23/2，我哋「又飛啦！」先報過澳航有隻珀斯Goodbye劈，2人同行每位HK$2,120，點知仲有更激！澳航剛推出另一隻超筍盤：香港直飛布里斯本（去程搭QF98（22:50/09:45），回程搭QF97（11:15/18:00））來回淨機票HK$1,990，連稅HK$4,792，1人飛都得，仲平過今期國泰Fanfares：雖然國泰又係HK$1,990，但須指定日子來回，而澳航就任你揀，只要您喺4/3出發24/3前返香港就得，最長有20日有效期，非常適合想玩埋其他澳洲城市嘅旅人選購。呢隻超激筍盤官網冇得賣，上Zuji睇睇，Check過系統，呢一刻供應量充足！順帶一提：由6/5開始，呢條航線會由每週四班增至每週五班（逢一／二／四／六／日），到24/6起會再增至每日一班，用A330-300飛機執飛。

網址：www.zuji.com.hk

（記得按下面「讚好」Share俾Facebook朋友）

澳航將於31/3起取消香港<->珀斯航線，為答謝大家，特別喺最後階段嚟個終極一劈！由依家到29/3前直飛珀斯，2人同行每位HK$2,120，連稅HK$4,774，呢口價直迫國泰fanfares水平，但澳航可以俾您任揀來回日期，加上機票有效日期可以去到29/3，仲唔係超極品壓軸劈？有心去者，Last Chance啦！記住您必須喺29/3前完成行程，最後出票日期為22/3，只有直航先有呢個價。官網冇得賣，上ZUJI啦！

網址：www.zuji.com.hk

（記得按下面「讚好」Share俾Facebook朋友）

澳洲已經踏入夏季尾聲，漸入秋天，平機票又走番出嚟！澳航全新推出淡季優惠：2人同行飛澳洲凱恩斯／墨爾本／布里斯班／悉尼／阿德萊德淨機票每人一律HK$4,020起，連稅計，凱恩斯HK$6,959起，墨爾本HK$6,656起，布里斯班HK$6,853起，悉尼HK$6,812起，阿德萊德HK$6,936起，出發日期為20/2 – 27/3；1/4 – 3/7；4/8 – 30/11。依家去澳洲，雖然唔係旅遊季節，但當地咁多香港移民，不如趁香港放暑假期間回澳探親。機票有效期為3個月，最後出票日期為13/3。

網址：www.qantas.com.au

參考圖輯：「又飛啦！」親身直撃：澳洲航空A330-300之旅

（記得按下面「讚好」Share俾Facebook朋友）

虎航剛推出超遠期貨：買指定地點機票（都係來往新加坡航線），買去程送回程（當然回程嘅附加費同機場稅要照俾），出發日期各目的地不同，就以香港直航新加坡為例，出發日期為1/9 – 25/10（超遠期貨），如果揀到回程免費嘅航班（因為唔係班班都有），來回連稅最平HK$1,046（已包括其網上手續費HK$114），係咪最平？唔係！但如果用嚟拼合其他航線就唔同喇！一嚟新加坡出發去唔少亞洲區航點都有送回程優惠，但最有賣點者，竟然係澳洲珀斯！因為咁啱珀斯喺九月份做特價，所以如果九月來回，兩個優惠一併使用，香港來回珀斯中停新加坡連稅只需HK$4,236起（已包括其網上手續費HK$228）。提提您：澳洲虎航內陸機同時做緊單程AUD$10優惠，用嚟轉飛其他澳洲城市非常有So！買去程送回程優惠去到21/2 23:59止，以上所有價格不包括行李寄艙同飛機餐。

網址：www.tigerairways.com

（記得按下面「讚好」Share俾Facebook朋友）

澳洲悉尼一年一度嘅大型活動：悉尼皇家「澳」妙嘉年華，將於今年21/3至3/4復活節舉行！未聽過？簡單啲講：一個比香港嘅嘉年華大好多倍嘅盛事（有三四十個足球場咁大架）！除咗大量機動遊戲，呢項盛事嘅精要之處，係會有好多動物同大家Happy！大人細路仔都啱，加上有嘢食、有嘢買、有大量精采表演，可以玩足成日。最正嘅係，依家只要購買維珍飛悉尼嘅產品，包括：

