澳洲凍了！平機票回來了！仲要係直航添：澳洲航空來回澳洲4大城市HK$3,400起，連稅計：布里斯班HK$4,575起、墨爾本HK$4,777起、悉尼HK$4,879起、阿德萊德HK$5,055起（需轉機），比上年平足千幾蚊（鬼咩！燃油附加費大減價嘛）！出發日期由4月27日至6月26日、8月16日至9月18日、10月17日至11月4日，呢口價比廉航Scoot係貴HK$2,000左右，但澳航係直飛兼包30kg行李寄艙同飛機餐喎！亦可以做OpenJaw添！呢隻平飛係”Q” Class，儲唔到Asia Miles，想儲就要加入英航Avios喇。Check過系統，供應量足（淡季嘛），如果唔怕8月澳洲凍，香港暑假期間飛一轉真係爽皮。機票有效期為1個月，最後出票日期為3月27日。

網址：www.zuji.com.hk

參考圖輯：「又飛啦！」親身直撃：澳洲航空A330-300之旅

（覺得抵可用Whatsapp同LINE Share俾朋友架）

嘩！澳航直飛澳洲來回$3,400起，11月4日前出發

澳洲入冬，機票價格有減冇加。澳航推出新Offer：2人同行飛布里斯本／墨爾本／悉尼淨機票每人HK$3,040起，連稅計，布里斯本HK$5,688起，墨爾本HK$5,570起，悉尼HK$5,686起，呢口價只係貴轉機千幾蚊（唔計廉航），唔介意澳洲天氣凍，呢口價可以考慮（記住澳航係包30kg行李寄艙，比國泰多10kg）。出發日期廣泛：24/3 – 31/3；1/5 – 7/7；1/8 – 7/12，機票有效期14日。Check過系統，供應量足。仲想平？得！一係等國泰fanfares（應該經常有），一係等澳航反擊fanfares再劈價，但到時要即買即飛，要搏囉！睇自己需要喇！最後出票日期為11/4，ZUJI及澳航官網有售，同價。

ZUJI網址：www.zuji.com.hk

澳航網址：www.qantas.com

（覺得抵請記得按Like同Share俾朋友）

澳洲機票近日真係劈得瘋狂，今日又有一單：澳航推出2人同行直飛布里斯本平機票，每人來回淨機票HK$2,540起，連稅HK$5,295起，上年低位試過HK$2,920，今年再跌四舊，仲平過國泰fanfares價添！機票有效期長達1個月，比fanfares票更長，有心去就唔好等啦！況且呢條航線少見劈價呢！出發日期為3/3 – 7/4；28/4 – 30/6，Check過系統，供應量不俗，唔太難搵，去ZUJI訂啦！

網址：www.zuji.com.hk

（覺得抵請記得按Like同Share俾朋友）

澳洲淡季來了，機票唔平都唔得啦！尋晚AirAsiaGo嗰隻悉尼$0盤要轉機唔啱心水？澳航呢隻直航盤不妨望望：出發日期為15/2 – 31/3；1/5 – 2/7；4/8 – 30/11（復活節冇，7月又冇），直飛悉尼／墨爾本／布里斯本來回淨機票HK$3,810起，連稅計，悉尼及布里班本HK$6,557起，墨爾本HK$6,441起，機票有效期1個月。如果唔急去，國泰遲啲大把澳洲fanfares等您入手，澳航實同佢死過。話時話，澳航寄艙行李配額都有30kg，比起國泰20kg算有著數嘅！官網有售，最後出票日期為13/3。

網址：www.qantas.com.au

（覺得抵請記得按Like同Share俾朋友）

淡季長途機票優惠，今日輪到講澳洲。澳航推出一隻有效期特長嘅筍盤：出發日期去到30/6/2014（19/12 – 22/12，23/1 – 3/2不適用），橫跨整個澳洲夏天，飛澳洲四大城市包括墨爾本／悉尼／布里斯班／阿德萊德（須轉機），來回淨機票HK$3,500起，連稅計，來回悉尼HK$6,174／墨爾本HK$6,066／布里斯班HK$6,182／阿得萊德HK$6,431起，雖然唔係激平，但最強賣點係可以俾您Open Jaw：即可揀不同城市往返，例如墨爾本入悉尼出，悉尼入布里斯班出，唔駛行回頭路，而且飛悉尼可以搭A380班次添（QF127或128）！仲想平啲？人哋旅遊旺季喎！機票有效期1個月，最後出票日期為13/9。

網址：www.qantas.com.au

（覺得抵請記得按Like同Share俾朋友）

之前幾個禮拜，澳航出過幾次HK$1,990飛澳洲，不過由於太Last Minute（要即買即飛），所以澳航轉新招，改推下半年平機票：出發日期由1/8 – 24/9；8/10 – 8/12，直航悉尼／墨爾本／布里斯班均一價淨機票HK$3,040，連稅計，悉尼HK$5,686，墨爾本HK$5,556，布里斯班HK$5,698，可揀唔同城市往返，放便您周圍玩唔駛行回頭路，機票有效期1個月。Check過系統，供應量充裕，鬼咩！澳洲冬天，唔平邊有人去？不過講真澳洲冬天又唔係冰天雪地（日間都Keep住十幾廿度），都有一批探親客或回流朋友乘機平飛澳洲。雖然比Last Minute劈盤貴HK$1,000左右，但勝在唔駛等唔駛搏，所以適合想一早Plan定行程，又或者同大班朋友去嘅人士（例如放暑假中嘅學生哥）趁低吸納。

網址：www.qantas.com.au

（覺得抵請記得按Like同Share俾朋友）

澳航再一次睇住國泰嚟食！連續第三個禮拜針對fanfares澳洲盤，人家今週推悉尼指定日子往返，佢就2仔底：死跟！同fanfares價錢一樣：來回淨機票HK$1,990，連稅HK$4,770，不過去程時間選擇唔多，Check過官網，暫時只有28/5，30/5，3/6，回程最遲係14/6，無上週墨爾本多到任揀，可能大家都捉到澳航呢條劈路。經過三週，幾乎肯定澳航淡季劈價方法：總之週一晚留意國泰fanfares有乜澳洲線指定日子來回嘅選擇，週二去番澳航官網Check同一城市就掂啦！唉！點解國泰完全唔還手呢？最後出票日期為27/5。

網址：www.qantas.com.au

（覺得抵請記得按Like同Share俾朋友）

依家正值澳洲冬天，旅遊淡淡淡，澳航要突圍，唯有睇住對手砌！總之國泰fanfares本週有乜澳洲嘢我都跟！就好似尋日國泰推墨爾本fanfares，佢就立即跟劈，下星期出發（20/5 – 27/5），淨機票HK$1,990，連稅HK$4,637！同fanfares價一樣，但可以自由揀日子來回，機票有效期更長達14日！擺明要Win Hard您國泰啦～～～如果澳航個個禮拜都出呢招，咁就正啦！事關直航墨爾本去到咁嘅爛價，唉！最衰我冇假吖～～～最後出票日期為20/5。

網址：www.qantas.com.au

（記得按下面「讚好」Share俾Facebook朋友）