好耐都冇蘇梅島直航平飛，一係唔嚟，一嚟打孖上！先講一件實際啲嘅：坐曼谷航空來回淨機票HK$2,240起，連稅HK$2,929起，出發日期為4/5 – 30/6；1/9 – 16/12（早餐盤），機票有效期7日。Check過系統，大節日冇，平常日子唔太難搵，比之前平HK$600以上，雖然天氣唔係最好，但呢個價係抵玩（話晒直航得曼谷航空做獨市生意，極難有平）。另一隻認真搞鬼：來回淨機票HK$1,740起，連稅HK$2,429，出發日期為1/9 – 26/9；3/10 – 16/12，”特點”係逗留日子最長只有3日，加上去程指定坐下午機PG806（16:15 / 18:35），回程指定坐早機PG805（11:10 / 15:15），得番一日喺蘇梅島，真係遊機河咩@.@！唔建議買。最後出票日期為6/4。

網址：www.bangkokair.com

（覺得抵請記得按Like同Share俾朋友）

1月係蘇梅島旺季（天氣好嘛），想要平機票？只要唔嫌停留日數少，呢隻諗得過：曼谷航空推出快閃蘇梅島劈盤，出發日期為04/01 – 26/01，來回淨機票HK$2,099（去程週日／一／二出發，連稅HK$2,800）或HK$2,309（去程週三／四／五／六出發，連稅HK$3,010），特色係停留日子最長只有3日（頭尾計），想玩耐啲？就要俾多HK$1,300，想平定想玩耐啲？自己諗。至於航班時間，一係早去早返（08:45去，11:35返），一係午去午返（17:05去，17:25返），時間麻麻地。官網冇得訂，上ZUJI啦！

網址：www.zuji.com.hk

（覺得抵請記得按Like同Share俾朋友）

每年農曆新年，泰國一定勁多人去避年，尤其係今年大年初一提前至31/01/2014，所以如果您都想去，依家要計劃定啦！Check過各大酒店網，發現Expedia.com.hk有一批泰國酒店平貨，不但冇特別加價，仲有折扣，當中唔少係4至5星級，咁真係要落足眼力睇真啲。我哋特別以31/01/2014（年初一）入住03/02/2014（年初四）走為例（4日3夜，即係連假都唔請），為大家搵出以下精選平盤，地點網羅曼谷／華欣／蘇梅島／布吉四大旅遊城市，由3.5星至5星不等，部份折扣高達三折，希望幫到您慳錢啦（話晒新年機票唔平）！總之睇啱就要立即卜，旺季平酒店，真係快手有快慢冇。

想查詢其他日子？請上：www.expedia.com.hk

貼士：

1. 眾多酒店中，最推介曼谷Centre Point Hotel Chidlom（訂購網址：http://flyagain.la/sb5i），距離Chitlom BTS只係5分鐘，Centre Point集團質素一向有保證，新年每晚連稅平均只係HK$607起，性價比超強；其次係華欣The Rock Hua Hin Boutique Beach Resort（訂購網址：http://flyagain.la/wcms），超新型格裝潢，又喺海灘旁邊，每晚連稅平均HK$1,295，仲可以住3大1小，抵啦；布吉我哋會推介Alpina Phuket Nalina Resort & Spa（訂購網址：http://flyagain.la/f4v8），屬大型渡假村，設施夠齊，啱晒一家大細住，每晚連稅平均HK$1,207，又可以住3個大人添！

2. 除咗以下例子，呢批酒店其他日子都有平（甚至更平），入住日期由依家至31/03/2014，最後訂房日期為08/12/2013，所以如果您睇啱以下邊間酒店，請照Click訂購網址然後更改入住日期。

3. 註有*者之酒店，同一價錢最多可以住3位成人，註有+者之酒店，同一價錢最多可以住3位成人+1位兒童（即係拉勻每人再平啲）

4. 房間價錢及供應將不時變動，以下列出之價錢以25/11/2013搜尋為準，售完即止。

（覺得抵請記得按Like同Share俾朋友）

好多Fans都想要直航蘇梅島平機票，但奈何得曼谷航空獨市經營呢？點知佢突然劈價：來回淨機票HK$1,490，連稅HK$2,163！平時淨機票都要HK$3.5K啦！出發日期為1/11 – 15/12，機票有效期7日。咁平，梗係有代價：1. 去程限坐PG806（17:05/19:20），回程限坐PG805（11:35/15:55），頭尾冇咁兩日；2. 11-12月係蘇梅島雨季，陽光唔夠，要有心理準備（淨係想留喺Resort避下靜歎下世界嘅，呢隻Fare依然值得入手），最後出票日期為31/7。