1. 維珍航空來回悉尼機票〔HK$4,090起未連稅〕或

2. 「精選套票」4日2夜自遊行 〔HK$4,699起未連稅〕或

（以上1及2產品嘅出發日期只限18/3至2/4）

3. 澳洲悉尼皇家「澳」妙嘉年華5天團〔HK$ 6,999起未連稅〕

（出發日期只限23/3至1/4）

您就可以免費換領悉尼皇家「澳」妙嘉年華入場券（價值AUD37.5，折合HK$300左右）。咦？三月尾四月頭咪係香港復活節假期？？？咁一於趁大節日飛去趁熱鬧喇！（請留意：如欲購買「精選套票」4日2夜自遊行，可致電維珍假期2870 8733，或可瀏覽維珍網站：http://www.virgin-atlantic.com/zh_tw/hk/specialoffers/royaleastershow.jsp　查詢購買機票／套票／旅行團嘅詳情。溫馨提示：必須透過各大旅行社購買先可獲得免費入場券）

唔講唔知，悉尼皇家「澳」妙嘉年華已經有 188 年歷史，以前係俾農民趁收割後大家出嚟聚一聚，之後愈來愈受民眾歡迎，不斷加入更多玩樂元素。今時今日，已成為南半球每年最大型嘅嘉年華，每年都會吸引超過九十萬人次入場。咁究竟悉尼皇家「澳」妙嘉年華有乜嘢玩呢？包括：

• 大隻猛男伐木技巧表演（女士們請尖叫）！
• 得獎澳洲家畜大哂冷：超過一萬四千隻農場動物牛、綿羊、馬、豬、山羊、狗、羊駝，以及其他澳洲本土動物齊齊登場，大鬧嘉年華
• 農莊動物育兒室：初生小動物等著您來呵護餵飼
• 極限娛樂體驗：刺激、驚險嘅電單車飛人同埋汽車特技表演
• 澳洲大型機動遊戲和遊藝活動，一家大細最Happy
• 三百多款場內限定嘅奇趣包：類似日本福袋，內含多種玩具、商品、糖果同零食等商品，總之俾您無窮驚喜！
• 晚上炫目璀璨嘅煙花匯演
• 享用澳洲地道美食、海鮮，同埋品嚐頂級紅酒

想知嘉年華詳情，可以去官網睇睇：www.eastershow.com.au

（記得按下面「讚好」Share俾Facebook朋友）

00:43 26/12 Update：〔AirAsia開倉實報〕吉隆坡平飛一如所料，集中喺新開航班上（去程AK1653 13:20/17:10，回程早機AK1652 08:55/12:45），供應量睇嚟唔少！曼谷線3月份大把平飛，來回連稅HK$1,226唔難搵喎～澳洲平飛12月中後就冇啦，想聖誕節去就唔駛搵喇～

新鮮滾熱辣！漏夜都同大家講AirAsia今晚零晨（26/11 00:00）劈價詳情：首先講AirAsia，出發日期一如所料：3/12/2012 – 31/3/2013，飛吉隆坡單程連稅HK$328起，來回連稅HK$537起（嘩！仲平過上星期做嘅來回HK$698？呢個價係咪要捱早機返呀？），曼谷單程連稅HK$708起，來回連稅HK$1,409起（一般平，唔算太特別，有需要者可以補飛），咁當然AirAsia飛馬來西亞／泰國／印尼短途內陸航線都有幾十蚊機票優惠啦～不過根據經驗，AirAsia嘅Last Minute平機票一向數量唔多，唔好抱太大期望先；反而較大期望嘅係AirAsia X！因為佢亦會同時首度開賣明年下半年超遠期貨：出發日期為1/6/2013 – 31/12/2013，香港經吉隆坡飛澳洲（柏斯／墨爾本／黃金海岸）去程連稅HK$1,665起，回程連稅AU$279起（HK$2,232起），來回連稅HK$3,897起，都算抵玩，有興趣者今晚00:00捕實AirAsia官網啦（澳門出發當然有平，曼谷來回連稅MOP1,000起，吉隆坡MOP1,045起）。提提您，搶飛想快人一步，可以去Chrome瀏覽器去呢個AirAsia網站：http://chrome.airasia.com，會較少出現Waiting Room。

