今日樂桃同日本捷星都有平盤出，酒店想平可以睇睇Expedia嘅日本酒店限時劈，參與城市包括大阪、東京、京都、沖繩、褔岡、名古屋、神戶、廣島、北海道，入住日期由依家至明年3月31日。部份酒店低至半價起，仲可以賺埋「亞洲萬里通」里數。今次介紹5間酒店俾大家參考：

1. 大阪：康瑟特酒店（http://flyagain.la/2laj）每晚HK$393起（未連稅，下同），位於西島中南方地鐵站隔離，對上就係JR新大阪站，方便搭新幹線去京都 / 神戶玩Day Trip，係一間經濟實惠嘅大阪首選；

2. 東京：新宿陽光酒店（http://flyagain.la/t33w）每晚HK$618起，酒店位於新宿區，搭車去近去遠都好方便，而行去購物區只需8分鐘，附近幾夜都有嘢食；

3. 札幌：APA Hotel Susukino-EkiNishi（http://flyagain.la/noxw）每晚HK$334起，5分鐘行去薄野地鐵站，行去狸小路購物街、大通公園、札幌時計台都係8-10分鐘，呢口價住北海道真係抵；

4. 名古屋：皇家花園酒店（http://flyagain.la/tsty）每晚HK$655起，酒店開張一年多，整體仲係好新，行5分鐘就到名古屋JR站，樓下有便利店、居酒屋，燒肉店等等，加上酒店新淨企理，係高性價比嘅選擇；

5. 福岡：天神住宿酒店（http://flyagain.la/6oku）每晚HK$361起，酒店位處天神購物區，行去天神地鐵站約8分鐘，隔離就係各大百貨公司同食肆，買完一包二包戰利品再返酒店都好方便。

仲有其他平房可以上番Expedia搵，最後訂房日期為12月6日。

提提您：想賺「亞洲萬里通」里數，要經以下Expedia指定網址訂房（要留意右上角有「亞洲萬里通」標誌，平時就咁入www.expedia.com.hk係冇里數賺嘅），填寫旅客資料時記得輸入有效嘅「亞洲萬里通」會員號碼，完成入住後4至8週內，里數會自動存入您AsiaMiles帳戶內，每消費HK$10即可獲2里程（不足HK$10不作計算，只計淨房價，稅款不可賺取里數），每次預訂不設最低消費額，多訂多賺。

1. 登記入住人士先可獲得里數，例如朋友A比錢，朋友B入住，咁就要填朋友B Asia Miles 帳戶號碼啦！
2. 記住入住人姓名一定要同Asia Miles帳戶姓名一樣，如果不同（例如Chan Tai Man vs Peter Chan），您就唔會獲得有關里數。

網址：www.expedia.com.hk

（覺得抵可用Whatsapp同LINE Share俾朋友架）

Expedia日本大阪、東京、京都、沖繩、褔岡、名古屋、神戶、廣島、北海道酒店限時劈，可儲「亞洲萬里通」里數，明年3月31日前入住

AirAsiaGo開賣日本9個城市酒店5折割，包含所有熱門城市：東京、大阪、京都、富良野、名古屋、神戶、廣島、福岡、沖繩，合共83間酒店低至5折！入住日期由依家至2015年3月31日，如果未有心水，不如睇睇以下嘅推介：

1. 東京：淺草集市廣場酒店（Agora Place Asakusa）每晚HK$385起（5折，未連稅，下同），酒店位處淺草區，行8分鐘左右會到淺草站，行1分鐘就到地鐵站，行10分鐘就到都營淺草站，地理位置都算唔錯，賣點當然係平啦；

2. 奈良：日航酒店（Hotel Nikko Nara）每晚HK$510起（65折），以呢口價住日本名牌4星日航酒店真係爆抵！酒店喺正JR奈良對出，附近已經有唔同商場同餐廳，加上酒店1樓就有大型超市，識玩嘅就知抵；

3. 大阪：康瑟特酒店（Hotel Consort ）每晚HK$392起（6折），位於西島中南方地鐵駅旁，對上就係JR新大阪，方便搭新幹線去其他城市玩Day Trip；

4. 京都：都市酒店（Urban Hotel Kyoto）每晚HK$412起（7折），酒店位處深草地鐵站旁，來往京都各地都好方便，更可前往伏見稻荷大社的山坡小道上欣賞京都全景；

5. 名古屋：清酒店（Hotel Kiyoshi Nagoya）每晚HK$347起，行5分鐘就到地鐵 / JR金山站，酒店以簡單樸實為主，所以價錢都好平，啱晒筆值唔多嘅您；

6. 神戶：大倉酒店（Hotel Okura Kobe）每晚HK$539起（77折），呢間名牌酒店少有平貨，今次呢口價都唔錯，酒店位於神戶灣，隔離就係神戶塔同摩天輪等景點，離花隈電鐵站約10分鐘，加上呢間酒店面積相對較大，帶小朋友一齊住都唔錯；

