聽日中午12:00，酷航會開倉賣新加坡／珀斯／悉尼／黃金海岸早餐盤，出發日期由2015年3月29日至10月24日，來回連稅計：新加坡HK$723起，珀斯HK$2,380起（已包來回程Scoot-Thru轉機服務），悉尼 / 黃金海岸HK$2,808起，同上次劈價差唔多。新加坡呢口價都算平，至於想去澳洲可先睇年頭年尾時段，始終香港嘅暑假係澳洲冬天，吸引力較低。不過酷航勝在可以分開買單程，啱晒去Working Holiday／留學／探親朋友選購。如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由聽日中午12點至9月28日晚上11時59分。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 06:55-10:55
回程：TZ220 01:50–05:45

網址：www.flyscoot.com

（覺得抵可用Whatsapp同LINE Share俾朋友架）

酷航早餐盤，來回連稅新加坡$723，珀斯$2,380，悉尼黃金海岸$2,808起，聽日中午12點開劈

華航Lucky 7優惠去到第4週，今晚00:00開賣。今次賣澳洲悉尼及新西蘭基督城平貨：來回淨機票HK$2,777起，連稅計，悉尼HK$5,422起，基督城HK$4,862起，出發日期：悉尼9月22日至9月28日、10月3日至12月10日、1月10日至1月31日；基督城12月1日至10日、1月10至31日（逢週一／四／六）。以價論價，悉尼可以不理（轉機呢口價不如坐酷航），但基督城就唔同睇法，雖然除咗台北轉機外仲要中停悉尼，但來回連稅唔駛HK$5K，搭廉航都唔得呀！呢口價值得考慮。一如以往，加HK$9,000來回可坐商務艙，都建議大家加錢歎長途。機票有效期21日，不可中停台北，最後出票日期為9月24日。

網址：www.china-airlines.com

（覺得抵可用Whatsapp同LINE Share俾朋友架）

華航飛澳洲悉尼及新西蘭基督城$2,777起，加$9,000來回可坐商務艙，1月31日前出發

虎航呢幾日會推出新加坡出發超平限時機票（1日2轉，每逢早上9:30及下午3:30喺佢Facebook Page度公佈特價航點），今日就有新加坡飛珀斯單程機票，淨機票SGD 0.10（約HK$0.61），連稅SGD 51.3（約HK$334），雖然只係單程，但由於新加坡<->珀斯線捷星同酷航成日都有優惠，之後補飛都冇問題，出發日期12月1日至28日，只限800張，Check過系統，聖誕節附近日子出發都有！咁就值得快手搶啦！以上價格不包行李寄艙及飛機餐，最後出票時間係今晚香港時間8:00pm。

網址：www.tigerair.com

（覺得抵可用Whatsapp同LINE Share俾朋友架）

即搶！限時大劈！虎航新加坡往珀斯單程連稅$334，聖誕都有，今晚8點截飛

淡季平機票浪接浪，今早9:00，酷航會開倉賣新加坡／珀斯／悉尼／黃金海岸平機票，來回連稅計：新加坡HK$743，珀斯HK$2,690（已包來回程Scoot-Thru轉機服務），悉尼HK$3,016起，黃金海岸HK$3,032，同上次8月28日之劈差唔多。新加坡呢口價算平，澳洲11月前天氣未完全回暖，不過酷航勝在可以分開買單程，啱晒去Working Holiday／留學／探親朋友選購。如果轉機去澳洲少於兩小時，建議大家一定要買Scoot-Thru轉機服務（每程HK$120），否則要先入新加坡境再check-in，上唔切機搞到送機尾就唔好啦！以上價格未包行李寄艙同飛機餐，訂票日期由今日早上9點至9月10日晚上11:59。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 06:55-10:55
回程：TZ220 01:50–05:45

網址：www.flyscoot.com

（覺得抵可用Whatsapp同LINE Share俾朋友架）

今早9點開劈，酷航來回連稅新加坡$743，珀斯$2,690，悉尼$3,016，黃金海岸$3,032起，11月30日前出發

雅高酒店集團（Accor Hotels）（旗下有索菲特（Sofitel）、鉑爾曼（Pullman）、美爵（Grand Mercure）、諾富特（Novotel）、美居（Mercure）、宜必思（Ibis）等品牌）剛推出新一期全球酒店Private Sales，有白金卡嘅朋友又有免費平住兼Upgrade機會！亞洲酒店6折起，地點有：新加坡、馬來西亞、中國、印度、印尼（入住日期由9月1日至11月30日）；日本（入住日期由9月15日至11月30日）；泰國、越南、老撾、緬甸（入住日期由2015年4月1日至2015年9月30日，遠期期貨）（韓國就冇）。Check過系統，沖繩那霸美居酒店每晚HK$556起（連稅計，下同）；東京宜必思新宿酒店每晚HK$678起；新加坡宜必思諾維娜酒店每晚HK$775起；吉隆坡諾富特市中心酒店每晚HK$615起；峇里島宜必思尚品庫塔圓形酒店每晚HK$271起。只要Search完後見到房價旁邊有 “Hotel Sale! 40% off your stay”先代表正貨。