AirAsia劈價詳情：http://www.airasia.com/hk/en/promotion/rr3351203.page

AirAsia X劈價詳情：http://www.airasia.com/hk/en/promotion/rx2770612.page

（記得按下面「讚好」Share俾Facebook朋友）

16/12 14:00 Update：漏洞已被封，Check過所有日子都話冇房

16/12 10:02 Update：

1. 漏洞房主要集中喺2013年1月-4月，逢週五及週六入住
2. 記得揀2成人入住，揀1成人入住，系統唔會Show呢個價
3. 如果揀Best Available Rate，連稅AUD$16（HK$128），不會即時扣數，入住前24小時Cancel或更改都得；揀Advance Purchase Rate，再打八折，連稅AUD$13.6（HK$108.8），不過冇得Cancel Booking及Refund
4. 訂完會好快收到Confirmation Email

酒店漏洞，又有一件！論震撼，呢單仲勁過上週六報嘅US$8住越南胡志明市4星酒店！澳洲墨爾本酒店一向唔平，冇HK$1,000樓上都難搵到像樣酒店，旺區更加唔止呢個數！位於Collins Street嘅連鎖廉價酒店集團Quality Hotel Batman’s Hill on Collins，位處旺區，著名嘅皇冠賭場（Crown）亦喺附近，平時入住一晚雙人房官網連稅都賣緊AUD$140（HK$1,120），竟然俾我哋「又飛啦！」發現佢官網逢週五及週六賣緊每間每晚連稅AUD$16，折合港幣HK$128！由於官網唔見有相關宣傳，減價幅度高達1折，估計又係酒店訂房系統出錯卦？咁大個漏洞，有需要就快啲訂啦！又咁啱網主農曆新年飛墨爾本，都有幸訂到AUD$16超平房！真係好大封新年利是！匆匆Check過系統，暫時搵到明年1-3月（旺季！）逢週五及六都有（至於其他日子週五／六有冇呢個價，請大家幫手齊齊Search，再報料俾各位Fans吖），仲要唔係每晚得1間半間AUD$16房，小弟連氣訂咗4間都仲有！不過必須要分開一間一間訂，您一次過訂4間房，佢唔會Show AUD$16呢個價架！

網址：http://www.choicehotels.com/ires/en-US/html/CancelSegments?hotel=AU408

（記得按下面「讚好」Share俾Facebook朋友）

維珍見英航本週推出倫敦淡季機票，一係唔還手，一出手就打孖劈！飛倫敦2人同行每位只需HK$3,380起，機票有效期60日，以直航嚟講呢個價絕對係超低位！如果1人成行就俾多$600，HK$3,980同英航同價，咁梗係揀服務一流嘅維珍啦！出發日期去到明年31/3；至於悉尼，2人同行每位一樣HK$3,380起，1人飛就HK$3,980起，出發日期去到明年30/6（部份日子不適用），基本上包含晒今年悉尼全個夏天旺季及秋天淡季，加上係1年有效期機票，呢個價堅抵！請留意：維珍呢次2人同行優惠必須致電維珍香港訂票部（電話：2532 6060）或各大旅行社出飛，網上只提供1人飛價錢，咪買錯呀！

留意位：

1. 最後出票日期：30/11/2012

2. 倫敦出發日期：即日起至31/3/2013

3. 悉尼出發日期：即日至20/12/2012、24/12/2012 – 5/2/2013、14/2/2013 – 27/3/2013、1/4/2013 – 30/6/2013

4. 飛倫敦連稅價：2人同行每位HK$7,129起，1人成行HK$7,769起（稅價會因匯率改變而變動）

5. 飛悉尼連稅價：2人同行每位HK$6,552起，1人成行HK$7,152起（稅價會因匯率改變而變動）

維珍飛倫敦優惠：http://www.virgin-atlantic.com/zh_tw/hk/specialoffers/londonspecialoffer1.jsp

維珍飛悉尼優惠：http://www.virgin-atlantic.com/zh_tw/hk/specialoffers/aussiesale.jsp

（記得按下面「讚好」Share俾Facebook朋友）