AirAsia每逢週五都會推出”Fabulous Fly-day”優惠，將Last Minute出發嘅機票限時劈出。我哋「又飛啦！」都曾經介紹過下，不過見佢好耐都冇飛香港／澳門優惠，所以先無提。點知今個禮拜嘅Fabulous Fly-day竟然見到香港／澳門優惠！1/6 – 30/6出發，曼谷飛香港單程連稅HK$672（THB 2,690），依家官網平均賣緊HK$1,125（THB4,500），回程平五舊！吉隆坡單程飛澳門連稅HK$473，依家官網就賣緊HK$648 – 798（MYR 259 – 319），都平二百幾。不過去程究竟有冇得平？估計就冇，不如一陣11am上官網望一望，放心！人流一定比開倉少得多，可以慢慢揀，不過記住截止時間為同日4pm，睇啱就爽手喇！

網址：www.airasia.com

（記得按下面「讚好」Share俾Facebook朋友）

一連兩晚同大家介紹港龍／國泰缺口飛（Open Jaw）筍盤，今次輪到泰國！依家淡季國泰來回曼谷做緊特價HK$1,950（未連稅，下同），而同系嘅港龍，布吉來回最平係HK$2,520。蝦！如果布吉入／曼谷出，又或者曼谷入／布吉出，機票只係HK$2,230！港龍布吉機票不嬲唔平（因為航班時間唔錯，早機去呀，唔似AirAsia要夜機），咁樣改一改，既可平幾舊，又可以玩晒兩地唔駛走回頭路，正喎！出發日期同馬來西亞一樣，去到12/7為止。

網址：www.cathaypacific.com

（記得按下面「讚好」Share俾Facebook朋友）

要知道，全年最貴嘅機票就係暑假，其中以8月為甚，基本上乜航空公司都會加價，不過Check過系統，原來仲有筍盤！而且仲係曼谷添（諗起都開心）！揀乘皇家約旦航空，來回淨機票依然賣緊$1,130，連稅就HK$2,053（唔知點解，佢啲稅及油附貴過人），呢個價仲抵過AirAsia（暑假8月佢來回連稅HK$2K左右，但冇行李寄艙及飛機餐），趁依家冇乜人知，快手訂咗先！不過提一提你，皇家約旦航空每星期只有二／四／六／日有機來回，去程開夜機RJ183（21:35/23:25），回程開下午機RJ182（16:15/20:05）都好呀！週四放工去，週日晚上返，只請一日假！

網址：www.rj.com

（記得按下面「讚好」Share俾Facebook朋友）

真係俾我哋講中！20/4我哋「又飛啦！」先話港航隻曼谷5至6月$990筍盤有機會Encore，點知真係！上佢官網一Check，5/6月好多日數仲有飛賣。以價論價，$990來回（連稅HK$1,784）的確係呢一兩個月平飛曼谷首選（連AirAsia／巴基爛坦都唔夠佢嚟），不過如果港航Delay問題一日唔改善，香港旅客唔Buy你囉。趁呢排天氣好轉，快快手搞番掂航班問題，等各位Fans繼續捧你場嘛！

留意位：

1. 出發日期：3/5 – 19/6

2. 機票有效期：2 – 7日

網址：www.hongkongairlines.com

（記得按下面「讚好」Share俾Facebook朋友）

呢幾日平機票可謂一浪接一浪，今日又醒隻超筍盤俾你：1/5 – 29/6飛曼谷，2人同行搭泰航每人只需HK$1,095（連稅就HK$1,889），機票有效期7日，呢口價同AirAsia差唔多喎！起碼泰航包你行李寄艙同埋飛機餐吖！唔怪得AirAsia近日都力谷曼谷線。航班選擇方面，呢隻Fare去程要揀夜機：TG639 19:05/20:45或TG607 20:45/22:25，回程就喺TG628 10:45/14:30或TG638 13:55/17:40之間揀，啱晒我哋呢啲Weekend Travelers。Check過系統，5月中後期比較多位，5月中就冇乜，去邊度訂？Zuji！

網址：www.zuji.com.hk

（記得按下面「讚好」Share俾Facebook朋友）

二月中我哋「又飛啦！」已經同大家講過，泰航旗下新廉航泰國微笑航空（Thai Smile）將會於今年7/7起開業，頭炮國際航線將會係曼谷<->澳門，依家佢終於訂出首航價：HK$1,052（官網標澳門幣MOP1,084），連稅就HK$1,664（MOP1,714），機票有效期長達21日，呢口價仲可以去到年底添（當然聖誕節冇啦），加上每人有20kg免費行李寄艙，唔同AirAsia要俾錢先有，真係極具競爭力！官網已經開放訂購。泰國微笑航空每日有兩班機對開，澳門飛曼谷分別為TG751（12:15/14:00）及TG753（21:15/2300），回程為TG750（07:45/11:30）及TG752（16:40/20:25），時間唔錯！

網址：www.thaismileair.com

（記得按下面「讚好」Share俾Facebook朋友）

每逢寫曼谷優惠，都大把人Like，呢次應該唔例外！呢兩日講咗幾隻港航嘅早餐盤，點可以漏咗曼谷呢？3/5至20/6出發，來回HK$990，連稅就HK$1,784，係就貴過AirAsia少少，但拍埋其他傳統航空公司，呢期一定係佢最平鳥！況且佢包免費行李寄艙及飛機餐嘛！計埋相信同AirAsia差唔多。去程日間可揀HX775 12:35/14:05，回程揀下午HX776 15:05/19:15，頭尾兩日都算有得玩吖！再揀番平平二三百蚊酒店仔，玩過Weekend都係二千鬆少少，留番啲錢去Shopping/Spa/食食食都好呀！呢隻優惠去到今日就截止（蝦，依家都仲有咁多位剩，唔知會唔會Encore呢），快手啦各位！

留意位：

1. 最後出票日期：20/4

2. 出發日期：3/5 – 20/6

3. 機票有效期：2 – 7日

網址：www.hongkongairlines.com

（記得按下面「讚好」Share俾Facebook朋友）

講到曼谷最新人氣酒店，除咗Terminal 21嘅Grand Centre Point外，就梗係位於Lumpini MRT站出口對面嘅Sofitel So Bangkok啦！淨係睇佢外型就知有幾爆。呢間房上網淨買每日連稅都要HK$1,260，依家跟國泰出Package就非常抵，4日3夜連機票只需HK$2,540（未連機票稅），拆番開，張GV2機票咪只賣HK$650（HK$2,540 – HK$1,260/2 x 3 ）？呢間五星嚟喎！仲要全新添！咁So當然有限制：去程限搭CX755（09:15/10:40），回程限搭CX754（11:50/15:50），想任搭又或者暑假打後先出發，每位加多HK$600就掂。暑假喎！好抵啦下話！

留意位：

1. 出發日期：1/4 – 29/10

2. 指定航班：香港至曼谷CX755（1/7 – 29/10除外）；曼谷至香港CX754（1/7 – 29/10除外）

3. 機票有效期：2 – 7日

網址：www.cxholidays.com

（記得按下面「讚好」Share俾Facebook朋友）