韓亞航空推出Last Minute清貨優惠，仲可以一雞兩味，可中停首爾，出發日期由依家至12月20日，經首爾轉機來回淨機票計：三藩市/洛杉磯HK$4,450起（連稅HK$6,738起）、西雅圖HK$4,455起（連稅HK$6,800起）、檀香山HK$4,637起（連稅HK$7,011起）、紐約/芝加哥HK$5,458起（連稅HK$7,796起），呢口價坐服務水平高嘅韓亞真係唔錯，仲可以訂佢嘅海鮮特別餐（最遲須於出發前24小時打上熱線預訂）。雖然比美藉航空貴一啲，但佢勝在機票有效期長達3個月，去探親啱晒。Check過系統，機票數量足，唔趕時間嘅可以12月中出發，明年年初先返都可用此靚價。最後訂票日期則為12月19日，啱就上ZUJI買啦。

網址：www.zuji.com.hk

（覺得抵可用Whatsapp同LINE Share俾朋友架）

一雞兩味！韓亞美國清貨盤，可中停首爾，三藩市/洛杉磯$4,450、西雅圖$4,350、檀香山$4,568、紐約/芝加哥$5,353起

想淡季平飛歐美？今次輪到中國東方航空喇！出發日期由依家到2015年3月28日，最大賣點係可以Open Jaw！經上海轉機來回連稅計每位：莫斯科HK$5,852起、羅馬HK$6,439起、巴黎HK$6,576起、法蘭克福HK$6,915起、溫哥華HK$6,845起、檀香山HK$6,958起、三藩市HK$6,998起、洛杉磯HK$7,000起、倫敦HK$7,717起，整體唔過HK$7K都算係淡季入手價，而且可以Open Jaw兼有效期長達6個月，比起中東三寶更抵玩。Check過系統，優惠主要集中喺11月淡季，想買Open Jaw就記住係訂票時揀Multi City，賣哂就無，啱就上ZUJI買啦。

請留意：大陸空管頻頻，轉機時間最好預鬆起碼4-5小時以上。

網址：www.zuji.com.hk

（覺得抵可用Whatsapp同LINE Share俾朋友架）

淡季飛歐美，東航來回連稅$5,852起，可Open Jaw，機票有效期半年

尋晚我哋「又飛啦！」先報咗國航飛美國秋冬平盤，蝦！點知低處未算低！今次「又飛啦！」率先全港首發：中國東方航空美洲秋冬筍盤大激劈！8/9打後到年底，飛洛杉磯HK$2,510（連稅HK$4,926），紐約HK$2,700（連稅HK$5,116），檀香山HK$2,840（連稅HK$5,256），抵到得人驚！驚就快啲訂！洛杉磯同國航相若，紐約仲比國航平多一千！檀香山最正，皆因呢個價全世界都做唔到，況且極少有筍盤！其實東航訂飛都幾自由，去程一個價，回程一個價，明碼實價，簡單易拼。Check過系統，呢批最平選擇集中喺10月中下旬後，聖誕節附近日子嘅就貴一千左右。洛杉磯同檀香山可以做到上海中停2-3小時即轉，紐約方面，由於上海出發班機係早上10:50，基本上香港出發嘅冇一班機可以做到無縫接駁，要喺上海浦東機場瞓一晚。建議揀最夜個班飛上海浦東嘅機MU506（20:25/22:30），起碼喺上海留少幾粒鐘吖！回程就可以等2-3小時即走。最後提醒大家：追求乜都有乜都好者，東航絕非您杯茶，切記！

網址：hk.ceair.com

（記得按下面「讚好」Share俾Facebook朋友）