長線城市都有劈，包括：澳洲、紐西蘭、斐濟、法屬波利尼西亞6折起（入住日期由9月1日至2015年1月31日）；英國、愛爾蘭6折起（入住日期由12月19日至2015年4月13日）；美國、加拿大6折起（入住日期由8月19日至2015年4月30日）；德國住2晚5折起（入住日期由10月1日至2015年8月31日）；意大利、西班牙、葡萄牙、希臘、摩洛哥、土耳其6折起（入住日期由8月19日至1月31日）；比利時、荷蘭、盧森堡6折起（入住日期：9月11日至3月31日）；奧地利、瑞士住2晚5折起（入住日期由10月1日至2015年1月11日）；東歐各國6折起（入住日期由10月1日至2015年3月8日）；拉丁美洲各國3晚以上6折起（入住日期由10月10日至2015年1月31日）；埃及、巴林、非洲各國6折起（入住日期由8月20日至12月31日）。

想搵以上平房，可上番佢官網望望。最後訂房日期為8月28日。老規舉：訂房前，請先比價。

亞洲區訂房網址：www.accorhotels.com/asia

其他地區訂房網址：www.accorhotels.com/others

（覺得抵可用Whatsapp同LINE Share俾朋友架）

雅高酒店集團Private Sales，全球酒店5折起，8月28日前訂房

東南亞玩到悶？不如衝出亞洲，越南航空最近低調出擊，推出經胡志明市飛澳洲兩大城市嘅淡季價：來回墨爾本淨機票HK$1,075起，連稅HK$4,619起；來回悉尼HK$1,092起，連稅HK$4,739起，呢口價雖然比廉航貴，但記住越航係包30kg行李寄艙同飛機餐，計落都OK。出發日期由7月1日至12月19日，戰線咁長，總有日子啱您心水。Check過系統，供應量充足，去到11月尾旺季都仲有呢口價，而12月都係俾多HK$758起。留意須中停胡志明市（轉機免簽証），去程轉機約停4個鐘，回程就停2個鐘，比廉航酷航（Scoot）短得多。最後出票日期為9月30日，機票有效期1個月，可以去ZUJI訂。

網址：www.zuji.com.hk

（覺得抵請記得按Like同Share俾朋友）

越航淡季飛悉尼墨爾本來回$1,075起，7-12月出發

今早9:00，酷航（Scott）會開售新加坡及澳洲平飛，出發日期由依家到25/10。來回連稅計：新加坡HK$822起，珀斯HK$2,374起，悉尼HK$3,006起，黃金海岸HK$3,008起。先講新加坡，如果暑假有就OK抵，否則不如等下；澳洲因為係淡季，呢口價只屬正常，不過由於廉航可以買單程又唔駛受逗留日期所限，都適合Working Holiday／移民客／學生哥選購。以上價格不包行李寄艙及飛機餐，最後出票日期為15/6。

飛珀斯嘅朋友，因為新加坡轉機時間只有2小時，建議買埋Scoot-Thru 酷航轉機服務（每程HK$120），行李可以直掛到珀斯，又唔駛入境新加坡，最緊要係保您轉機！唔買嘅話就要自己拎番行李入境又出境，麻煩之餘應該趕唔切。悉尼同黃金海岸由於轉機時間長，慳錢者可以唔買（又可以順便玩新加坡Day Trip）。

網址：www.flyscoot.com

（覺得抵請記得按Like同Share俾朋友）

酷航飛新加坡來回連稅$822，珀斯$2,374，悉尼黃金海岸$3,006起，10月25日前出發

秋冬去澳洲，平機票多到接唔晒：廉航酷航明早9點，會再度開賣珀斯平機票（經新加坡轉機），今次仲平啲添：單程連稅HK$888起，來回連稅HK$2,057起（上次來回連稅HK$2,271，換言之再平HK$214），出發日期由即日起至25/10！戰線咁長，總有日子啱心水！如果暑假有呢口價飛澳洲，分分鐘仲平過飛台灣呀！尤其係學生哥，唔怕涼就要入貨喇！況且玩完珀斯，大可以搭廉航轉飛其他澳洲城市呢！記住：廉航可以單程買，去Working Holiday朋友更加要搶！以上價格不包行李寄艙及飛機餐，最後出票日期為9/5。

網址：www.flyscoot.com

（覺得抵請記得按Like同Share俾朋友）

台灣價飛澳洲！酷航飛珀斯連稅單程$888，來回$2,057起，明早9點開搶！