呢嗰禮拜一先介紹完濟州航空飛首爾春季優惠，當時Fans嫌佢淨機票HK$1,600連稅HK$2,445貴喎！好啦！今次終於再有首爾劈盤！不過係Last Minute出發嘅機票。之前都同大家介紹過，濟州航空官網會不定時推出貨尾機票，尋日佢靜雞雞放咗三組指定日子來回選擇，淨機票來回HK$1,000，連稅HK$1,842，對於旅遊日子可以好Flexible嘅旅人嚟講，的確超級吸引，但如果想任揀來回日子嘅，呢隻盤就唔啱您買。分析下呢三組來回：1. 19/3去25/3返，七日機票，前後冇兩日即係得番五日，都算幾抵，話晒橫跨週末；2. 25/3去27/3，前後冇咁兩日，即係得一日留喺首爾？唔考慮！3. 4/4去9/4返，六日機票，前後冇兩日即係得番四日，跨到週末，可以接受！貨尾有限，欲購從速！

網址：en.jejuair.net

（記得按下面「讚好」Share俾Facebook朋友）

上星期我哋「又飛啦！」先報過濟州航空4月5月嘅特價飛，咁3月份嘅Last Minute秒殺呢？尋晚出咗啦！無論飛首爾抑或釜山，來回只需HK$1,480（未連稅，咦？又貴咗啲！），指定日子來回5日，其中都有唔少橫跨週末嘅好選擇，特別係去釜山，佢去程係零晨02:00飛，回程22:00返，有啲都係星期六零晨飛（如10/3及24/3），即係週五放工後走，週三下午返，請3日假可以玩盡5日，抵呀！

查詢電話：2185 6499

（記得按下面「讚好」Share俾Facebook朋友）

濟州航空都有成個月冇出突擊秒殺筍盤，今日香港總代理就推出幾款指定日子來回飛首爾或釜山嘅5日平機票，只係HK$1,380（未連稅）。不過日子就係下星期（嘩！勁Last Minute），詳情可睇以下圖片，當中一定以2/3去6/3返嘅首爾或1/3去5/3返嘅釜山團飛最抵啦！可以橫跨星期五／六／日，就算朝早機返，勇啲嘅甚至可以下午即刻返工，慳番半日假！

查詢電話：2185 6499

（記得按下面「讚好」Share俾Facebook朋友）

尋日講新年臨急抱佛腳就去曼谷。唔鐘意熱辣辣？凍冰冰嘅首爾啱唔啱你？濟州航空總代理有一隻Last Minute筍盤套票，指定年初一出發，5日4夜，最平住3星級Hamilton酒店就HK$3,888（未連稅，下同），位於梨泰院地鐵站旁，附近酒吧林立，非常適合鍾意夜蒲人士。而其他On List酒店都係4千左右，以Last Minute嚟講算係好合理，有興趣就立即打電話去訂啦！

留意位：

1. 指定出發日期：23/1（年初一）13:55/18:20；回程日期：27/1（年初五）09:50/12:55

2. 最後報名日期：17/1

查詢電話：2185 6499

（記得按下面「讚好」Share俾Facebook朋友）

濟州航空1月份嘅團飛優惠又嚟喇！指定日子來回首爾，5日4夜機票只需HK$1,380（未連稅），今次香港代理揀選嘅六個組合，都橫跨週六日，尤其係最後嘅一Pair：19/1去，23/1返，有幾日都算踏入農曆新年，如果想農曆新年平平地去旅行，將就啲，呢個啦！農曆新年正日來回嘅機票，貴到唔敢報呀～～～

查詢電話：2185 6499

（記得按下面「讚好」Share俾Facebook朋友）

依家先決定聖誕節去旅行？Well……機票好貴喎！不過只要接受非搭正公眾假期去嘅話，可以考慮飛首爾。我哋「又飛啦！」都報導過濟州航空嘅秒殺優惠，剛剛佢又推出新一批特價團體機票（即係Fix死來回日期），兩組首爾來回同埋一組釜山來回，其中一組首爾來回，剛好橫跨聖誕節，去程22/12，回程26/12，票價只需HK$1,680（未連稅，下同），請頭2日假就可以平飛首爾渡節，不過回程26/12係早機嚟，講真時間就唔係太好，之不過Fit晒啲Last Minute先決定去又唔想破費嘅人，始終一般散飛嗰段其間都要收你起碼三千尾。另外一組首爾平機票為16/12去20/12返，而釜山就係17/12去21/12返，都只收HK$1,380。想訂就聽早Call總代理喇！

查詢電話：2185 6499

（記得按下面「讚好」Share俾Facebook朋友）

濟州航空秒殺優惠浪接浪，上星期一先出啫，今個禮拜又嚟！一樣HK$1,380（未連稅，下同），佢拎3個首爾來回指定時段同2個釜山來回時段，今次只有15/12去19/12返好合我心水，皆因可以玩盡埋週六日，有興趣朋友可以Call總代理訂飛。

查詢電話：2185 6499

（記得按下面「讚好」Share俾Facebook朋友）

一連幾位Facebook網友（包括Rachel、Janice以及Eliza）都查詢農曆新年期間去首爾有冇平機票或套票。大時大節，想有平套票就難喇，自己拆開機票同酒店訂啦！因為一般都係機票貴而酒店未必坐地起價，所以只要你率先搵到平機票，酒店慢慢揀都唔遲，況且首爾大把酒店，高中低檔總有一間啱心水，反而機位就有限（加埋航空公司要Hold住一批團飛）。Check過系統，都仲有來回連稅HK$3,000附近嘅筍盤，關鍵當然要避免最高峰日子來回（嗰啲日子來回連稅分分鐘去到HK$5K），今次就幫大家搵到以下組合，可供參考：

23/1 – 26/1：坐印度航空，來回連稅HK$2,992（時間靚，早去午返，只請1日假）

20/1 – 29/1：坐真航，來回連稅HK$2,655（雖然要早機返，但請20、26及27就拼到10日大假，抵玩！）

24/1 – 29/1：坐印度航空，來回連稅HK$3,043（時間靚，早去午返，只請2日假）

19/1 – 24/1：坐濟州航空，來回連稅HK$2,477（請2日假，初二早機返似乎早咗啲啲）

另一個選擇係澳門出發：

20/1 – 25/1：坐真航，來回連稅HK$3,184（只請1日假）

希望幫到大家！

（記得按下面「讚好」Share俾Facebook朋友）