印尼消費平，又有陽光與海灘同豐富文化景點（例如去日惹睇世界文化遺產、普蘭巴南同景點婆羅浮屠等等），想平又想玩埋新加圾，梗係坐新加坡航空：香港經新加坡往印尼來回HK$1,972起，連稅計：棉蘭/泗水HK$2,697起、峇里HK$2,919起、日惹HK$3,020起、龍目島HK$3,320起，由於棉蘭、日惹、龍目島均沒有香港直航，加上可以免費中停新加坡，仍有一定賣點（當然不是最最最平）。出發日期由8月20日至12月18日。Check過系統，供應量足，機票有效期為21日，最後訂票日期為9月30日，上Ctrip買。

網址：www.ctrip.com.hk

（覺得抵可用Whatsapp同LINE Share俾朋友架）

新加坡航空淡季飛印尼峇里、日惹、龍目島等來回$1,972起，可中停新加坡，11月30日前出發

虎航近排好多優惠都冇香港粉絲份，今次終於有喇：香港飛新加坡單程連稅HK$450起，來回連稅HK$1,005起。呢口價貴上次推廣HK$50左右一程，但都算抵，部份日子更可早機出發（10:55-15:00），慳番唔少時間。另外經新加坡轉飛其他東南亞航點都有優惠，香港出發單程連稅：蘭卡威（浮羅交怡）HK$499起、喀比HK$612起、布吉HK$621起、雅加達HK$716起、泗水HK$723起、登巴薩（峇里）HK$855起、馬累（馬爾代夫）HK$1,099起，值得入手。出發日期由10月5日至11月28日、2016年1月5日至23日。各航點優惠數量有限，以上價格不包行李寄艙及飛機餐，最後出票日期為香港時間8月23日11:59pm前，上虎航官網買。

網址：www.tigerair.com

（覺得抵可用Whatsapp同LINE Share俾朋友架）

虎航特賣！香港飛新加坡單程連稅$450起，轉飛浮羅交怡/布吉/峇里等$499起，2016年1月23日前出發

虎航近期密密推出優惠，今期又有平盤推出，香港飛新加坡單程連稅HK$399起，來回連稅HK$965起。另與酷航合作經新加坡飛澳洲及其他航點都有優惠，香港出發單程連稅：蘭卡威HK$499起、甲米HK$602起、布吉HK$621起、雅加達HK$716起、泗水HK$723起、丹帕沙（峇里）HK$836起、馬累（馬爾代夫）HK$1,099起、珀斯HK$1,099起、黃金海岸／悉尼HK$1,499起。呢口價好抵玩，出發日期由8月17日至9月17日、10月5日至11月28日、2016年1月5日至23日。出票日期為香港時間8月2日11:59pm前，上虎航官網買！

網址：www.tigerair.com

（覺得抵可用Whatsapp同LINE Share俾朋友架）

虎航超罕劈！香港飛新加坡單程連稅$399起！轉飛東南亞$499起、澳洲$1,099起，2016年1月23日前出發

無論您係咪鍾意印尼，抑或需要幫家中印傭買飛返家鄉，都可以留意呢隻罕盤：搭華航來回雅加達HK$1,342起（連稅HK$1,697起）、泗水HK$1,509起（連稅HK$2,089起），啱哂想去細探印尼古文化嘅您。其中小小編推介飛泗水轉火車去日惹睇世界文化遺產：普蘭巴南同景點婆羅浮屠。另外，如果呢張飛用嚟送印傭姐姐返屋企，只要喺香港機場出示出示有效工作證明及僱傭合約正本，可額外增加免費托運行李至15kg。出發日期由依家至7月12日、8月24日至9月25日、10月7日至10月31日，機票有效期為1個月，最後訂飛日期為8月31日，Check過系統，暑假頭仲有少量平飛，啱就上官網買。

網址：www.china-airlines.com

（覺得抵可用Whatsapp同LINE Share俾朋友架）

罕平印印盤！中華航空來回雅加達$1,342、泗水$1,509起，10月31日前出發

大家可以買新加坡平飛（國泰、新航），再用虎航呢隻逢星期四新加坡出發嘅閃光優惠，自制一雞兩味，玩埋其他東南亞地方；當然新加坡粉絲亦啱用啦，單程連稅計：胡志明市SGD39起（約HK$223起）、曼谷/泗水SGD49起（約HK$281起）、馬爾代夫SGD89起（約HK$510起），至於其他航點可上官網瀏覽。出發日期由7月8日至8月12日（各航點之出發日期各有不同，詳情請睇官網）。當中首推馬爾代夫線，連計香港來回新加坡，全部合計HK$2,576起，就可以去到人間天堂，抵玩！各城市優惠數量有限，以上價格不包行李寄艙及飛機餐，最後訂票日期為7月3日07:59，上官網買。

