又有新航線！講緊嘅係港龍，由28/3起開辦香港<->越南峴港直航服務，每逢週二／四／日各對飛一班，去程KA220逢週四／日KA220（08:00/08:55），週二（15:50/16:50），回程KA221逢週二（19:05/22:05），週四（09:50/12:50），週日（10:05/13:05）。呢條航線暫時得港龍獨市經營，所以首航價未見超級筍：淨機票HK$2,100，連稅HK$2,829，咁點解都要報呢？哈哈！因為估佢遲早會步仰光後塵，成為fanfares常客！峴港嘅陽光與海灘一直深受全球旅客愛戴，以前要轉機，四月起有直航，慳番唔少時間，咁就要睇實啦！今次記存下先，遲啲郁手都未遲。

網址：www.dragonair.com

（記得按下面「讚好」Share俾Facebook朋友）

近呢幾個月，越南機票價錢已經被國泰fanfares + 港航劈到落花流水！對手越南航空梗係要做番啲嘢啦！佢剛剛推出一隻超正筍盤，賣點唔係最平（fanfares越南淨機票每次都係幾舊水而已），而係時間超靚！去程逢一／三／五搭VN599（07:55/09:25），回程逢二／四／日搭VN598（18:30/21:55），早去晚返，淨機票HK$1,384，連稅HK$2,147，機票有效期14日，出發日期為1/2 – 5/2；16/2 – 26/3，週五早上上機，週日最夜時間返港，真正玩足三日兩夜嘅Crazy Weekend！官網未有呢個價，上真旅網買啦！

網址：www.travelzen.com

（記得按下面「讚好」Share俾Facebook朋友）

17:17 11/11 Update：漏洞似乎已被封了！

又有大漏洞益街坊！今次係酒店，是咁的，有間越南胡志明巿4星酒店Royal Lotus Hotel Saigon，正價每晚HK$1,000以上，有特價都接近HK$600一晚啦！點知被我哋「又飛啦！」發現其官網預訂由依家到明年年底房間，有唔少日子嘅Best Internet Rate竟然標價每間每晚US$8（HK$62.4），連稅US$9.24（HK$72.1）！慳足九成以上！仲要喺比較高級嘅Classic Wing Premium Deluxe！戶又大啲，又有免費Wifi+迎新飲品+水果，仲可以俾你免費取消訂單（但最遲須於入住前72小時提出）！咁著數竟然HK$72.1一晚？擺明係酒店Set錯價啦！Check過系統，呢啲價主要集中喺2013年，版主結果都book咗三晚五月份嘅Weekend房間，有圖有真相！呢個漏洞好快會冇，Book咗先，遲啲先搵機票，輸一百幾十冇壞（況且仲可以免費退房呢）！最後提提您：用一般電腦上官網係訂唔到呢批漏洞房（睇就得，訂就去唔到付款頁面），只有透過呢條手機版訂房Link訂購：mobile.fastbooking.com，先可訂到US$8房，手續亦好簡便，快啲手喇～

酒店網址：www.royallotushotelsaigon.com

（記得按下面「讚好」Share俾Facebook朋友）

國泰好耐冇做限時劈價，今晚零晨開始佢又開倉喇！今次目的地有三個：曼谷HK$990（未連稅，下同），胡志明市HK$1,790，悉尼HK$3,390，出發日期各有不同：曼谷就1/11 – 14/12（Under HK$1,000搭國泰，合埋雙眼搶啦！），胡志明市1/9 – 30/9（算係Last Minute Offer，比平時平成千蚊），悉尼1/10 – 9/11（春天咋喎！未熱番晒，嗯～～），開倉日期至本週六1/9午夜00:00前。Check過系統，呢一刻曼谷仲有唔少位，早去午返都得（例如去程CX755 09:40/11:25，回程CX754 12:40/16:25），不過好可惜所有週日回程都被國泰Hold起晒！胡志明市就全部都有；悉尼優惠期雖然包括10月及11月，但系統只係放咗10月尾打後嘅飛，唔知點解？Anyway，逢係國泰限時劈價嘅，今晚臨瞓前好搶啦！聽早起身先？唔知仲有冇靚日子呢？

