早幾日買咗HK Express日本平機票嘅您，又有日本酒店劈喇！今晚00:00，AirAsiaGo再度大割日本各地酒店，包括東京／大阪／京都／名古屋／福岡／沖繩／札幌／神戶／奈良，參與酒店數目超過52間，係近期少見之多！入住日期為7月8日至10月31日，包括暑假架！Check過系統，東京會推介住Hotel Villa Fontaine 日本橋箱崎，每晚HK$519起（未連稅及已用9折Code，下同），勁近地鐵站水天宮前，暑假都有此價！大阪可揀阪心齋橋方舟大飯店，地鐵站長崛橋樓上，行去心齋橋都係5分鐘，每晚HK$437起（7至8月中貴HK$100-200）；名古屋可揀名古屋錦太陽飯店，位處最旺購物區榮區中心帶，每晚HK$428起；福岡可揀博多太陽道飯店，近博多站，每晚HK$445起，其他平房可以上番AirAsiaGo望望，最後訂房日期為7月12日。

AirAsiaGo 9折訂房Code：MASTERCARD，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”MASTERCARD” 再按Enter就得（請留意：折扣只限純房價，稅及服務費冇得折，唔一定要用MasterCard信用卡架）。

網址：www.airasiago.com

（覺得抵請記得按Like同Share俾朋友）

AirAsiaGo日本各地酒店5日5折割，可用9折Code，10月31日前入住，暑假都有！

日本酒店，又有筍盤直送，今次仲包暑假添！Expedia.com.hk剛晒冷式推出日本8大城市平房，地點包括東京／大阪／京都／名古屋／福岡／沖繩／北海道／神戶，入住日期更去到10月31日，部份酒店暑假都一樣照劈，值得收睇。Check過系統，東京住大塚驛北口 R&B 酒店（http://flyagain.la/69w3），喺山手線大塚站附近，賣點係暑假都一樣堅平，每晚HK$496起（未連稅，下同），而且用戶俾足100%推薦呢！大阪可考慮哈頓酒店北梅田（http://flyagain.la/w66t），暑假每晚都係HK$762起，呢間我哋都推介好幾次，哈頓出品始終放心；福岡入住博多新樂都酒店（http://flyagain.la/fkc0），Sunroute啲房一向有水準！近博多站，暑假每晚HK$500起；名古屋可揀誠信名古屋酒店（http://flyagain.la/dd5d），每晚HK$390起，暑假都係貴HK$100-200，同樣贏取100%用戶推薦！附近係酒吧區，夜蒲者必揀。仲有其他城市平酒店，詳情請去Expedia.com.hk望望。最後訂房日期為7月10日。

網址：www.expedia.com.hk

（覺得正請記得按Like同Share俾朋友）

暑假抵住！Expedia日本8大城市酒店5折劈，5日限定，10月31日前入住

想一次過：掃台北夜市 + 買長崎蜂蜜蛋糕 + 嘆別府炸雞（星星again？） + 食神戶牛柳？呢隻遊輪盤有得諗：以亞洲為母港最大遊輪海洋航行者號將於9/5（週五）由台灣基隆出發去日本，套票包華航機票（香港來回台北）+ 包首晚（8/5）台北住宿 + 包7晚遊輪住宿，食用及娛樂活動，入場費每人HK$7,800起（連稅約HK$10,866）。拆開計，扣番華航機票大約值HK$1,500（連稅）及台北凱撒大飯店每人HK$700（雙人房計，連稅），7晚遊輪包飲包食包娛樂，除番開每人每晚連稅HK$1,238，都幾合理！最正係一次過玩晒台北／長崎／別府／神戶（日本呢三個城市香港冇直飛，要去都幾麻煩），中間仲有幾日海上遊，俾您舒舒服服歎遊輪設施。8/5夾唔到？仲有4/5出發4晚航程可以諗諗，東京上船台北落船，玩神戶同沖繩都係HK$6,500起，詳情可以睇佢Facebook。

呢隻以亞洲為母港最大嘅海洋航空者號有成13萬8千噸，1,557間客房，3個室外泳池，6個按摩池，攀石牆，籃球場，9洞迷你高爾夫球場，仲有真冰溜冰場（！）船上仲有夢工場動畫人物同大家巡遊影相，一家大細有排玩。

查詢電話：2316 1308

Facebook網址：facebook.com/RoyalCaribbeanHongKong

（覺得抵請記得按Like同Share俾朋友）

夜媽媽都同大家急報一隻極品筍盤！全港首發！應該聽早就被人掃清光！日本ISHIN酒店集團為回饋旗下facebook fans，特別限時推出旗下8間商務酒店共600間每晚JPY2,500嘅極品筍房！折算港幣即係HK$250！仲要連稅添！入住日期為25/12/2012 – 15/1/2013（除夕／新年及12/1/2013三天不適用），最後訂房日期為16/11香港時間上午11點。呢8間酒店有5間喺東京，分別係六本木the b roppongi（推雙人房，只餘極少量），池袋嘅the b ikebukuro（推單人房，暫時每晚仲有，不過每晚得1-3間），赤土反嘅the b akasaka（單雙人房都有，不過每晚都係1-2間，暫時每晚都有），三軒茶屋嘅the b sangenjaya（單雙人房都有，每晚仲有2-3間），御茶之水嘅the b ochanomizu（雙人房只剩3間，單人房每晚仲有1-2間），仲有博多／神戶／名古屋三間分店，比一般商務酒店平一半以上！真係手快有手慢冇！況且呢間酒店集團質素都Very Good，有實際需要嘅朋友，唔好瞓住，即訂！

留意位：

1. 必須經以下Link進入特價頁面，再揀選目標酒店，然後輸入用戶名：theb.hotels，密碼：FBW2500（FBW全大階），然後拉到頁下面，按紅色的”Package Details”

2. 之後再拉到頁底，左邊有”Please select a Room Type”，揀Single Room / Double Room或Twin Room，右邊的日曆會自然Show出邊日有房同剩餘數量

3. 最後俾錢：需要信用卡，酒店會過數，不設取消及退款服務

4. 住客必須為ISHIN fb fans，須用您Facebook用戶名做訂房登記，而每位只可訂每間酒店1晚房，多過1間就收番正價。咁如果有兩個fd一齊去，好簡單：一人登記一晚囉！

訂房網址：http://www.ishinhotels.com/facebook/en/privateaccess2500/index.html

（記得按下面「讚好」Share俾Facebook朋友）