網址：www.tigerair.com

（覺得抵可用Whatsapp同LINE Share俾朋友架）

自制一雞兩味！新加坡單程飛胡志明市$223、曼谷/泗水$281、馬爾代夫$510起，8月12日前出發

小小編屋企雖然冇印嫞幫手，但有時都會諗吓佢哋家鄉係點嘅呢？今次呢隻盤就可以《尋找家鄉的故事》喇。中華航空推出印尼優惠：來回雅加達HK$1,342起（連稅HK$1,693起）、泗水HK$1,509起（連稅HK$2,148起），呢口價當然啱印傭姐姐返屋企用啦，因為只要喺香港機場出示出示有效工作證明及僱傭合約正本，可額外增加免費托運行李至15kg。出發日期由依家至4月2日、4月8日至7月12日、8月24日至9月25日、10月7日至10月31日，機票有效期為1個月，啱就上官網買。

網址：www.china-airlines.com

（覺得抵可用Whatsapp同LINE Share俾朋友架）

陪印嫞返屋企？中華航空來回雅加達$1,342、泗水$1,509起，10月31日前出發

各位全日制學位及副學位朋友（院校名單請睇官網），國泰港龍學生優惠返嚟喇！今次推出52個短途同美加優惠航點（不過真筍嘅唔多，要小心揀），只要您學生證有效期年份係2015年或以後（即係31/12/2014前不適用）就可以買，每人只限1張（Check-in時必須Show有效學生證，否則冇得上機）。價錢方面，來回台灣HK$850起，連稅HK$1,392起；大陸各線HK$850起，連稅HK$1,430起；東南亞各地HK$1,050起，連稅HK$1,667起；日韓方面HK$1,450起，連稅計：福岡HK$1,981起／沖繩HK$1,983起／名古屋HK$2,091起／東京成田HK$2,094起／東京羽田HK$$2,098起／首爾HK$2,121起／大阪HK$2,124起／札幌HK$2,585起；美加方面HK$3,990起，連稅計：溫哥華HK$5,950起／洛杉磯或紐約HK$6,114起。以上各價，短途以仰光同日韓各線最吸引（尤其係札幌，呢口價比正常價平足一半），長途就首選紐約。機票有效期長達21日，比一般平飛7日多！仲可以儲25% Asia Miles（如果新登記「亞洲萬里通」仲額外送500Miles）！提提您，美加航線出發日期由12月10日至2015年3月31日、其他航線則為12月10日至2015年1月15日。旺季期間冇平飛，啱就早買早玩。最後訂票日期為12月31日。

網址：www.cathaypacific-campaign.com

（覺得抵可用Whatsapp同LINE Share俾朋友架）

大專生福音！國泰港龍大陸台灣來回$850、東南亞$1,050、日韓$1,450、美加$3,990起，12月31日前截飛

虎航今日起推出買去程送回程優惠，香港來回新加坡連稅HK$862起，直航印尼峇里島及泗水來回連稅HK$1,465起，雅加達HK$1,386起，其實都幾抵，不過如果學識貨幣轉換大法用印尼盾結算，可以再額外平一百幾至三百幾（大約打75折）。轉完之後，新加坡來回連稅HK$735起，峇里島及泗水來回連稅HK$1,104起，雅加達來回連稅HK$1,045起，極度吸引（尤其係峇里島，來回都係直航呀！傳統航空公司貴兩三倍有多）！想學識貨幣轉換大法？步驟如下（適用於任何虎航目的地）：

Step 1：開啟IE或Chrome瀏覽器（Firefox唔Work）

Step 2：先開一個Tab，去虎航官網搜尋您想去嘅任何地方（例如香港<->峇里島），揀選來回航班後就要停一停，唔好再按任何鍵

Step 3：喺瀏覽器上開另一個Tab，再去虎航官網搜尋機票，今次必須揀印尼出發（任何城市都得），目的地任何城市都得，來回日期又係任何日子都得，出咗搜尋結果後，唔好按任何鍵

Step 4：去番Step 1嘅Tab，剔選”同意條款”及按Continue鍵，系統會自動改用印尼盾報價，價錢大約為港幣結算之75折，想知港幣係幾多，可以喺Price Details下Click “Currency Converter”計一計。之後繼續如常填寫個人資料同俾錢就得（若然買行李寄艙同飛機餐，亦可一併用印尼盾結算，又慳番筆）。請留意信用卡公司會收取海外簽賬手續費，一般約1%-2%左右

大法就係咁簡單！唔明歡迎發問！

今次劈價之出發日期：01/01/2014 – 31/03/2014（新加坡）；16/12/2013 – 30/09/2014（峇里島）；17/12/2013 – 30/09/2014（泗水）；26/11/2013 – 30/09/2014（雅加達）

最後出票日期：04/12/2013

網址：www.tigerair.com

（覺得抵請記得按Like同Share俾朋友）