呢排連講幾單長途優惠，今次又講番人人都Like嘅泰國嘞！先講第一單堅爆猛料！泰航剛推出淡季2人同行曼谷及布吉平飛，出發日期去到31/3。先講曼谷，劈到HK$1,095一張（連稅就HK$1,823），要搭指定航班，日日都得，去程TG639（19:05/20:45）或TG607（20:45/22:25），回程就要搭TG628（10:45/14:30）或TG638/652（13:55/17:40）。至於布吉就HK$1,937（連稅HK$2,665）一張，去程坐TG638（09:05/11:40），回程坐TG638/608（14:45/19:15），時間超靚！不過只限週一至週四出發。Check過Zuji，曼谷方面如果想偷埋清明及復活節，31/3（週六）出發依家仲劑番7/4（週六）返，都叫住玩盡呢張機票有效期（0-7日），至於2月3月其他日子仲有好多選擇；至於布吉，3月尾就冇乜劑，其他嘅呢一刻都仲有，不過泰航喎！仲要直航添！靚時間應該好快賣晒。

網址：www.zuji.com.hk（曼谷）／　www.zuji.com.hk（布吉）

（記得按下面「讚好」Share俾Facebook朋友）

之前我哋都提過，農曆新年去曼谷，散飛冇筍盤鳥！唯有跟套票啦！東瀛遊有一隻5日4夜套票，指定喺年三十晚22/1出發，年初四26/1回程，只需請1日假就得，去程坐泰航TG629 15:00/16:45，回程TG652 14:00/17:45，時間尚可，最緊要係價錢唔貴喎！話晒坐泰航吖！住宿方面，HK$3,399（未連稅，下同）係住All Season Victory Momument，其他嘅仲有Grande Centre Point（HK$4,039）、VIE Hotel Bangkok-M Gallery（HK$4,339）、 Holiday Inn Bangkok（HK$4,259，連續住3晚仲送1晚2人自助晚餐！）、Pullman Bangkok King Power（HK$4,339），可即時上網訂購及確認。

網址：www.egltours.com

（記得按下面「讚好」Share俾Facebook朋友）

似乎大家都OK番曼谷喎！何解？記得水浸個陣我哋寫咗隻曼谷筍盤，竟然冇人按Facebook Like！之後就唔敢再報囉！點知尋晚報咗SunTravel新哥嗰隻曼谷超平Package後，幾粒鐘已經有14個Like囉～～～幾好呀！大家咁鐘意泰國，好！整多隻超筍優惠俾你哋！泰航有一隻2人同行機票優惠，飛曼谷只係HK$1,306咋！平過晒一眾對手！我相信如果唔係水浸事件，泰航都唔捨得賣得咁平，珍惜機會喇！

留意位：

1. 最後出票日期：15/12

2. 最後出發日期：15/12

3. 機票有效期：14日

網址：www.zuji.com.hk

（記得按下面「讚好」Share俾Facebook朋友）

上月尾我哋介紹過一隻聖誕曼谷3日Package俾大家，唔夠喉？想玩晒成個聖誕？得！今次介紹一隻由通濟隆香港推出嘅泰國5日4夜Package（必須玩5日4夜，不設Stay Behind），指定要喺23/12或24/12出發，坐泰航，最平住Baiyoke Suite只需HK$3,999（未連稅，下同），仲送你曼谷機場及酒店私家車來回接送，以及BTS 1日Day Pass（數量有限送完即止），以聖誕節嚟講真係好抵！想住好少少，其他4星級酒店都做四千幾左右。呢個Package推出咗近一星期，想要就快手訂，皆因泰航聖誕團飛好易爆。

留意位：

1. 來回航班時間：23/12 去TG601 12:45/14:30，27/12返TG606 16:00/19:45；24/12去TG603 07:40/09:35，28/12返TG606 16:00/19:45

