港航「話飛就飛」今晚00:00（7月8日）開賣，而今期嚟到暑假檔期，又點會有驚喜吖？一定要暑假出發先睇啦：來回河內HK$850（連稅HK$1,380）起、沖繩HK$2,550（連稅HK$2,840）起、札幌 HK$5,500 （連稅 HK$5,840）起。以上各價，河內同上期一樣，不過去越南就要硬食HK$680單次簽證；至於沖繩同札幌就貴HK$1,000，暑假旺季冇法啦！唔Like千祈唔好買。出發日期由7月17日至8月7日（特價機票各有指定航班，出發日期各有不同，詳情請睇官網），機票有效期7日，最後出票日期為7月10日，上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，河內$850起、沖繩$2,550起、札幌$5,500起，7月至8月指定日期出發

暑假沖繩機票好貴？您睇樂桃好耐冇做Promotion就知啦！生意好無奶由平，不過最近香港航空重推沖繩優惠，唔係超平但仍有得諗：2人同行每位計：來回HK$1,767（連稅HK$2,102）起，出發日期由8月24日至8月31日，以8月暑假檔尾嚟講都算OK，況且港航已包20kg寄艙行李+飛機餐，分分鐘平過樂桃，嗱嗱聲約埋朋友去沖繩渡假、游水同掃平貨！Check過系統，供應充足，機票有效期為7日，最後出票日期為8月28日，可上Hutchgo買飛（即係Priceline呀！佢最近改咗名lu）。

網址：travel.hutchgo.com.hk

（覺得抵可用Whatsapp同LINE Share俾朋友架）

暑假尾Last Book！香港航空來回沖繩$1,767起，8月31日前出發

國泰港龍fanfares嚟到第141週又嚟啦！記得今朝08:00開倉喎！自由揀日子估計為9月6日至9月26日，指定日子估計介乎7月10日至7日18日，今朝08:00去搶喇！

地點　淨機票 ｜連稅價（評語）

三亞 HK$690起 | HK$1,027起（劏客勝地）
馬尼拉 HK$790起 | HK$1,107起（係咁先啦）
宿霧 HK$890起 | HK$1,112起（國泰玩嘢）
青島 HK$890起 | HK$1,227起（普普通通）
胡志明市 HK$990起 | HK$1,379起（淡季常見）
雅加達 HK$1,390起 | HK$1,700起（冇嘢好玩）
達卡 HK$1,990起 | HK$3,123起（危險之地）
沖繩 HK$2,290起 | HK$2,575起（旺季實貴）
東京（成田） HK$2,290起 | HK$2,677起（睇隔離台）
洛杉磯 HK$3,690起 | HK$4,756起（唯一可取）

以上只作參考用途，其他稅項及附加費或會有所變動。

長榮航空推出日韓淡季盤，仲可以一雞兩味玩埋台北！來回淨機票HK$1,950起，連稅計：沖繩HK$2,392起、福岡HK$2,690起、東京成田HK$2,826起、大阪HK$2,872起、札幌HK$4,333起。以呢口價嚟講，主要入手位係紅葉期同冬天雪季，其他時間可等HK Express各大廉航嘅優惠。呢套飛三大賣點：1. 飛札幌可以搭Hello Kitty歡樂機、成田線就搭Hello Kitty雲彩機、福岡線就係Hello Kitty蘋果機（Hello Kitty彩繪機或會因航班調動而更改）；2. 可OpenJaw；3. 回程可免費中停台北一次（只需付HK$126起台北機場稅），玩多個地方都唔錯！出發日期由而家至7月12日、8月24日至12月23日、12月28日至12月31日，Check過系統，機票供應足，不過聖誕前後冇平。機票有效期為14日，最後出票日期為8月31日，有興趣就上官網買啦。

網址：www.evaair.com

（覺得抵可用Whatsapp同LINE Share俾朋友架）

長榮航空一雞兩味，經台北飛日本來回$1,950起，12月31日前出發

港航「話飛就飛」今期得番2個航點，價錢吸引度甚低，今晚00:00（7月1日）開賣：來回河內HK$850起（連稅HK$1,270起）、沖繩HK$2,550起（連稅HK$2,827起），出發日期由7月10日至7月30日（特價機票各有指定航班，出發日期各有不同，詳情請睇官網）。以上各價，對比上期河內貴HK$100、沖繩貴HK$1000，踏入暑假期，貴都要硬食啦！另外，飛河內要做簽証（單次HK$680）、而沖繩只限7月21日HX658（11:45-15:05），價錢又貴又多限制，吸引度大減！機票有效期7日，最後出票日期為7月3日，上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，河內$850起、沖繩$2,550起，7月指定日期出發

