23/6 20:03 漏洞已封！

首發！起身！即搶！阿堤哈德航空有一個超大漏洞：由上海浦東機場出發，飛歐洲城市包括：巴黎／日內瓦／伊斯坦堡／羅馬／雅典，中停阿布扎比，來回淨機票人民幣CNY 300起（HK$379），連稅計，巴黎HK$3,363起，日內瓦HK$3,040起，伊斯坦堡HK$2,899，羅馬HK$3,305，雅典HK$3,260起，唔同城市往返都得，機票有效期長達1年！至於出發日期，非常廣泛，唔同城市有唔同出發日期，有啲連今年七月出發都有（例如伊斯坦堡），有啲去到2014年5月底都搵到（6月打後官網未開放訂位），建議大家去官網自行發掘，想快少少，可以利用http://www.skyscanner.com.hk，去程揀PVG，回程揀Everywhere，系統會幫您快少少搵到最平目的地／價錢／來回日期，但未必最準確，起碼提供一個貼士而已。

至於香港<->上海，春秋航空來回連稅HK$1K左右（不包行李寄艙及飛機餐），加埋都係三千至四千頭，去歐洲喎！建議先搶呢張漏洞機票，香港<->上海稍後等各大航空公司出特價飛先補回。

呢張機票改時間要CNY 500（HK$632），取消收CNY 1,000（HK$1,264）

漏洞嘅嘢，都係嗰句：手快有，手慢冇！

搵同一城市來回：http://www.etihad.com/en-cn/plan-and-book/book-flights/

搵唔同城市往返：http://www.etihad.com/en-cn/plan-and-book/book-stopovers/multi-city-booking/

（覺得抵請記得按Like同Share俾朋友）

08:13am 18/6 #fanfares分析

國泰港龍fanfares開賣啦！
自由揀日子地點有：南京，檳城，仰光，出發日期為18/8 – 31/8；北京，首爾，羅馬，出發日期為1/11 – 11/11
指定日子地點有：三亞，杭州，馬尼拉，東京（羽田），墨爾本，出發日期介乎20/6 – 1/7

國泰港龍fanfares第34週又嚟啦！記得聽早（週二）08:00開倉喎！今次推出11個城市，自由揀日子出發日期估計為18/8 – 31/8或2/11 – 11/11，指定日子一般介乎20/6 – 1/7，總之太熱門地點，應該唔會暑假出現：

地點　淨機票｜連稅價（評語）

三亞 HK$490 | HK$1,125（非常抵買）
馬尼拉 HK$790 | HK$1,310（可以不理）
杭州 HK$790 | HK$1,425（可以一買）
南京 HK$890 | HK$1,525（暑假就抵）
檳城 HK$990 | HK$1,674（極品必搶）
北京 HK$1,090 | HK$1,725（非常少見）
首爾 HK$1,390 | HK$2,112（又係指定？）
東京 HK$1,490 | HK$2,179（人氣大熱）
仰光 HK$1,490 | HK$2,088（值得入手）
墨爾本 HK$1,990 | HK$4,494（淡季常客）
羅馬 HK$3,690 | HK$5,837（秋天先去？）

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵請記得按Like同Share俾朋友）

首次多謝Fans Zhong Li報料，國航低調推出下半年歐洲平機票，最大賣點係連暑假都有！睇完價錢，好多連稅唔駛六千，筍到呆咗！簡單講：飛米蘭淨機票HK$2,990起，連稅HK$5,280起；倫敦（格域機場）淨機票HK$2,990，連稅HK$6,167起；巴黎淨機票HK$3,420，連稅HK$5,984起；馬德里淨機票HK$3,420起，連稅HK$5,728起；法蘭克福淨機票HK$3,420起，連稅HK$6,267起；羅馬淨機票HK$4,490起，連稅HK$6,828起，機票有效期為1個月。Check過系統，呢批價錢一般喺7月份搵到（當然唔係日日有），8月只係貴幾舊水，連稅依然六千左右，以暑假嚟講絕對超值到暈。佢仲有其他歐洲超值航點優惠，上番國航官網慢慢發掘下啦！

網址：www.airchina.hk

（記得按下面「讚好」Share俾Facebook朋友）

法航剛剛再推出春季歐洲機票劈盤！今次比上次更平：淨機票HK$3,540，連稅後由HK$6,242起，出發日期為1/5到30/6，機票有效期最少五日或跨一個週日，最長一個月，非常夠用。地點則有八十多個，基本上法航飛得都有，巴黎梗係包括啦！直航連稅HK$6,242係非常有競爭力（除非國泰有fanfares），至於其他城市包括（須於巴黎轉機）：倫敦，曼徹斯特，愛丁堡，格拉斯哥，里斯本，巴塞隆拿，馬德里，日內瓦，蘇黎世，威尼斯，米蘭，佛羅倫斯，羅馬，布達佩斯，布拉格，柏林，哥本哈根，雅典，巴黎，尼斯，馬賽，波爾多，里昂，斯特拉斯堡……數之不盡！連稅大多係HK$7K左右，只係倫敦超貴係HK$8,401，咁就唔諗佢啦！留意：如果想中停巴黎，可以俾多HK$750就得。執筆一刻，Check過系統，供應量充足，有心趁春季感受浪漫又便宜嘅歐洲（春季酒店比夏季平好多，小弟啱啱去完），法航值得諗下（小弟亦剛剛搭完法航，啲飛機餐真係唔錯！服務亦有中上水準）。

