有隻筍盤，竟然大家走漏眼，講緊嘅係明年農曆新年飛首爾：搭濟洲航空，呢一刻訂仲有唔少特價飛，來回淨機票HK$1,600起，連稅HK$2,355起，機票有效期15日。大家都知道農曆新年機票往往係天價，濟洲航空竟然照平時特價賣農曆新年機票，真係猶如開善堂，趁未有人發現，快手喇！Check過系統，雖然年初一（31/1）去年初四（3/2）返，唔駛請假，呢一刻都仲有呢口價（見附圖），但由於濟洲航空來回時間麻麻，前後冇咁兩日，建議各位請多幾日假，因為暫時嚟睇，整個農曆新年呢口價供應尚算充裕，不過都係嗰句：手快有，手慢冇，聰明嘅您識點做啦！

溫馨提示：濟洲航空機票價係包括免費飛機餐同一件20kg行李寄艙，絕非一般廉航可比。

網址：en.jejuair.net

（覺得抵請記得按Like同Share俾朋友）

聖誕新年超旺季去旅行，機票唔俾人斬到一頸血咩！不過都係嗰句：早起的鳥兒有蟲吃！繼尋日介紹中秋節東京筍盤後，今次就介紹另一重頭節日：聖誕節及新年嘅首爾平機票。是咁的：專營平價機票嘅濟洲航空，Check過系統，聖誕新年期間竟然仍有大量來回淨機票HK$1,600，連稅HK$2,349超平選擇喎（機票有效期15日）！呢啲大假期，如果稍後先訂其他航空公司，分分鐘賣高一至兩倍都未定！咁當然大家都明白，濟洲航空來回時間唔夠靚仔，但由於聖誕節去首爾（例如21/12週六去，26/12週四返）只需請23/12及24/12兩日假就玩足四日半（有啲機構分分鐘放24/12半日添），頭尾雖然蝕，但呢口價仍然有So。想用盡呢張機票，建議留多幾日，玩到1/1先返，呢一刻系統仲有呢口價賣呀！咁鬼筍，竟然大家走漏眼？咪走寶喇！

溫馨提示：濟洲航空機票價係包括免費飛機餐同一件20kg行李寄艙，絕非一般廉航可比。

網址：en.jejuair.net

（覺得抵請記得按Like同Share俾朋友）

暑假又有韓國平機票！今次係釜山，濟洲航空喺暑假期間（22/7 – 31/8）重開香港<->釜山直航航線，來回淨機票HK$1,600，連稅HK$2,317，呢個價真係好平！香港去釜山逢週一／四／六飛零晨機（7C2152 01:50 / 06:15），釜山返香港逢週三／五／日（7C2151 22:00 / 00:25+1），時間唔錯！機票有效期15日。雖然釜山唔係太多嘢玩，但可以作為跳板漫遊韓國南部城市，學生哥暑假大把時間，一於慢慢玩啦！溫馨提示：濟洲航空機票價係包括免費飛機餐同一件20kg行李寄艙，絕非一般廉航可比。

網址：en.jejuair.net

（覺得抵請記得按Like同Share俾朋友）

之前搶唔到濟洲航空HK$888飛首爾？唔緊要！今次就介紹另一隻濟洲航空筍盤，來回淨機票HK$1,600起，連稅HK$2,383，雖然貴八舊水，但最大賣點係7-8月整個暑假都適用，有效期長達15日，就算佢午去早返，只要行程長啲（唔係3日2夜個隻）就足以彌補缺點，學生哥就最Like，反正暑假大把時間玩，最緊要機票夠平就得，當然做緊嘢嘅朋友如果肯放長啲假，呢隻盤的確抵買，事關暑假少見咁平機票飛首爾。Check過系統，HK$1,600呢口價數量唔多，好多時來回只有1位，但俾多HK$100就多番啲，所以如果同Friends去預連稅HK$2,483就好啲。溫馨提示：濟洲航空機票價係包括免費飛機餐同一件20kg行李寄艙，絕非一般廉航可比。上次Miss咗嘅Fans，今個Weekend咪再錯過喇～