想趁暑假一家大小去大阪環球影城找小小兵或是去沖繩度過陽光海灘，今晚就要留意樂桃航空！今晚00:00（6月23日）將推出台北出發全新優惠：飛沖繩單程TWD1,680起，來回連稅TWD3,860起（出發日期由8月11日至10月22日，逢週二、四）、飛大阪單程TWD1,980起，來回連稅TWD4,880起（出發日期由8月8日至10月24日）。回程可看看明天日本版會否有優惠。以上價格不包行李寄艙及飛機餐（寄艙行李每程每件20kg以下TWD970），最後出票日期為6月25日。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則就訂不了！

網址（桌面版）：www.flypeach.com.tw
網址（手機版）：mobile.flypeach.com.tw

（覺得抵可用Whatsapp同LINE Share俾朋友架）

暑假狂玩日本！樂桃台北飛沖繩單程TWD1,580、大阪TWD$1,980起，今晚12點開賣，10月24日前出發

暑假係沖繩旅遊旺季，機票好少有平（您睇樂桃好耐冇做Promotion就知），所以唔貴就要買喇！香港航空出咗沖繩盤：來回HK$2,185起，連稅HK$2,460起，出發日期由8月10日至31日，以8月超黃金檔期嚟講就10級正斗！況且港航來回包20kg行李+飛機餐，分分鐘平過樂桃！趁日圓低水，快啲去沖繩渡假、游水同掃平貨！Check過系統，供應足，機票有效期為7日，最後出票日期為6月30日，可上Ctrip買飛。

網址：www.ctrip.com.hk

（覺得抵可用Whatsapp同LINE Share俾朋友架）

唔好等啦！香港航空8月暑假來回沖繩$2,185起，8月31日前出發

台灣朋友如果想遊歐洲，由台灣出發來回連稅一般達TWD30,000水平，今次就特別為台灣粉絲介紹新玩法：華航在日本站有一款特價機票，由日本出發（城市包括：沖繩那霸／福岡／大阪／名古屋／東京羽田／札幌）經台北轉飛荷蘭阿姆斯特丹，來回機票連稅最便宜只需TWD16,100（HK$4,025）起。經我們研究後，發現這套機票提供2次免費中停，變相增加性價比！建議大家把整套機票拆開以下3個旅程（紅色字指今次介紹之華航平機票）：

第一程：台灣往日本（另購廉航單程機票，可向樂桃航空／香草航空／台灣虎航／酷航購買）+日本回台北桃園（可提取寄艙行李回家，東京羽田會飛往台北松山機場）
第二程：台北桃園往阿姆斯特丹 + 阿姆斯特丹回台北桃園（可提取寄艙行李回家，當中曼谷只屬技術中停，不可停留）
第三程：台北桃園往日本（東京羽田會由台北松山機場起飛）+日本回台灣（另購廉航單程機票，可向樂桃航空／香草航空／台灣虎航／酷航購買）

價錢方面，由於組合眾多，建議大家直接上Expedia香港發掘（要先揀選”多目的地”才可搜尋價錢）。以下提供數個航點作參考：

福岡->台北（可中停）->阿姆斯特丹->台北（可中停）->東京羽田（來回連稅TWD16,100／HK$4,025起）
大阪->台北（可中停）->阿姆斯特丹->台北（可中停）->札幌（來回連稅TWD16,624／HK$4,156起）
名古屋->台北（可中停）->阿姆斯特丹->台北（可中停）->沖繩那霸（來回連稅TWD16,624／HK$4,156起）

再計算第一程台灣往日本及第三程日本回台灣之廉航單程機票（兩程連稅約TWD5,000 – 10,000，視乎目的地及購買時間），3個旅程所有機票連稅亦只需TWD21,000起，已經可以讓您飛2次日本及1次歐洲！以相同日子比較（舉例：11月25日出發，12月4日回台灣），華航單點台北來回阿姆斯特丹連稅也超過TWD28,000！一看便知本組合超好康！飛歐洲及日本從此更Easy！

出發日期由現在至2016年3月31日，查過訂票系統，聖誕節及農曆新年也有此超好康價！一定要先搶為快！機票有效期1個月，華航官網無售，上Expedia香港買吧！

網址：www.expedia.com.hk

（覺得抵可用Whatsapp同LINE Share俾朋友架）

超好康！台灣粉絲即搶！華航日本經台北來回荷蘭連稅TWD16,100起，可包括2日本+1歐洲之旅