網址：bangkokair.com

（覺得抵請記得按Like同Share俾朋友）

雖然曼谷航空近排做香港<->蘇梅島直航優惠，不過如果想旺季去，咪玩啦！邊會咁So？都係用番我哋成日教嗰招：經檳城轉機。香港<->檳城就搵國泰（佢耐唔耐就整隻fanfares HK$990），至於檳城<->蘇梅島，就梗係搵番馬航屬下嘅廉航：飛螢航空（Firefly）幫手！依家佢又推出$0機票優惠：30天預售，機票$0，連稅及油附來回就MYR 298（HK$775），加埋國泰張機票，連稅有機票平到HK$2,500起，仲可以一雞兩味玩晒蘇梅同檳城兩地（由於回程駁唔到即日機返港，建議回程先玩檳城），一向係幾Good嘅平遊方法。Check過飛螢系統，$0機票唔難搵，暑假聖誕甚至連明年農曆新年都有，最後出發日期仲去到明年29/3添！年頭係蘇梅旅遊旺季，雖然要接遠期期貨，但呢口價加上揀啱旺季去，依然值得入手先。

網址：www.fireflyz.com.my

（記得按下面「讚好」Share俾Facebook朋友）

好多「又飛啦！」Fans都問我哋，究竟點樣飛蘇梅島最平？Well！由於直航只有曼谷航空，獨市生意，所以價錢一直高企，除非轉機。不過當蘇梅旅遊旺季已過，進入五至十月嘅雨季，曼谷航空為求搵食，都要諗下計！佢低調推出來回劈盤：淨機票HK$2,820起，連稅HK$3,612起，出發日期除咗七及八月外，去到十月都有。相比旺季價錢連稅起碼索您五六千，依家叫住劈咗HK$2K，算係大手筆，當然代價係搏有冇雨落喇！咁就睇您好唔好彩：小弟試過淡季去，都有陽光日子，亦有落雨日子。要平定要陽光保證，自己考慮了！官網冇得賣，上ZUJI發掘下啦！

網址：www.zuji.com.hk

（記得按下面「讚好」Share俾Facebook朋友）

好多Fans都想平飛蘇梅島，之不過……曼谷航空極難有平盤！想去玩Full Moon Party又想慳啲駛，又要搵飛螢航空（Firefly）幫手喇！其實我哋「又飛啦！」都介紹過呢個方法：先由香港飛去檳城，然後轉飛蘇梅島，回程玩埋檳城先走。依家飛螢航空又再推出$0機票優惠，只要俾稅就得，來回MYR293，折合HK$733，再配合國泰檳城平機票，來回淨機票HK$1,400起，連稅HK$2,168起，加埋兩套來回機票都係HK$2,900，比直航蘇梅島平近半，仲可以順便玩埋檳城。未聽過飛螢航空？其實佢係馬來西亞航空旗下子公司嚟，專飛國內短途航線，質素有保證。提提您：香港去檳城嘅國泰機票，記得揀CX633（08:20/11:55），咁先可以駁到飛螢航空嘅FY3602（14:25/14:55），至於回程，由於飛螢航空嘅FY3603（15:15/17:45）點都駁唔到國泰返港班機，所以需要留一日檳城，索性喺呢個美食之都食過痛快吧！飛螢$0機票最後出發日期為30/11，Check過系統，供應量仲算充裕。

網址：www.fireflyz.com.my

（記得按下面「讚好」Share俾Facebook朋友）

漏夜都同大家講呢隻$0機票，雖然唔係香港出發，但都有賣點：馬航屬下嘅飛螢航空（Firefly）剛推出$0機票，出發日期為12/12/2012至12/6/2013，馬來西亞城市出發，無論內陸線抑或國際線（例如檳城／吉隆坡蘇邦飛蘇海）都搵到$0選擇。Check過系統，暫時唔太難搵到$0機票，連4月份復活節都有（例如檳城來回浮羅交怡，31/3去2/4來回；檳城來回泰國蘇梅島，2/4去11/4返，可能馬來西亞冇復活假放卦）！您只要俾番油附連稅就得（前者RM120/HK$312，後者RM394/HK$1,024），再配番張AirAsia香港<->檳城機票就得。呢一刻復活節AirAsia賣香港<->檳城來回機票連稅大約HK$2.5K左右，唔介意等一等，可以先入手呢張飛螢平機票，再等下AirAsia稍後可能開倉時先補飛，不過如果太多人去，就無謂搏，依家一炮過買埋啦！話晒復活節一遊兩地連稅都只係HK$3K左右，仍屬抵買範圍呢！提提您：雖然飛螢係廉航，但亦會免費提供每人20kg行李寄艙服務。

網址：www.fireflyz.com.my

（記得按下面「讚好」Share俾Facebook朋友）