國泰去曼谷機票平到HK$1,300左右？有！但要跟套票。

安運滿Fun有一個幾靚仔嘅曼谷Package，26/8 – 31/10出發，3日2夜坐國泰，5間酒店揀，最平嘅Furama Silom收你HK$1,790，除咗呢間唔啱我口味外，其餘4間都係我心水，包括兩間靚仔Service Appartment：Oakwood Apartments Trilliant Sukhumvit 18 Bangkok勝在房大又近BTS Asok站，方便就腳；Fraser Suites Urbana Sathorn更係近年小弟至愛，啲房大到開Party，露台超大又一望無際，樓下泳池好Good，最緊要我貪佢夠靜。另一間係Marriott Apartment – Vista Sathorn，係正佢隔離少少，我未住過，不過睇相唔錯，Marriot總唔會令你失望。HK$1,999套餐住佢2人房超抵，只不過地點麻麻地，呢兩間行去BTS Chongnonsi站 或MRT Lumpini 站都要10分鐘，大熱天時都幾係嘢，出入要預咗打的。

最後嗰間Courtyard by Marriot係正宗4星酒店格局，近Siam購物區，依家加HK$99就多一晚房，以HK$2,458（未連稅） 4日3夜套票飛國泰嚟講都好筍盤架啦！

網址：www.wincastle.com.hk

（記得按下面「讚好」Share俾Facebook朋友）

八月去旅行唔想捱附加費？又有一個選擇！中航假期賣緊一套幾筍嘅上海套票，HK$2,490起，包東航來回香港至上海浦東／虹橋機票，3晚五星級上海天禧嘉福璞緹客酒店（連早餐，Agoda連稅賣緊HK$950一晚），每位仲送1張浦東機場至市區磁浮火車飛，住多一晚更送你虹橋機場單程接送服務（蝦，唔知可唔可以浦東入，虹橋走？）。扣下扣下，張機票咪只係HK$850？可能因為呢類五星級酒店主要做商務客，平日房間供應緊張，反而會收你每人HK$500附加費，斷估大家好少閒日去旅行囉呵？

網址：www.caacholidays.com.hk

（記得按下面「讚好」Share俾Facebook朋友）

如果你有小朋友，呢個Offer就真係Fit晒！傲遊天地推出泰航親子Package，成人每位HK$2,790起，二人同行即送1位12歲以下小童加床同機票費用，除番開每人HK$1,860起，仲送埋泰國機場到酒店私家車來回接送服務，又唔收暑期附加費，真係平到笑。呢個Package有好多酒店揀，我會推介4星Novotel Siam Square，室內前幾年翻新過，Swimming Pool設有小童池，但最重要係價錢合理只係HK$3,390。一出門口就係Siam購物區，可以行晒Siam Square、Siam Paragon、Siam Center、Central World、MBK…..同小朋友去旅行，方便就腳好緊要，如果唔係佢必定扭計。

網址：www.bliss-travel.com.hk

以往8月去東京，俾附加費都俾死人，今年唯有國泰假期嘅東京套票唔收附加費，已經慳咗幾舊水。依家先想買8月週末套票？經小弟翻覆測試後，搵到呢個最後筍盤！

套票編號：CV1TYO01HKG（都會行 – 東京 (成田) 優惠套票）

去程：15/8（星期五）坐CX500 15:10/20:30

回程：18/8（星期日）坐CX505 18:25/22:05

住：Hotel Villa Fontaine Ueno（位於上野區，地點唔錯，由JR山手線御徒町駅步行8分鐘，搭都營地下鐵大江戸線喺新御徒町駅落車最近，步行4分鐘。瞓Double Bed又有早餐送，點都大張過Semi-Double）

呢個組合未連稅就HK$2,989，但我更建議大家加少少錢，+HK$360可以改搭早機（如CX524 00:40 / 06:00；CX504 09:10 / 14:35）可以用盡第一日，或者星期四去瞓多一晚（+HK$330），唔駛咁急趕。

酒店網址：www.hvf.jp

訂位網址：www.cxholidays.com

P.S. 有CX國泰信用卡者，記得用呢張找數，有3倍AsiaMiles儲！

（記得按下面「讚好」Share俾Facebook朋友）

呢個8月，去邊度都要狂俾附加費，愈來愈難幫大家搵到筍盤。今次呢個芒果網北京3天套票，賣點唔係平，而且賣特色。坐港龍往返，以$3,159起嘅價錢，可以入住北京紅牆史家花園飯店。如果肯俾多啲去到$3,699起，就可入住涵珍園國際飯店，呢間四合院式飯店古式古香，最重要係位於南鑼鼓巷，係近年北京人氣鼎盛嘅胡同區之一，市政府大力保存胡同建築，區內有唔少酒吧、咖啡店、服飾店同食店，係當地潮人出沒之處。雖然呢度的確係遊客區，但行落去嘅感覺又唔係好「遊客」，夠晒寫意悠閒。唔鐘意住一般高級五星級酒店嘅，可以考慮呢度吖！

留意位：

15/7-25/8期間週五及六出發，每位加收$160；其他日子加收每位$410（Weekend反而加咁少！筍喎！）

網址：www.mangocity.com

（記得按下面「讚好」Share俾Facebook朋友）

清邁一向冇直航機，港龍就特別喺暑假開咗兩班機，仲推出4日3夜嘅「清邁夏日直航精選套票」，據聞反應唔錯。第一班機7月28日已全部爆滿，而第二班機7月31日仲有少量供應。酒店方面，現時只有Mecure Chiang Mai同dusitD2 Chiang Mai有房，前者HK$3,699，後者就HK$4,499，包早餐包來回接送，仲送HK$150免稅品禮券，以旺季直航嚟講都算超值，起碼慳番轉機時間。呢個Package冇得網上即時確認，需要打電話/電郵訂，趁今日仲有半日辦公時間，嗱嗱淋打去Book位啦！如果你有國泰AE卡，記得用呢張買，因為佢地做緊Promo，買套票有3倍Asia Miles送。

香港>清邁 7月31日 KA8282 11:50/13:35

清邁>香港 8月3日 KA8283 15:35/19:35

網址︰www.cxholidays.com

（記得按下面「讚好」Share俾Facebook朋友）

蘇梅島一向比其他泰國城市較難有平機票出，皆因機場係曼谷航空(Bangkok Airways)專利經營。香港暫時亦只有佢提供來回直航，獨市生意下，機票價格好難平。其實跟套票出會平唔少，例如呢套安運滿Fun遊嘅優惠套餐，指定於29/7, 30/7, 3/8或5/8出發，5日4夜住4星Saree Samui嘅Tropical Villa，只係HK$4,599(包早餐，未連稅)，以住有質素嘅Villa而言的確抵。經查詢後，發現現時只有30/7同3/8有非常少量機位，係就趁早喇！

Saree Samui 係2009年先開業，位於Mae Nam海灘上，全部Villa獨立屋設計。Tropical Villa面積約920平方呎，內有私家泳池，房內仲有Boss音響貫串開放式廁所，Shower同埋戶外浴池。不過留意，Resort附近靜英英，冇乜Shopping 點同餐廳，但如果你同Honey嚟抑或想靜靜地過一個假期，住呢度一定啱你。

網址 : http://www.wincastle.com.hk

一般旅行社, 暑假Package Surcharge會於7月15日開始, 但學聯呢個首爾Plan, 20號先開始收每位$900 Surcharge. 今期《東Touch》附送首爾潮店特集介紹, 想去掃貨? 立即Book啦! 仲有5日咋!

詳情: http://www.hkst.com