check過系統，供應量足，要留意12月23至24日嘅飛官網未有得買住，可以上ZUJI睇睇（Expedia平少少，但俾唔到錢，奇怪）。

網址：www.zuji.com.hk

（覺得抵可用Whatsapp同LINE Share俾朋友架）

Encore！香港航空札幌飛香港單程$816起，12月23至24日返港

各位全日制學位及副學位朋友（院校名單請睇官網），國泰港龍學生優惠返嚟喇！今次推出52個短途同美加優惠航點（不過真筍嘅唔多，要小心揀），只要您學生證有效期年份係2015年或以後（即係31/12/2014前不適用）就可以買，每人只限1張（Check-in時必須Show有效學生證，否則冇得上機）。價錢方面，來回台灣HK$850起，連稅HK$1,392起；大陸各線HK$850起，連稅HK$1,430起；東南亞各地HK$1,050起，連稅HK$1,667起；日韓方面HK$1,450起，連稅計：福岡HK$1,981起／沖繩HK$1,983起／名古屋HK$2,091起／東京成田HK$2,094起／東京羽田HK$$2,098起／首爾HK$2,121起／大阪HK$2,124起／札幌HK$2,585起；美加方面HK$3,990起，連稅計：溫哥華HK$5,950起／洛杉磯或紐約HK$6,114起。以上各價，短途以仰光同日韓各線最吸引（尤其係札幌，呢口價比正常價平足一半），長途就首選紐約。機票有效期長達21日，比一般平飛7日多！仲可以儲25% Asia Miles（如果新登記「亞洲萬里通」仲額外送500Miles）！提提您，美加航線出發日期由12月10日至2015年3月31日、其他航線則為12月10日至2015年1月15日。旺季期間冇平飛，啱就早買早玩。最後訂票日期為12月31日。

網址：www.cathaypacific-campaign.com

（覺得抵可用Whatsapp同LINE Share俾朋友架）

大專生福音！國泰港龍大陸台灣來回$850、東南亞$1,050、日韓$1,450、美加$3,990起，12月31日前截飛

香港航空推出明年初亞洲區早餐盤，出發日期1月2日至2月11日，來回台北HK$663起，連稅HK$1,205起；曼谷HK$681起，連稅HK$1,363起；河內HK$745起，連稅HK$1,396起；峇里島HK$1,571起，連稅HK$2,085起；札幌HK$4,456起，連稅HK$5,041起，呢口價以曼谷同峇里最吸引，台北都OK。航班方面，台北線冇限制，曼谷去程限坐17:00後航班。Check過系統，供應量足，如果想過Long Weekend（週四至六出發）就要補錢，曼谷補HK$52起、台北補HK$105起，曼谷補得過。機票有效期7日，啱就上ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

明年初早餐盤，香港航空來回台北$663、曼谷$681、河內$745、峇里島$1,571、札幌$4,456起

想平玩北海道？可以睇睇香港航空12月19日推出嘅新航線飛札幌，今次翻推首航回程優惠，出發日期由12月19日至12月21日，札幌飛香港淨機票HK$770起，連稅HK$1,014起，呢口價真係好抵買，至於去程可以選擇HK Express、Vanila Air或Peach Aviation飛東京或大阪再轉內陸機前往札幌；如果買咗HK Express日本HK$1機票，不妨放棄回程個段，由東京玩上去札幌走，除咗可以一雞兩味，亦可以不走回頭路，而且加埋條數都平過來回直航，Check過系統，供應量足，啱就上Expedia買啦。

網址：www.expedia.com.hk

（覺得抵可用Whatsapp同LINE Share俾朋友架）

補倉！香港航空札幌飛香港回程$790起，12月19至21日出發

將近年底，Expedia推出12個國家共33個城市嘅279間酒店參與，大堆頭情況近期少見。地方包括：台北、台中、曼谷、釜山、首爾、東京、京都、新加坡、吉隆坡同悉尼等，入住日期由依家至明年2月28日，部份酒店低至半價起，可用埋9折Code，抵上加抵。今次介紹7間酒店俾大家參考：

1. 台北：儷夏商旅（http://flyagain.la/j3kt）每晚HK$433起（已用9折Code及未連稅，下同），位於西門町鬧市，紅樓戲院同北門就喺隔離，行去捷運站都係5分鐘，鐘意Shopping就啱晒您；

2. 台中：新驛旅店 – 車站店（http://flyagain.la/oxqu）每晚HK$395起，除咗玩台中市，旁邊就係台中台鐵站，即日往返去集集、車埕，甚至落台南都得，市內外觀光都方便至極；

3. 曼谷：中心文華酒店（http://flyagain.la/hsd9）每晚HK$338起，由地鐵Sam Yam站行返去酒店都係6分鐘，後面就有地道夜市，酒店亦有泳池同健身室，食飽泰茶翻嚟做吓運動都唔錯；

4. 釜山：日落酒店（http://flyagain.la/5atp）每晚HK$520起，酒店位處海雲台沙灘，5分鐘行到海雲台地鐵站5號出口，仲包埋早餐，附近有好多餐廳選擇添；

5. 首爾：希爾豪斯酒店（http://flyagain.la/tzih）每晚HK$369起，位於首爾塔同明洞聖堂附近，由會賢站地鐵站1號出口行返酒店約8分鐘，方便購物首選；

6. 東京：淺草集市廣場酒店（http://flyagain.la/ptcq），每晚HK$430起，酒店位處淺草區，行8分鐘左右會到淺草站，行1分鐘就到地鐵站，行10分鐘就到都營淺草站，地理位置都算唔錯，賣點當然係平啦；