網址：www.cathaypacific.com

（記得按下面「讚好」Share俾Facebook朋友）

今早我哋「又飛啦！」先介紹咗越南航空平機票，雖然佢暫時只推出9月份Offer，但相信10打後出發嘅平機票會陸續有嚟（最好國泰／港龍都減啦）！今次就介紹一隻越南新廉航VietJet（2011年12月先開航，專走內陸線）筍盤，佢今日起一連三日（24/7 – 26/7）每晚21:00 – 00:00，會推出一隻超平優惠：胡志明市飛著名沿海渡假城市芽庄（Nha Trang），淨機票單程竟然只需HK$7.02（US$0.9），來回連稅只需HK$48（US$6.18）！記住！係連稅連油附！單程搭巴士入香港機場都唔得啦！真係劈盤中嘅XO！至於時間方面，胡志明市出發為晚上20:30/21:25，芽庄回程晚上22:00/22:50，一小時機，出發日期由3/8至30/12，但不包括31/8 – 30/9。Check過系統，10月打後供應量尚算充俗。芽庄海灘唔錯架！去越南簽證費唔平，一於玩多幾日去埋芽庄啦！

網址：vietjetair.com

（記得按下面「讚好」Share俾Facebook朋友）

都有一段日子冇介紹過越南筍盤，今次就介紹越南航空9月平機票優惠，最後出發日期為24/9，無論你飛河內抑或胡志明市，14日有效期機票，價錢一律HK$1,440起，連稅HK$2,159起，唔係最平，但都平過國泰/港龍千幾，起碼越南航空都係穩陣型加上少Delay，HK$1,440係值嘅！飛胡志明市VN595（15:20/16:45），回程VN594（10:40/14:20），飛河內VN593（14:30/15:30），回程VN592（10:40/13:30），午去早返．Check過系統，雖然唔係日日有，但供應量仍算不俗，不過提提您：去越南旅遊要申請簽證，宜預多少少時間處理。

網址：www.vietnamairlines.com

（記得按下面「讚好」Share俾Facebook朋友）

國泰好耐冇推出限時劈價盤，今日終於返嚟啦！今次佢揀咗新加坡／上海浦東／胡志明市嚟劈，出手極狠，全部一律平到淨飛HK$990，以連稅價計，新加坡就HK$1,790、上海HK$1,727，胡志明市HK$1,757，出發日期去到12/7（即係Last Minute啦），暑假唔包當然有啲失望，不過算啦！胡志明市極少平成咁，首選！上海就真係睇你心水，因為佢只能搭番國泰航班，港龍唔得，但國泰班次疏；新加坡以廉航價搭國泰，當然正斗！優惠去到本週六（16/6）23:59咋！

留意位：

1. 出發日期：往新加坡 – 25/6 – 12/7；往上海浦東- 17/6 – 12/7；往胡志明市 – 17/6 – 28/6 及 2/7 – 12/7日

2. 機票有效期：2 – 7日

3. 航班限制：此優惠只適用於由國泰航空營運的航班。香港往新加坡只適用於CX659/CX691/CX635/CX711，新加坡往香港只適用於CX650/CX690/CX636/CX714

網址：www.cathaypacific.com

（記得按下面「讚好」Share俾Facebook朋友）

港航好耐都冇玩限時劈價，今日又嚟料了！8/6 – 28/6出發飛桂林HK$950（未連稅，下同）；8/6 – 28/6以及1/7 – 12/7出發飛三亞HK$750（依家官網做緊HK$1,280），越南河內HK$950（河內少有特價，供應亦緊張），最後出票日期為本週六9/6，機票有效期2-7日例牌菜。官網暫時冇，上真旅網訂啦！據聞仲有東京HK$1,560優惠添！不過真旅網同Zuji都未見蹤影，唔知遲啲官網都有得賣時會否加入埋東京呢？留意啦！

網址：www.travelzen.com

（記得按下面「讚好」Share俾Facebook朋友）