當飛美加連稅都要過萬嘅時候，不妨考慮吓老遠嘅南美啦！坐聯合航空經美國飛南美連稅計：巴西聖保羅HK$9,521起、里約熱內爐HK$10,257起、阿根廷布宜諾斯艾利斯HK$9,729起，呢個價位飛南美真係抵爆！而且呢套飛有3大賣點：1.可以喺以上南美航點自行組合Open Jaw；2.Class Code係K，可以儲到26,000 Mileage Plus里數或以上，至少換到一套免費單程東京機票（單程東京為22,500里起，另加稅項同燃油附加費）；3.機票有效期長達6個月，玩多幾個地方都得。Check過系統，優惠集中喺11月，供應量足。提提您，特區護照或BNO持有人可免簽証停留巴西或阿根廷90日（如超過90日需辦理簽証），另外，由於航班喺美國轉機，亦請預備前往美國嘅簽証。最後出票日期為11月20日，ZUJI同官網都有架。

ZUJI網址：www.zuji.com.hk

聯合航空網址：www.united.com

（記得按下面「讚好」Share俾Facebook朋友）

11月飛南美送單程東京！聯合航空來回聖保羅、里約熱內爐、布宜諾斯艾利斯連稅$9,521起

尋晚我哋「又飛啦！」率先披露巴西天馬航空（TAM）由歐洲飛秘魯嘅漏洞。唔Like秘魯？巴西又如何？仲要係當地初夏呢（陽光與海灘，正呀）！原來只要用番同一原理：由西班牙馬德里出發，回程飛返德國法蘭克福，飛巴西兩大城市：里約熱內盧及聖保羅一樣有漏洞價！

簡單啲講：出發日期由十月至十一月底，回程可以去到十二月底，四款組合：

1. 來回聖保羅淨機票US$374（HK$2,917），連稅US$445（HK$3,471）；
2. 來回里約熱內盧淨機票US$395（HK$3,081），連稅US$482（HK$3,760）；
3. 去程飛里約熱內盧，回程聖保羅出發，淨機票US$351（HK$2,738），連稅US$430（HK$3,354）＊最抵＊；
4. 去程飛聖保羅，回程里約熱內盧出發，淨機票US$418（HK$3,261），連稅US$497（HK$3,877）。

至於里約熱內盧與聖保羅，單程內陸機約HK$300-500不等，一般都係搭車，因為兩個城市都係沿海，滿佈長長沙灘，唔少旅客慢慢玩晒兩城，所以似乎第3個組合係最抵玩，因為可以一次過玩晒兩城，價錢又係最平。至於點樣接駁馬德里同法蘭克福？最平係國航，卡塔爾都係理想之選，呢套連稅約HK$6,000+，加埋HK$10,000左右，看似昂貴，但可以玩晒四地（馬德里，法蘭克福，聖保羅，里約熱內盧），非常抵玩。Check過系統，唔難揀來回日子，記得揀Multi-City，去程輸入MAD（馬德里） / SAO（聖保羅）/ RIO（里約熱內盧），回程輸入 SAO（聖保羅）/ RIO（里約熱內盧）/ FRA（法蘭克福），就算結果唔係以上價格（例如US$8xx），可以再按”See More Prices and Dates”，系統會提醒您仲有其他價錢選擇，一Click目標價錢，佢就會話您知邊啲來回日子有漏洞機票賣嘞。

有Fans尋晚問：係咪TAM自己減價咋？但喺上一篇文我哋已拆解原因：機票價冇差別，只係航空公司計錯稅及油附，計少起碼US$300，咁已經證明係漏洞啦！巴西天馬航空係Star Alliance成員，可能都有分儲。記住：千祈唔好打電話／email問航空公司，以免打草驚蛇！漏洞嘅嘢，手快有手慢冇！

網址：www.tam.com.br

（記得按下面「讚好」Share俾Facebook朋友）

歐洲平霸卡塔爾航空繼4/9推出3日限時劈後，今日又嚟料（剛好2個月喎）！同上次一樣，晒冷式推出100個航點大劈特劈，最後出發日期由上次13/3延後至今次嘅31/5，五月飛歐洲，天氣唔太熱唔太凍，絕佳時機呢！價錢方面，熱門地點如雅典HK$6,664起（連稅，下同）、巴塞隆拿HK$6,520起、法蘭克福HK$6,800起、倫敦HK$7,178起、馬德里HK$6,560起、曼徹斯特HK$6,865起、米蘭HK$6,249起、巴黎HK$6,519起、羅馬HK$6,183起，至於馬爾代夫，最平去到HK$4,376起，復活節期間飛都只係HK$5,706起，絕對諗得過！冷門嘅，飛伊朗連稅HK$8,074起，聖保羅HK$13,018起，布宜諾斯艾利斯HK$13,090起。由於航點實在太多，建議各Fans上卡塔爾官網慢慢Search。機票有效期3日至1個月，最後訂票日期為9/11。

網址：www.qatarairways.com

（記得按下面「讚好」Share俾Facebook朋友）

首先要多謝FB Fans Oscar Au Yeung今日好介紹，如果唔係走漏眼！事關我哋好少留意南非航空優惠（因為飛南非一向唔平，你睇下國泰就知），原來佢有一隻早餐盤：出發日期為1/11至10/12，飛南非（經約翰尼斯堡轉機）開普敦、德班只係HK$4,020（連稅HK$7,788），對手國泰極少有呢口價。再遠啲飛去巴西聖保羅就$9,400（連稅HK$15,597），都有參考價值。11-12月個陣應該係當地春至初夏季節，氣溫有十幾度，係非常好嘅旅遊季節。小弟兩年前飛過去開普敦睇世界盃，印象深刻：例如圖中著名景點桌山（Table Mountain）梗係要登上去睇啦！再開車沿海岸線走，大把靚海景，當然唔少得去埋好望角！仲有當地大把酒莊，既可遊覽，啲當地出產嘅紅／白酒一支廿零三十蚊有交易，水準唔差！所以餐餐都飲，仲平過買支水，諗起都想再去！

留意位：

1. 最後出票日期：23/7

2. 出發日期：1/11 – 10/12

3. 機票有效期：1個月

網址：www.flysaa.com

（記得按下面「讚好」Share俾Facebook朋友）

呢篇應該係「又飛啦！」第2篇介紹中南美洲嘅筍盤。由於中南美洲有好多地方以前係法國殖民地，同法國聯繫較多，所以搭法航去中南美洲，航線覆蓋較多之餘，價錢亦比其他大航空公司平啲。就好似今次介紹嘅法航中南美洲特價盤咁，經巴黎轉飛墨西哥／巴拿馬市／里約熱內盧／聖保羅／布宜諾斯艾利斯等熱門大城市就HK10,700起，冷門嘅如聖多明各／聖地牙哥／聖馬丁等就HK$13,950起，想睇下目的地請上佢官網睇睇。不過提提你，依家係南美嘅冬天，唔怕凍又想趁暑假去中南美洲流浪，可以諗諗佢，事關機票有效期長達1個月，只需俾多HK$750更可中停巴黎一次，臨走返港掃番幾個LB袋，抵番晒啦！

網址：www.airfrance.com.hk

（記得按下面「讚好」Share俾Facebook朋友）