7. 京都：都市酒店（http://flyagain.la/89ij），每晚HK$426起，酒店位處深草地鐵站旁，來往京都各地都好方便，更可前往伏見稻荷大社的山坡小道上欣賞京都全景。

其他平房可以上番Expedia搵，最後訂房日期為11月16日。

提提您：訂套票比分開機票+酒店訂有時會更慳錢，最高可慳25%架，試下比較下吖～

Expedia 10%折訂房Code：EXPEDIA1111（入住日期：2015年1月31日前，最後使用日期：11月11日）

網址：www.expedia.com.hk

（覺得抵可用Whatsapp同LINE Share俾朋友架）

Expedia冬日33個旅遊城市哂冷5折劈，可用9折Code，明年2月28日前入住

今晚00:00，AirAsiaGo開賣日本9個城市酒店5折割，包含所有熱門城市：東京、大阪、京都、札幌、名古屋、神戶、廣島、福岡、沖繩，合共69間酒店低至5折！入住日期由依家至2015年2月28日，如果未有心水，不如睇睇以下嘅推介：

1. 東京：上野百夫長酒店（Centurion Hotel Ueno）每晚HK$604起（未連稅，下同），由JR御徒町或京成上野車站約行5-8分鐘就到，酒店包早餐，而大堂亦有免費咖啡提供；

2. 東京：神保町櫻花酒店（Sakura Hotel Jimbocho）每晚HK$358起，筆直唔多嘅旅客不妨睇睇，呢間以青年旅社形式營運嘅酒店，但位置超就腳，喺神保町地鐵站行5分鐘就到；

3. 大阪：康瑟特酒店（Hotel Consort ）每晚HK$430起，位於西島中南方地鐵駅旁，對上就係JR新大阪，方便搭新幹線去其他城市玩Day Trip；

4. 名古屋：榮酒店（Hotel MyStays Nagoya-Sakae）每晚HK$321起，由伏見地鐵站行3分鐘就到，行去購物區榮町都係15-20分鐘，都係以方便為主；

5. 沖繩：沖繩都酒店（Okinawa Miyako Hotel），每晚HK$533起，酒店設有大型停車埸，方便自駕遊人仕，至於步行前往首里地鐵站約需15分鐘，不過鄰近首里城，而酒店旁邊嘅「島壽司」，都幾新鮮，住呢間酒店可以試試；

6. 廣島：東方酒店（Oriental Hotel Hiroshima）每晚HK$466起， 行去電車銀山町或胡町站約8-10分鐘，八町掘逛街約10分鐘，至於嚟到廣島一定要試吓名物 – 廣島燒，酒店附近已有；

7. 京都：京都塔酒店（Kyoto Tower Hotel）每晚HK$634起（7折），呢間酒店位置極佳，行3分鐘到京都站，附近有唔少交通工具，方便遊覽京都各處，酒店樓下有各種食店同百貨公司，酒店前台會送京都塔入場券俾您，有時間上塔睇吓風景都唔錯。

仲有其他平房，可上番佢官網望望，最後訂房日期為11月8日。

網址：www.airasiago.com

（覺得抵可用Whatsapp同LINE Share俾朋友架）

5日限定！AirAsiaGo日本9大城市5折割，2015年2月28日前入住

香港航空將會喺12月19日推出新航線飛札幌，今次推出首航回程優惠，出發日期由12月19日至12月21日，札幌飛香港淨機票HK$790起，連稅HK$1,047起，呢口價真係好抵買，至於去程可以選擇HK Express、Vanila Air或Peach Aviation飛東京或大阪再轉內陸機前往札幌，除咗可以一雞兩味，玩埋東京或大阪，而且加埋條數都平過來回直航，Check過系統，供應量唔多，如果HK$790呢口價賣完，機票價格會提升至HK$920起，連稅HK$1,177起，呢口價都入得過，啱就上Expedia買啦。

網址：www.expedia.com

（覺得抵可用Whatsapp同LINE Share俾朋友架）

香港航空首航優惠，札幌飛香港回程$790起，出發日期只限3日

日本航空啱啱推出咗新一輪日本機票期貨盤，比之前嘅價錢仲平，出發日期由12月1日至19日、12月28日至2015年2月12日、2月23日至3月31日、4月8日至30日：二人同行來回東京成田每位HK$2,060起，連稅HK$2,801起；如果想玩埋日本其他城市都得，呢套飛可加入最多兩程國內航段，每段HK$300（來回則為HK$600），最抵當然係轉飛北海道札幌，直接轉機二人同行每位HK$2,710起，連稅HK$3,445起；如果想停留東京補翻稅就得，連稅每位HK$3,649起。Check過系統，供應量足，航班時間早去晚返，而日本航空包每位2件23kg嘅免費寄艙行李，想瘋狂掃貨都得。機票有效期為10日，最後訂票日期為9月30日，啱就上官網訂啦！

航班時間：
香港飛成田 JL 736 10:40-16:05
成田飛香港 JL 735 18:15-22:00

揀其他日本城市之溫馨提示：

1. 千萬要記住：一定要喺訂飛時一併加埋其他城市（搜尋器上揀”停留2個或以上城市”），一旦出咗票（香港<->東京Only）就唔可以追加架！
2. 可以Open Jaw：去程可揀A城市，回程揀B城市（兩地均以東京做起點／終點），中間A去B就自己諗辦法
3. 來回程皆可中停東京
4. 轉機地點有時喺羽田機場！請預鬆轉機時間

網址：www.hk.jal.com

（覺得抵可用Whatsapp同LINE Share俾朋友架）

包2件23kg行李！日航冬春限時早餐盤，2人同行東京每位$2,060起，札幌$2,710起，國內線每程$300，明年4月30日前出發