網址：en.jejuair.net

（覺得抵請記得按Like同Share俾朋友）

今日繼馬航推出癲劈價HK$390（未連稅）飛吉隆坡後，又一超級無敵震撼嚇死人之劈盤，竟然全港冇人報！好！就等我哋「又飛啦！」率先全港首報！是咁的：濟洲航空靜雞雞喺官網推出超平首爾機票，由依家到27/6前出發都有，來回淨機票HK$888，連稅HK$1,671，比起佢之前推出嘅指定日子來回仲要平多兩舊！而今次您可以任揀來回日期（機票有效期為15日）。Check過系統，唔係日日有，要大家努力搵來回組合了！雖然濟洲航空來回冇咁兩日，但呢個價錢，加上如果您停留日子夠長（即係想玩3日2夜嗰啲請忘記吧），相信呢口價已經低無可低，真係迫您飛首爾！趁依家全港各大網站冇人報，快啲手通知朋友一齊飛啦！睇怕呢個Post一出，好快被人掃清光！

網址：en.jejuair.net

（記得按下面「讚好」Share俾Facebook朋友）

濟洲航空嘅首爾Last Minute超劈機票又嚟啦！今次係賣5月份出發。同以往一樣，官網放咗幾組指定日子來回組合，淨機票HK$1,000，連稅HK$1,783，以價論價都係極品抵，不過要留意濟洲航空飛首爾係午去早返，頭尾唔見一日半，所以揀組合時要小心，就等我哋分析一下邊組至抵玩：

組合1：2/5去，5/5返（嘩！聽日就要出發！扣番頭尾，得番2.5日落地，不過勝在跨到Weekend啦！過去純粹行下街掃下貨就夠時間嘅）

組合2：3/5去，8/5返（落地時間有4.5日，加上跨埋Weekend，最值得入手！）

組合3：4/5去，7/5返（落地時間有2.5日，跨Weekend，請1.5日假）

組合4：8/5去，14/5返（落地時間有5.5日！又跨Weekend，可以慢慢玩首爾，不過要請長假，Freelancer就最啱）

組合5：8/5去，13/5返（落地時間有4.5日，亦跨Weekend）

組合6：14/5去，21/5返（落地時間有6.5日，最長之選）

組合7：22/5去，25/5返（落地時間得2.5日，仲要週六晨早走，唔Like）

溫馨提示：佢官網版面寫出嚟嘅價錢，每個組合各有少少差異，但其實一律同價（淨機票HK$1,000，連稅HK$1,783），只要Click入去睇詳情就知。

網址：en.jejuair.net

（記得按下面「讚好」Share俾Facebook朋友）

今年首爾櫻花花期預計為9/4 – 15/4，如果您尋日搶唔到國泰fanfares HK$990飛首爾，唔駛Sad，等濟州航空出手打救大家！佢推出一隻超筍Last Minute出發機票：去程指定10/4，回程指定16/4（日子冇得改），淨機票HK$1,000，連稅HK$1,842！同fanfares相若！七日來回，雖然前後冇咁兩日（因為午去早返），但仲有五日玩，最正嘅係剛好食正首爾櫻花高峰期！Check過系統，供應量唔算太多，今年唔想再錯過平飛首爾睇櫻花機會，您識得點做啦！

網址：en.jejuair.net

（記得按下面「讚好」Share俾Facebook朋友）

$10機票ByeBye，又回復正常Mode喇！今次就介紹一隻首爾平機票：搭濟洲航空，來回淨機票HK$1,600，連稅HK$2,445，出發日期到30/6（復活節期間當然冇）。Check過系統，供應量充足，不過講明先：濟洲航空來回時間一般，去程7C2110（13:35/18:15），回程7C2109（09:55/12:35），來回的確冇咁兩日，不過呢隻Fares有效日期長達15日，唔係一般2-7日，所以如果有心去長一啲，就算頭尾冇2日，呢個價都值得考慮架！

網址：en.jejuair.net

（記得按下面「讚好」Share俾Facebook朋友）