數歐洲平機票，今次終於嚟到英航啦！佢推出冬季筍盤，由3/10至31/12，去英國及一眾歐洲城市來回只需HK$4,380起（未連稅，下同），以倫敦為例，連稅大約您預HK$8K左右，比前幾日報嘅新西蘭航空略貴，不過英航勝在劈價地點繁多，尤其係英倫三寶，除倫敦外仲包埋鴨巴甸、貝爾法斯特、愛丁堡、格拉斯哥、利茲（Leeds Bradford）、曼徹斯特、紐卡素及澤西島。至於歐洲，基本上大路地點必有，冷門嘅建議您直接上官網搵。英航有樣好，佢會順便提供一啲平酒店俾你訂埋，例如倫敦Hilton London Docklands一晚兩人房都只係HK$1,070，巴黎Novotel Paris Tour Eiffel亦只收HK$1,430一晚，兩間都係唔錯嘅4星，呢口價抵呀！記得最後出票日期為25/9，要訂請快手。

網址：www.britishairways.com

（記得按下面「讚好」Share俾Facebook朋友）

去英國，飛倫敦平機票唔難搵，但想飛其他英倫三寶城市，平機票就難搵啲。依家英航推出咗英倫平機票，想舒舒服服喺倫敦轉機去鴨巴甸、愛丁堡、曼徹斯特（去曼聯／曼城睇波Yeah!）、紐卡素（英冠唔睇！）同埋澤西（Jersey），同飛倫敦一樣都係HK$4,900起（未連稅，下同），的確好抵。至於其他歐洲城市如奧地利、比利時、捷克、丹麥、法國、德國、匈牙利、意大利、愛爾蘭、盧森堡、荷蘭、波蘭、葡萄牙、西班牙、瑞典及瑞士，都一樣做HK$4,900起，最後出發日期可以去到明年3月尾，出票日期為今個月底，趁歐元貶值，飛一轉吖！

留意位：

1. 最後出票日期：30/9/2011

2. 機票適用日期：1/10/2011 – 31/3/2012

網址：www.ba.com

（記得按下面「讚好」Share俾Facebook朋友）