7. 廣島：太陽道酒店（Hotel Sunroute Hiroshima）每晚HK$323起，飯店就喺河邊隔離，對面就係和平公園，距離中電前電車站行3分鐘左右；

8. 福岡：晉酒店（Hotel Ascent Fukuoka）每晚HK$299起（8折），位於天神，由酒店過對面馬路就係購物街，絕對係高性格比之選。

仲有其他平房，可上番佢官網望望，最後訂房日期為12月6日。

網址：www.airasiago.com

（覺得抵可用Whatsapp同LINE Share俾朋友架）

5日限定！AirAsiaGo日本9大城市5折割，2015年3月31日前入住

香港航空為慶祝成立8週年，今晚（11月28日）00:00推出感謝祭，出發日期由2015年3月1日至10月31日，札幌線則為3月1日至3月26日，今次優惠包含所有航點，連稅計：三亞/海口HK$917起、台北HK$989起、上海/杭州/南京HK$1,027起、重慶/成都$1,127起、曼谷HK$1,170起、北京/天津HK$1,217起、沖繩HK$1,470起、峇里島HK$1,962起、札幌HK$4,271起。而部份航點亦推出商務艙優惠，連稅計：曼谷HK$2,871起、上海HK$3,217起。台北連稅唔駛一千，絕對係一開即搶！而札幌航線價位雖然唔錯，但出發日期已經係3月期間，已錯過雪祭，啱就買啦。另外，商務艙飛曼谷都好正，除咗飛機餐質素提升，仲可以享用貴賓室，唔駛三千享受商務艙嘅服務，都搶得過。部份航點亦有航班限制（詳情請睇官網），如台北限週一/二/三出發。機票有效期7日，最後出票日期為12月5日。

提提您：凡用港航手機Apps訂飛（11月28日至12月31日期間），仲有兩大優惠：1. 可於以下網站（http://goo.gl/rdukmo）登記，並獲得折扣Code，用Code訂飛淨機票達到HK$600或以上，即減HK$60；2. 現有或新登記嘅金鵬俱樂部會員，可額外獲得888里數獎勵。（詳情請睇：http://flyagain.la/wc21）

網址：www.hongkongairlines.com

（覺得抵可用Whatsapp同LINE Share俾朋友架）

今晚00:00開搶！香港航空哂冷感謝祭，來回連稅台北$989、曼谷$1,170、北京$1,217、沖繩$1,470、峇里島$1,962、札幌$4,271起

國泰港龍fanfares第109週又嚟啦！記得今朝08:00開倉喎！自由揀日子估計為2015年2月1日至2月14日，指定日子估計介乎11月27日至12日7日，今朝08:00去搶喇！

地點　淨機票 ｜連稅價（評語）

桂林 HK$790起 | HK$1,369起（不感興趣）
宿霧 HK$890起 | HK$1,354起（您哋話呢！）
青島 HK$890起 | HK$1,469起（好少有平）
峴港 HK$1,290起 | HK$1,891起（應該散貨）
首爾 HK$1,690起 | HK$2,359起（冬季首選）
沖繩 HK$2,090起 | HK$2,622起（淡季常價）
阿德萊德 HK$2,890起 | HK$5,208起（澳洲旺季）
約翰內斯堡 HK$2,990起 | HK$5,036起（一般貨色）
紐約 HK$3,490起 | HK$5,614起（首選必買）
芝加哥 HK$3,990起 | HK$6,114起（終於返嚟）
曼徹斯特 HK$3,990起 | HK$6,807起（首次見面）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

相關文章：官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

AirAsiaGo聯乘雅高酒店集團（Accor），合作推出7折起優惠，參與品牌包括ibis, All Season, Novotel, Pullman, MGallary, Mercure, Grand Mercure, Sofitel等，參與城市包括布吉、曼谷、東京、沖繩、京都、札幌、名古屋、首爾、釜山、多倫多、渥太華、蒙特利爾、倫敦及墨爾本等地，最平係曼谷每晚HK$269起（未連稅，下同），入住日期包括聖誕及新曆新年期間（12月15日至2015年2月8日），今次介紹幾間酒店俾大家參考：

曼谷：宜必思娜娜酒店每晚HK$269起，酒店位處市中心，離BTS Nana地鐵站約10分鐘，附近已有百貨公司同唔少地道小食，平住首選推介；

布吉：宜必思芭東酒店每晚HK$402起，酒店位處芭東區，步行往大型商場只需15分鐘，步行到芭東海灘10分鐘，酒店亦附設泳池，年尾及年頭係布吉旺季，呢口價唔差架！

首爾：宜必思東大門大使酒店每晚HK$502起，酒店位於東大門區，行路去Dongdaemun History & Culture Park地鐵站都係5分鐘內嘅事，如果自駕遊，酒店仲提供免費泊車。一家3-4口去，仲可以揀家庭房；

