作為歐洲平霸之一，國航又嚟一劈震天下！仲可以即買即飛兼可以初夏出發：來回歐洲淨機票HK$2,540起，連稅計，巴塞隆拿HK$4,916起，雅典HK$5,121起，維也納HK$5,322起，法蘭克福HK$5,541起，全部唔過六千，仲可以Open Jaw（不同城市往返），出發日期由依家到10/7，以咁尾水先訂歐洲初夏機票而言，呢口價非常抵買！Check過系統，雅典供應量唔多，只有6月出發先有（去希臘小島者，可以經雅典轉內陸機或船），巴塞隆拿／維也納／法蘭克福就唔難搵到。機票有效期14日，最後出票日期31/5，官網有售。

請留意：大陸空管頻頻，北京轉機時間最好預鬆起碼4-5小時以上

網址：www.airchina.hk

（覺得抵請記得按Like同Share俾朋友）

國航Last Minute劈，來回歐洲$2,540起，連稅$4,916起，7月10日前出發

尋日講過5-6月歐洲平盤，咁秋天呢？都有喇！不過唔係全線航點都有。越南航空有隻早餐盤，出發日期為11/9 – 24/10，飛巴黎同法蘭克福來回淨機票HK$3,440起，連稅計，巴黎HK$5,428起，法蘭克福HK$5,509起，可以Open Jaw（例如巴黎入法蘭克福出，來回連稅HK$5,509起），來回經越南轉機（河內或胡志明市），直接轉機者唔駛簽證。Check過系統，巴黎比較易搵啲，法蘭克福要10月先多少少。話就加少少錢可以Stop Over，但查極都拼唔出平嘢，所以當冇好過。機票有效期1個月。

網址：www.vietnamairlines.com

（覺得抵請記得按Like同Share俾朋友）

歐洲早餐盤！9至10月越南航空飛巴黎，法蘭克福來回$3,440起

大家都知道，歐洲暑假機票向來貴到嘔電，不過今年國航出手救大家了：7至8月經北京轉飛歐洲多個城市，來回淨機票竟然平到HK$3,689起，來回連稅計，斯德哥爾摩HK$6,242起，米蘭HK$6,248起，杜塞爾多夫HK$6,526起，慕尼黑HK$6,566起，法蘭克福HK$6,710起，比淡季貴HK$1,000左右，非常合理呀！暑假喎（除咗俄航外，其他都賣緊過萬）！仲可以Open Jaw，機票有效期1個月。Check過系統，供應量唔多，要大家努力搵喇！ZUJI同國航官網都有售，兩者價錢各有千秋，建議比較兩者先去訂。

ZUJI網址：www.zuji.com.hk

國航網址：www.airchina.hk

（覺得抵請記得按Like同Share俾朋友）

上星期先報過春季飛歐洲機票來回連稅低至HK$5,139起（詳情請睇：http://flyagain.la/?p=12627），點知低處未算低！不過今次出票有啲橋妙：只要去程指定搭印度捷達航空（Jet Airways）飛倫敦（中停孟買或德里），回程搭國航經北京返港（回程城市只要國航有覆蓋就得，包括巴塞隆拿／馬德里／米蘭／羅馬／日內瓦／維也納／巴黎／法蘭克福／慕尼黑／杜塞爾多夫／斯德哥爾摩等，倫敦例外），來回連稅HK$4,549起，一般都唔超過HK$5,300，想復活節去？呢一刻訂如果肯提早到9/4出發，仲有平呀！唔走回頭路，正！出發日期由依家到30/6。

呢套組合機票去捷達或國航官網都出唔到，去ZUJI或其他網上旅行社就得。想搵出平機票組合，建議先Search捷達來回倫敦及國航來回心水城市嘅機票，搵出有特價日子後再喺ZUJI用”Multi City/Stopover”選項Search，記得揀Jet Airways，唔好揀Air China喎（如下圖）！機票有效期1個月，最後出票日期為31/3。

