七至八月最旺季想平飛歐洲？呢次真係Very Last Chance：印度捷特航空（JetAirways）有一隻比利時布魯塞爾劈盤，來回淨機票HK$2,840起，連稅HK$5,447起，賣點係搭正7至8月最旺旺旺旺季都冇加價（一般暑假直航起碼過萬中，轉機都七八千），而且機票有效期長達1個月，玩完布魯塞爾都有時間玩埋其他歐洲城市（搭廉航／巴士／火車都得），真係益街坊到痺（尤其係學生哥，可以實現平遊歐洲大計）。比上次巴黎唔同，捷特航空飛布魯塞爾喺印度等轉機時間唔太耐，建議經孟買轉機，話晒用新機場，設備好啲。最後出票日期為30/6，可以上ZUJI買。

想知印度捷特航空係乜東東，可以睇番我哋製作嘅試搭報告（詳情請睇：http://flyagain.la/7d83），唔差架！

網址：www.zuji.com.hk

（覺得抵請記得按Like同Share俾朋友）

暑假平飛歐洲Last Chance！捷特航空來回比利時布魯塞爾$2,840起，連稅$5,447起

暑假係歐洲旅遊旺季，機票貴到死！想慳錢？仲有計！今次就先介紹第一隻漏網之魚：印度Jet Airways（捷達航空）原來一直賣緊一隻筍盤：香港飛比利時首都布魯塞爾，中停印度孟買或德里，來回連稅只係HK$6,622起，本來冇乜特別，但被我哋「又飛啦！」發現原來七至八月暑假都仲有呢口價，而且一啲唔難搵！咁就值錢喇～去到布魯塞爾，大可以轉搭一眾歐洲廉航（例如Ryan Air, EasyJet等等）再飛其他心水城市（亦可以搭火車去倫敦／巴黎／德國／荷蘭，都係附近之嘛），加埋點都唔駛過萬，暑假喎！趁冇乜人知（因為好多人一聽印度嘅航空公司就No No No，但其實Jet Airways水準一啲都唔輸蝕，我都搭過一次，呢個價飛長途，絕對搭得過），低低調調Share俾朋友約腳吧！

網址：www.jetairways.com

（記得按下面「讚好」Share俾Facebook朋友）