HK Express嘅每週例牌菜又嚟啦！今晚00:00又見面！今次唔玩起雙飛，1人去都得，不過航點選擇就縮咗水：單程每人HK$120起，來回連稅計：台中HK$587起、布吉HK$679起、昆明／寧波HK$728起、峴港HK$769起、清邁HK$799起、釜山HK$1,074起、首爾HK$1,116起、東京羽田／名古屋HK$1,290起，冇大阪冇福岡。出發日期為4月10日至7月10日，由於已經賣過N次，供應量唔會多，又睇下今晚點樣樣？以上價格不包行李寄艙及飛機餐，一陣00:00上官網F5狂Search啦！最後訂票日期為3月12日。

提提您：聽日仲有新航點開賣：濟州，價錢未知，據聞唔會太平喎～唔平咪忍下手囉～

寄艙行李費用：

台中、清邁、昆明：
20kg 每程$150，25kg 每程$200，30kg 每程$250
東京羽田、名古屋、首爾、釡山、濟州、布吉：
20kg 每程$200，25kg 每程$250，30kg 每程$300

HK Express網址：book.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵可用Whatsapp同LINE Share俾朋友架）

HK Express今晚00:00又開倉，香港單程飛台灣東南亞$120、韓國$320、日本$420起，7月10日前出發

暑假歐洲機票勁貴，呢隻泰航盤，講真就唔平，但勝在可以喺暑假尾出發，又可以OpenJaw，回程仲可以免費中停曼谷Relax下，做個Spa + 飲下冬陰公充電先返香港，要留意須2人同行：出發日期由即日至4月1日、4月7日至7月9日、8月21日至10月31日，來回淨機票HK$4,970起，連稅計：馬德里HK$7,820起、布魯塞爾HK$7,832起、米蘭HK$7,833起、蘇黎世HK$7,878、羅馬HK$7,912、巴黎HK$8,061起、慕尼黑HK$8,186起、法蘭克福HK$8,324起、倫敦HK$8,933起。可試8月23日出發，8月31日返，先玩西班牙蕃茄節，又可以就到歐洲季尾大減價，加上泰航優質服務，雖然貴，但暑假飛囉！機票有效期21日，最後訂票日期至4月30日，啱就上官網買。

網址：www.thaiairways.com

（覺得抵可用Whatsapp同LINE Share俾朋友架）

暑假尾，泰歐兩味！泰航2人同行飛歐洲$4,970起，10月31日前出發

拎利是錢去旅行？曼谷啦！港航呢隻盤，仲抵過坐廉航：來回淨機票HK$730起（連稅HK$1,181），比AirAsia貴HK$100左右，但港航包晒行李寄艙同飛機餐，只要唔介意搭夜機去（去程限搭HX767 00:50 / 02:35或HX773 23:15 / 01:10），呢口價可算超平，因為回程航班冇限制，大可以嚟過Weekend Trip，週四／五晚放工去，週日晚返。出發日期由4月8日至6月30日，Check過系統，5.1勞動節冇，但佛誕假期有（5月22日去25日返，一日假都唔駛請），泰國潑水節都有（4月10日去15日返）。機票有效期7日，上番官網買。

網址：www.hongkongairlines.com

（覺得抵可用Whatsapp同LINE Share俾朋友架）

抵過廉航！潑水節佛誕都有！香港航空來回曼谷$730起，6月30日前出發

斯航除咗飛馬爾代夫有平，曼谷嘅Last Minute超平盤仲吸引！！！出發日期由1月22日至1月26日，來回淨機票HK$545起，連稅HK$1,091起，又一口價傳統航空平過廉航，加上包埋30kg寄艙行李，仲唔快啲send e-mail 攞假？Check過系統，供應量足，但斯里蘭卡航空唔係每日都有航班，機票有效期為7日，最後訂票日期為1月22日，可以上ZUJI訂。