網址：www.zuji.com.hk

（覺得抵請記得按Like同Share俾朋友）

今早先同大家講過國航春季飛歐洲優惠（詳情請睇：http://flyagain.la/?p=12627），唔想搭強國航空？不如睇埋卡塔爾航空新盤，賣點係出發日期去到11/7（即日起至15/4，21/4 – 11/7，視乎供應）：來回連稅計，日內瓦HK$6,045／巴黎HK$6,142／蘇黎世HK$6,297／哥本哈根HK$6,427／伊斯坦堡HK$6,442／米蘭HK$6,481／慕尼黑HK$6,522／巴塞隆拿HK$6,629／法蘭克福HK$6,635／馬德里HK$6,706／斯德哥爾摩HK$6,768／羅馬HK$6,804／柏林HK$6,856／倫敦$7,283、曼徹斯特$7,601起，可以Open Jaw。平均比國航貴HK$1,000以上，坐邊間？自己諗！Check過系統，7月頭幾日出發都有此價，近11日就少見。機票有效期1個月，最後出票日期為15/3。

網址：www.qatarairways.com

（覺得抵請記得按Like同Share俾朋友）

淡季飛歐洲點為之超平？國航呢隻新盤就係喇！出發日期為1/4 – 28/4；8/5 – 20/6，來回連稅計，斯德哥爾摩HK$5,139起，日內瓦HK$5,149起，米蘭HK$5,658起，杜塞爾多夫HK$5,671起，慕尼黑HK$5,711起，羅馬HK$5,750起，法蘭克福HK$5,797起，巴黎$5,894起（國航官網先有），馬德里HK$5,955起，倫敦HK$6,577起，機票有效期1個月。Check過系統，復活節呢一刻仲有（建議提前出發，如11/4去20/4返，比較易搵到）！5至6月供應量亦不俗，ZUJI同國航官網都有售，兩者價錢各有千秋，建議比較兩者先去訂。

ZUJI網址：www.zuji.com.hk

國航網址：www.airchina.hk

（覺得抵請記得按Like同Share俾朋友）

春天乃歐洲旅遊淡季，機票劈極都有，就好似中東平霸三寶之一：阿聯酋航空咁，又拎番20/2先完咗嘅歐洲筍盤再劈一次，價錢同上次相若：出發日期到10/6（12/4 – 20/4不適用），來回連稅計飛蘇黎世HK$6,047起，阿姆斯特丹HK$6,056起，巴黎HK$6,195起，哥本哈根HK$6,252起，里昂HK$6,253起，日內瓦HK$6,262起，慕尼黑HK$6,280起，伊斯坦堡HK$6,375起，里斯本HK$6,407起，法蘭克福HK$6,413起，馬德里HK$6,468起，羅馬HK$6,568起，都伯林HK$6,590起（較少見），倫敦格域HK$7,117起，倫敦希斯路HK$7,327起。Check過系統，復活節前1星期出發（如9, 10/4）仲有呢口價，建議請前面日子連復活節大假，可以慳番唔少錢。提提您：去程限搭EK387或EK383，回程限搭EK386或EK380，機票有效期1個月，最後出票日期為4/3。

此外，Open Jaw（即不同城市往返）都有平，例如倫敦格域入蘇黎世出，來回連稅約HK$6,052起，比起齋來回倫敦平HK$1,000左右，足以夠您買一張由倫敦去蘇黎世單程機票。搵平Open Jaw機票好簡單：只需先分別搵呢兩個城市由香港來回之最平航班及日子，然後再用”多個目的地／中途停站”方法拼番出嚟，結果之價錢唔係最平都會係第二平。

網址：www.emirates.com

（覺得抵請記得按Like同Share俾朋友）

想買歐洲平機票，平霸東航又有新貨返：出發日期由依家至15/7，連稅計（下同），來回羅馬HK$5,209起，法蘭克福HK$5,980起，倫敦HK$6,308起。呢隻筍盤最大賣點係可以平玩Open Jaw，例如倫敦入／羅馬出，法蘭克福入／羅馬出，來回竟然跌至HK$5,109！倫敦入／法蘭克福走就HK$5,589，呢批價錢真係平到嘔！Check過系統，復活節前期出發都有（例如10,11/4出發，20/4返），其他日子亦唔難搵。機票有效期1個月，最後出票日期為31/3，ZUJI有售。

網址：www.zuji.com.hk

（覺得抵請記得按Like同Share俾朋友）