札幌：美居酒店每晚HK$591起，酒店靠近薄野地鐵站，亦有薄野市場，可試試地道魚生，行8分鐘亦會到狸小路，而酒店後方就有拉面橫丁，以呢口價喺冬天旺季住品牌酒店真係抵；

京都：ibis Styles酒店每晚HK$620起，酒店正地面就係京都站，絕對坐擁最佳地段，所以受到AirAsiaGo 100%用戶推薦；

墨爾本：宜必思尚品金斯蓋特酒店每晚HK$451起，酒店位於市中心，3分鐘就行到Southern Cross Station，附近有超市同Food Court，年底至明年頭係澳洲夏天，呢口價確實抵住。

仲有其他平房可以上番官網望望，最後訂房日期為11月28日23:59。

網址：www.airasiago.com

（覺得抵可用Whatsapp同LINE Share俾朋友架）

AirAsiaGo x Accor 7折劈，泰國、日本、韓國、加拿大、倫敦及墨爾本酒店，最平$269起，2015年2月28日前入住

香港航空啱啱推出冬季優惠，出發日期由11月24日至2015年2月10日，淨機票三亞HK$573起（連稅HK$1,202起）、上海HK$618起（連稅HK$1,247起）、台北HK$628起（連稅HK$1,219起）、北京HK$928起（連稅HK$1,557起）、沖繩HK$1,165起（連稅HK$1,747起）。以上各價同「話飛就飛」差唔多，勝在機票數量足，一人出發都得，而北京亦係少有推出優惠，都值得入手。Check過系統，如果想過Long Weekend都有唔少選擇，不過聖誕跨年就未見平飛。機票有效期7日，最後訂票日期為12月18日，啱就上Priceline買。

網址：www.priceline.com.hk

（覺得抵可用Whatsapp同LINE Share俾朋友架）

香港航空冬季優惠，三亞$573、上海$618、台北$628、北京$928、沖繩$1,165起，12月18日前訂飛

各位全日制學位及副學位朋友（院校名單請睇官網），國泰港龍學生優惠返嚟喇！今次推出52個短途同美加優惠航點（不過真筍嘅唔多，要小心揀），只要您學生證有效期年份係2015年或以後（即係31/12/2014前不適用）就可以買，每人只限1張（Check-in時必須Show有效學生證，否則冇得上機）。價錢方面，來回台灣HK$850起，連稅HK$1,392起；大陸各線HK$850起，連稅HK$1,430起；東南亞各地HK$1,050起，連稅HK$1,667起；日韓方面HK$1,450起，連稅計：福岡HK$1,981起／沖繩HK$1,983起／名古屋HK$2,091起／東京成田HK$2,094起／東京羽田HK$$2,098起／首爾HK$2,121起／大阪HK$2,124起／札幌HK$2,585起；美加方面HK$3,990起，連稅計：溫哥華HK$5,950起／洛杉磯或紐約HK$6,114起。以上各價，短途以仰光同日韓各線最吸引（尤其係札幌，呢口價比正常價平足一半），長途就首選紐約。機票有效期長達21日，比一般平飛7日多！仲可以儲25% Asia Miles（如果新登記「亞洲萬里通」仲額外送500Miles）！提提您，美加航線出發日期由12月10日至2015年3月31日、其他航線則為12月10日至2015年1月15日。旺季期間冇平飛，啱就早買早玩。最後訂票日期為12月31日。

網址：www.cathaypacific-campaign.com

（覺得抵可用Whatsapp同LINE Share俾朋友架）

大專生福音！國泰港龍大陸台灣來回$850、東南亞$1,050、日韓$1,450、美加$3,990起，12月31日前截飛

今年元旦想飛去日本過年？港航有沖繩平盤呢！出發日期由2015年1月1日至2月13日、2月27日至3月28日，扣除紫荊會會員喺完成旅程後可獲50 eCredits回贈（免費申請網址：http://flyagain.la/bmiles），來回機票HK$1,100起，連稅計HK$1,634起，配合超平日Yen加上當地酒店淡季大減，只要您唔介意冬天冇得游水，呢個價都OK。去程航班冇限制，回程限坐早機（HX681 11:55-13:20），想改坐下午機（HX657 15:30-17:30）就要補HK$300。Check過系統，機票數量足，元旦出發都有，1月1日飛，1月5日返，請2日假就可以玩5日，但必須喺出發前45日訂先有，所以想元旦出發就要喺11月16日前訂飛。優惠至2015年2月11日，啱就上官網買。

網址：www.hongkongairlines.com

（覺得抵請記得按Like同Share俾朋友）

元旦飛沖繩，請2日玩5日，港航來回$1,100起，3月28日前出發