網址：www.zuji.com.hk

（覺得抵請記得按Like同Share俾朋友）

勁平！即買即飛！斯里蘭卡航空來回曼谷$545起，1月26日前出發

斯里蘭卡航空推出一隻限時劈，無論經濟或商務都打75折，不過咁多個地點中，始終都係曼谷最平：來回淨機票HK$1,020起，連稅HK$1,594起；商務客位來回HK$3,300起，連稅HK$3,874起，出發日期為2015年4月1日至6月30日。Check過系統，如果想復活節期間出遊，經濟位呢口價只可揀到4月4日去4月9日返，要請2日假；商務位呢口價可以揀4月2日去4月9日返，由於4月2日係下午6:15機離開香港，換言之只係多請半日假（前後共2.5日），以呢口價豪遊曼谷過復活節，仍然有睇頭。斯航有樣好，機票有效期長達2個月，絕非一般7日平飛。最後出票日期為12月9日晚上11:59，啱可以上番官網買。

網址：www.srilankan.com

（覺得抵可用Whatsapp同LINE Share俾朋友架）

斯里蘭卡航空限時75折，來回曼谷$1,020起，2015年4至6月出發，復活節前後出發有

直飛蘇梅島極少有平貨，尤其係旺季啦（指11月下旬至明年3月初，天氣晴朗）！不過今次曼谷航空嚟個罕劈，值得飛身撲飛：出發日期為11月1日至12月16日、2015年1月1日至2月11日、2月22日至3月31日，來回淨機票HK$1,950起，連稅HK$2,597起，不過係3日票，唔建議買（咁少，點夠喉），建議加HK$450，可以逗留長達7日，來回連稅亦只係HK$3,047，由於蘇梅直飛只有曼谷航空，加上旺季，呢口價冇得輸！有心去就快手訂。最後出票日期為10月10日，官網有售。

網址：www.bangkokair.com

（覺得抵可用Whatsapp同LINE Share俾朋友架）

罕割！曼谷航空旺季直飛蘇梅島來回$1,950起，11月1日至3月31日出發

斯里蘭卡航空為慶祝成立35周年，推出限時全線經濟艙85折、商務艙6折劈。出發日期由10月15日至12月10日：香港來回曼谷經濟艙淨機票HK$1,070起，連稅HK$1,743起，如果坐商務艙淨機票HK$2,860起，連稅HK$3,533起，以上嘅價位，以商務艙相對吸引，由於斯里蘭卡航空屬於寰宇一家成員，所以坐商務艙可用國泰嘅貴賓室，想試下坐商務艙嘅您，都諗得過。Check過系統，供應量足，但斯里蘭卡航空唔係每日都有航班，想去要就就出發日子喇，啱就上官網訂啦。

航班時間（逢週一、四、六）：

香港飛曼谷：UL423 18:15/20:10
曼谷飛香港：UL422 13:20/17:10

網址：www.srilankan.com

（覺得抵可用Whatsapp同LINE Share俾朋友架）

斯里蘭卡航空35周年劈，飛曼谷坐經濟艙來回連稅$1,743起、商務艙$3,533起

AirAsia剛於00:00推出Big Sales，全線都劈！以香港出發為例：泰國清邁HK$826起（來回連稅計，下同），曼谷HK$866起，布吉HK$1,226起；馬來西亞沙巴HK$976起，吉隆坡HK$984起。澳門出發都有：馬來西亞吉隆坡MOP994起，泰國曼谷MOP856起，清邁MOP896，出發日期為2015年3月1日至10月24日，全部來回連稅唔過HK$1,000，雖然係超遠期期貨，仍然有睇頭（尤其係澳門出發去泰國，八舊水唔駛多諗）。至於馬來西亞內陸線，吉隆坡來回浮羅交怡/檳城/古晉/新山/丁加奴等地都有HK$0淨機票，泰國內陸線單程淨機票亦只係HK$48起，想玩埋其他城市者可順道入手。以上價格不包行李寄艙及飛機餐，最後出票日期為8月31日。

提提您：依家剛開倉，佢Server應該忙爆，如果冇信心同人搶，不如等到零晨3點至早上8點前先去買，因為呢段時間人流已散，而前段有啲機票可能俾人揀咗但冇俾到錢，最終放番出嚟賣，您夜啲先去大有機會執死雞，祝大家好運！

網址：www.airasia.com

（覺得抵可用Whatsapp同LINE Share俾朋友架）

即搶！AirAsia全線Big Sales！來回連稅清邁$824，曼谷$844，布吉$1,277，沙巴$979，吉隆坡$987起，2015年3至10月出發