網址：www.airfrance.com.hk

（記得按下面「讚好」Share俾Facebook朋友）

#fanfares分析#

自由揀日子地點有：寧波／曼谷／檳城／福岡／峴港／阿德萊德，出發日期為2/6 – 15/6

指定日子地點有：濟州／溫州／名古屋／羅馬／多倫多，出發日期介乎4/4 – 15/4之間

－　曼谷HK$990真係仆到去搶！檳城亦罕有非常

－　濟州雖然估中指定日子，但仍屬抵去之選，始終直航只有港龍有機

－　多倫多就算指定日子，都一定筍架啦！直航極耐未試過呢口價！快手喇！

國泰港龍fanfares第二十三週又嚟啦！記得聽早08:00開倉喎！今次推出11個城市，上次自由揀日子出發日期為26/5 – 8/6，指定日子一般介乎30/3 – 4/4期間出發，估計今次又係順延一週咁上下：

地點　淨機票（連稅價）評語　自由／指定日子（估計）

濟州　HK$990（HK$1,760）值得考慮（指定日子）

寧波　HK$690（HK$1,408）鍾意先諗（自由揀日子）

溫州　HK$790（HK$1,508）鍾意先諗（自由揀日子）

曼谷　HK$990 （HK$$1,784）非常抵買（自由揀日子）

檳城　HK$$990（HK$1,758）瞓身去搶（指定日子）

名古屋　HK$1,290 （HK$2,102）當然抵買（指定日子）

福岡　HK$1,590（HK$2,273）稍嫌略貴（自由揀日子）

峴港　HK$1,600 （HK$2,329）首度登場（自由揀日子）

羅馬　HK$1,990 （HK$4,337）天氣回暖（指定日子）

阿德萊德　HK$2,890 （HK$5,723）罕有平飛（自由揀日子）

多倫多　HK$3,990（HK$6,446）瞓身搶購（指定日子）

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

（記得按下面「讚好」Share俾Facebook朋友）

後新年劈價，又有一件！今次輪到歐洲平霸之一卡塔爾航空，10/6前出發，飛歐洲多國都有平價，包括莫斯科HK$5,689（連稅，下同），米蘭HK$5,845，羅馬HK$5,882，華沙HK$6,020，巴黎HK$6,121，法蘭克福HK$6,317，馬德里HK$6,674，曼徹斯特HK$6,721，日內瓦HK$6,821，巴塞隆拿HK$6,878，倫敦HK$7,027，仲有其他城市，自己上佢官網慢慢搵！機票有效期一個月，28/3 – 2/4以及27/4 – 8/5兩大假期不適用。6月前出發嘅歐洲筍盤，除咗國航外，卡塔爾應該係第二家公佈公司。睇個價，好多城市都係六千頭，算係偏低水平，想回春飛歐洲就要睇下喇（有跟我哋執到葡航漏洞機票者當然唔駛啦）！最後出票日期為22/2。

網址：www.qatarairways.com

（記得按下面「讚好」Share俾Facebook朋友）

上個禮拜，我哋「又飛啦！」先為大家搵到隻農曆新年飛台中超筍盤，如果想同朋友／家人／Honey趁農曆新年有長啲公眾假期飛遠啲，依家先臨急訂？都得！今次特登為大家索到隻飛歐洲Last Minute筍盤！下週即飛！是咁的：只要搭卡塔爾航空，最遲揀5/2（週二）晚去，12/2（週二，初三）返，只需請週三至五三日假就得，飛一眾歐洲城市都有平飛，例如羅馬HK$5,855（來回連稅，下同），米蘭HK$5,867，巴黎HK$6,221；就算遲多一日先出發，飛巴塞隆拿HK$6,851，倫敦HK$7,060，都仲有靚價，又請少一日假，So爆！與其同人爭超貴短途機票（如日本／泰國），今個農曆新年不妨請多兩三日假，飛番轉歐洲咪仲抵（買番幾個名牌袋都賺返啦）？想知心水歐洲城市農曆新年出發有冇得平，請上卡塔爾航空官網Look Look。

網址：www.qatarairways.com

（記得按下面「讚好」Share俾Facebook朋友）

如果您一直追開「又飛啦！」，都會記得我哋曾經親身直擊過土耳其航空豪華經濟艙（佢哋叫Comfort Class，即係一般所指嘅Preminum Economy，質素介乎商務與經濟客位之間，硬件同服務以短途商務客位為標準）有幾正有幾歎！依家土航又推出Last Minute飛歐洲超筍爆優惠：搭豪華經濟艙，飛倫敦／法蘭克福／曼徹斯特／慕尼黑／巴塞隆拿／馬德里／布魯塞爾／突尼斯淨機票HK$4,760起，飛巴黎／米蘭／阿姆斯特丹／羅馬／蘇黎世／日內瓦／哥本哈根／柏林／斯德哥爾摩／尼斯／布達佩斯淨機票HK$5,030起，其他大歐洲城市HK$5,430起，看似有差別，但連稅計，其實大家都係HK$8K咁上下，各城市差別只係三幾舊，以呢個價坐咁正嘅Comfort Class飛歐洲，性價比絕對超強。不過提提您：呢隻機票需要預早7日前出飛，而最後出發日期為31/1，換而言最遲必須於24/1前購買，仲有幾日，有買快手！機票有效期為1年。

網址：www.turkishairlines.com

（記得按下面「讚好」Share俾Facebook朋友）