X
見國泰劈悉尼線咁合皮，澳航梗同你鍊過！一樣價錢（HK$3,390，連稅HK$6,329），一樣銷售期限（到1/9 23:59止），一樣出發日期（1/10 – 9/11），但有兩樣唔同：1. 可以賺番澳航里數（不過唔可以賺Asia Miles，因為佢隻係N Class Code，AM唔計），2. 機票有效期長達1年，國泰就14日，嘩！差咁多，澳航仲唔贏？Check過系統，供應量都幾充足，就算去到Last個日（9/11）去，回程最遲28/11都仲有呢口價，個陣天氣會再暖啲，更OK啦！
（記得按下面「讚好」Share俾Facebook朋友）
20/4，我哋「又飛啦！」報導過淡季2人同行飛澳洲，國泰HK$3,660 vs 澳航HK$3,420（未連稅，下同），當時話最後出票日係30/4。點知依家優惠再Encore，個價仲比上次更平添！由1/8至30/11，澳航飛墨爾本／悉尼／阿德萊德／布里斯班／開恩茲由HK$3,420減到HK$3,100起（未連稅，下同），國泰飛墨爾本／悉尼／阿德萊德／布里斯班／開恩茲同樣每位HK$3,630，平HK$30囉！本來兩家爭HK$200，依家距離再度拉開，揀邊間？同上次一樣：睇你心水喇！上真旅網訂啦！
（記得按下面「讚好」Share俾Facebook朋友）
依家去澳洲？凍喎！你唔怕（或者有探親需要）一定要去？咁就要留意澳航筍盤喇！飛珀斯HK$3,090，飛墨爾本／凱恩斯／布里斯班／悉尼／阿德萊德就HK$3,990，出發日期由依家到31/10（13/7 – 31/7除外），都叫住暑假筍盤！銷售日期至19/6。當然講平梗係東航啦！不過澳航係直航，始終有Fans捧場。提提你，悉尼線逢週四至日如果揀QF128及QF127，可以搭佢最新嘅A380架！
（記得按下面「讚好」Share俾Facebook朋友）
澳洲入秋，筍盤出籠！繼維珍推出2人同行HK$3,420優惠外，對手國泰同澳航亦唔執輸，分別推出2人同行優惠，地點唔止悉尼。先講國泰，飛墨爾本／悉尼／阿德萊德／布里斯班／開恩茲同樣每位HK$3,660（未連稅，下同），澳航方面，同樣飛墨爾本／悉尼／阿德萊德／布里斯班／開恩茲就HK$3,420，仲有包括轉機往新西蘭嘅基督城／奧克蘭同埋威靈頓，兩間航空價錢差HK240，出發日期兩間又一樣，只係澳航嘅機票有效期多1個月（即2個月，國泰就1個月），兼且可以賺里數，鐘意邊間，你話事啦！
留意位：
1. 最後訂票日期：30/4
2. 出發日期：即日至12/7；1/8 – 30/11
3. 機票有效期：0 – 1個月
網址：www.cathaypacific.com（國泰）／ www.qantas.com.au（澳航）
（記得按下面「讚好」Share俾Facebook朋友）
3月倫敦天氣仲係凍凍哋，所以咪仲有平機票囉！澳航做緊Last Minute Promotion，只要16/3前出飛，喺24/3前出發嘅來回機票只需HK$3,530，不過Check過系統，呢個價只賣淨3月中來回，3月尾出發就冇鳥，個啲來回升番上HK$5,730左右。由於每個來回組合定價都唔同，想知邊對來回日仲有HK$3,530呢口價，自己上官網慢慢Search吧！
（記得按下面「讚好」Share俾Facebook朋友）
澳航呢排真係多事故，之前又話員工罷工，26/8喺香港機場又有一位醉漢喺機上鬧事打傷空中服務員，點知尋日又多一單。
尋日下午17:20，一架由倫敦飛香港嘅波音747 QF30航機抵港。當飛機喺轉飛澳洲墨爾本前90分鐘做例行檢查時，工程人員發現機翼阻力板壞咗。由於未能及時搶修，341位轉機客被迫滯留本港。
由於尋日好多酒店都Full House，航空公司搵極都冇房，最後只好安排有小朋友嘅客去機場貴賓室休息，而其他乘客就要瞓機場，公司有派發毛毯同餐券。到週四早上仲未搞掂，航空公司決定將原本飛去倫敦嘅QF29改飛墨爾本，呢班滯留客最後於8點離港。至於原本QF29嘅客，就被轉去同系國泰嘅CX257同CX253（唔知呢班客又有乜嘢賠呢？我明明睇陳奕迅你迫我睇林峰……）。
消息來源：www.smh.com.au
（記得按下面「讚好」Share俾Facebook朋友）
X