2. 必須2人同行，同去同返，不設延期

網址：www.travelextravel.com.hk

（記得按下面「讚好」Share俾Facebook朋友）

尋日，我哋先話國泰嘅曼谷HK$1,090超平機票，Weekend平機票好快就冇晒！嬲嬲嬲，點知原來網上旅行社Webjet做緊另一套同類優惠！搭泰航來回曼谷都係HK$1,090咋（連稅HK$1,785）！不過有限制同搭指定航班，去程一定要週五坐TG607（20:45/22:25），回程一定要週一坐TG652（13:55/17:40），咦？完全符合我哋「又飛啦」精神喎！星期五放工出機場，星期一返，請一日假就有4日3夜假期，呢口價，筍爆！留意優惠只限10月同11月出發，Check過系統，仲有飛賣，速訂！今日就拿拿臨Forward俾Facebook老友，MBK？Siam Paragon？我哋又飛啦！

網址：www.webjet.com.hk

（記得按下面「讚好」Share俾Facebook朋友）

Facebook網友Kong Bonnie問布吉島有冇平Package。Check番自己寫嘅Blog，咦？竟然從來冇提過布吉島？咁即刻幫大家做Research，搵到以下超級筍盤！

Noble Vacation有一隻「一口價」5日Package，由1/9到31/10（To Bonnie：有冇諗過遲幾日出發？平好多喎！），搭泰航直航來回（去程TG609 09:00/11:20；回程TG638 14:45/19:25），早去晚返，最平住Kata Beach嘅Sugar Palm Resort都只係HK$3,740，仲要連埋稅（約HK$736），即係三千頭玩5日仲坐泰航直航！吸引卦？仲筍嘅係呢口價已包埋來回酒店機場接送，酒店早餐梗係唔少得；而呢間旅行社仲同當地「布吉狂熱」合作，送現金券俾你平啲參加「布吉狂熱」Local Tour，而「布吉狂熱」嘅負責人正係旅居香港人多年嘅「Man哥」，大家同聲同氣，點都玩得開心啲（佢網上好多Fans）！

至於酒店選擇，個人心水係The Kee Resort & Spa 同埋 Courtyard by Marriot，皆因兩間都位於全島最旺嘅Patong Beach。你知啦！布吉島車費勁貴，Patong Beach飲飲食食買嘢按摩乜都齊，如非必要都冇奶油搭車走嚟走去。

網址：www.noblevacation.com

（記得按下面「讚好」Share俾Facebook朋友）

前幾日我介紹過，9月飛曼谷想坐泰航，跟Package出張機票可以平到HK$1,300左右，如果想自由度大啲，自己訂酒店（尤其曼谷大把又新又靚嘅Service Appartment，自己上網直接訂仲抵過跟Package），獨立買泰航機票原來只係貴少少。泰航由26/8到30/9推出兩種特價飛去曼谷。如果1人成行，張機票喺官網最平可以賣HK$1,660俾你（連稅HK$2,396 ），如果二人同行，去Priceline訂仲平多一舊水，每人只係HK$1,530（連稅HK$2,299）。

泰航網址：www.thaiairways.com

Priceline網址：www.priceline.com.hk

（記得按下面「讚好」Share俾Facebook朋友）

之前講過國泰9月去曼谷機票可以平到HK$1,300，原來泰航都得，不過一樣要跟套票。

拉手網最近幫H.M.C 集客隆做團購，4日3夜坐泰航，入住5星泰國曼谷Banyan Tree 悅榕莊渡假酒店連早餐只係HK$2,952（連稅就HK$3,751），仲送埋2位Sun Set drink @ Moon Bar（61樓戶外酒吧）。由於間房出面賣緊每晚HK$1,250，除番開即係張機票賣HK$1,300俾你。由於機票係團體飛，時間往返已定，去程要搭TG601 （12:45/14:25）回程搭TG606 （16:00/19:45），時間可以接受。

留意位：

1. 出發日期：1/9至27/9（10/9出發附加費每位HK$400）

2. 須於出發前10天致電或電郵旅行社預約，由即日起開始接受預約，首日入住日為1/9，最後入住日為27/9

3. 必須二人同行

網址：hk.lashou.com

（記得按下面「讚好」Share俾Facebook朋友）