廉航HKExpress今日推出首爾及釜山暑假平機票，咁酒店呢？去Expedia.com.hk訂啦！佢今日起同步推出首爾／釜山／濟洲劈房，最平5折起，入住日期為3/6 – 31/8，暑假？冇問題啦！特價房仲可以用埋佢9折Code，雙劍合壁，劈得超值！Check過系統，有4間首爾平房值得推介：1. Kyo’s House（http://flyagain.la/kats），單人房最平HK$327起（未連稅，未用折扣Code，下同），雙人入住亦只係HK$400，位於首爾站附近，搭機場鐵路到總站行5分鐘就到，就腳！2. 新村愛威爾 8 服務公寓酒店（http://flyagain.la/ba8b），位於勁多年青人出沒嘅新村／梨大區域，冇咁遊客Feel，而且好多店逛，個人推介！雙人房每晚HK$653起；3. Hill House Seoul（http://flyagain.la/ck7j），位於南大門及明洞中間，行去兩度都係10分鐘之內，賣點係房間超大，擺多幾件行李冇問題，雙人房每晚HK$497起；4. Hotel Seven Street Myeongdong（http://flyagain.la/eu2u），呢間位於地鐵站乙支路3街旁邊，行去明洞或東大門只係10分鐘左右，無論日頭（明洞）或夜晚（東大門）都有大把好嘢Shopping，雙人房每晚HK$615起。仲有其他酒店有平，詳情可去番Expedia.com.hk望望，最後訂房日期為16/6。

Expedia.com.hk 9折訂房Code：GOTCHA2014

網址：www.expedia.com.hk

（覺得正請記得按Like同Share俾朋友）

星星平房降臨！Expedia.com.hk首爾暑假酒店5折起，兼可用9折Code

廉航HK Express（香港快運）剛於零晨00:00推出暑假超平飛：出發日期為1/7 – 31/8，不過供應量預咗唔多，所以今晚要搶咗先好瞓！來回計，昆明HK$510起（連稅HK$983），沙巴HK$560起（連稅HK$1,079），檳城HK$930起（連稅HK$1,449），清邁HK$930起（留意有紅色旅遊警示，連稅HK$1,460），大阪HK$1,030起（連稅HK$1,771），首爾HK$1,110起（連稅HK$1,835），釜山HK$1,250起（留意呢條航線7/8後先開航，連稅HK$1,936）。航班限制方面，大阪限晚機去零晨機返，其他航班冇限制。以上價格不包行李寄艙及飛機餐，不過佢訂位時預設來回揀20kg行李，唔要記得剔走佢。最後出票日期為5/6。

提提您：如訂購成功，強烈建議先Screen Capture或影相，因為快運有時好耐都冇確認電郵寄番，呢個號碼方便您向快運追查機票狀況。

網址：book.hkexpress.com

（覺得抵請記得按Like同Share俾朋友）

暑假超旺季平飛！HK Express來回昆明$510，沙巴$560，檳城清邁$930，大阪$1,030，首爾$1,110，釜山$1,250起，8月31日前出發

HK Express剛開售今年9月至明年3月嘅早餐盤，來回價錢如下（不包行李寄艙及飛機餐）：

清邁HK$60 (連稅HK$589)
昆明HK$60 (連稅HK$533)
沙巴HK$80 (連稅HK$598)
台中HK$160 (連稅HK$599)
檳城HK$120 (連稅HK$638)
布吉HK$140 (連稅HK$669)
釜山HK$720 (連稅HK$1,406)
福岡HK$860 (連稅HK$1,441)
大阪HK$760 (連稅HK$1,501)
東京HK$960 (連稅HK$1,672)
首爾HK$960 (連稅HK$1,685)

出發日期方面，沙巴/福岡/首爾/釜山旅行日期由01/09/2014 – 25/10/2014；台中/昆明/清邁/布吉/檳城/東京/大阪由01/09/2014 – 28/03/2015。

來回連稅HK600以下者，合埋雙眼買一定冇輸！東京亦算OK抵，韓國線反而唔算太平，快啲搵腳去搶票啦！最後出票日期為21/5。

網址：http://www.hkexpress.com/

（覺得抵請記得按Like同Share俾朋友）

爆平早餐盤！即搶！HK Express全線11個目的地大劈，來回$60起，連稅$589起，9月至明年3月出發

夜媽媽都出Post，梗係有特別嘅筍盤流出啦！HK Express（香港快運）早前預告開新航線，全人類以為係寧波，點知竟然係釜山！真係估您唔到：7/8啟航，每逢一／二／四／六／日對開一班，雖然日日時間唔同，但總算早去午返，有得做喎！依家佢個新System（其實未正式運作，有彈票風險）已經開售中，舊System就冇，來回淨機票HK$740起，連稅HK$1,425，連8月超級黃金月都有呢口價，咁梗係買咗先好瞓啦！聽早起身一定冇lu（留意佢新系統來回已預設訂20kg行李共HK$300，唔要記得取消先俾錢）。

航班時間如下：

香港去釜山：UO1673 9:30 / 13:50（週一）；13:05 / 17:25（週二）；10:20 / 14:40（週四）；13:05 / 17:25（週六）；12:35 / 16:55（週日）
釜山去香港：UO1674 14:25 / 16:50（週一）；18:10 / 20:35（週二）；17:10 / 19:30（週四）；18:25 / 21:00（週六及日）

網址：http://book.hkexpress.com/　（新系統，舊系統仲未有得賣）

訂快運機票，請留意以下3點：

1. 如訂購時見到：機票預定成功，工作人員正在處理的字眼，但又冇俾過任何錢，即代表失敗，請重新訂過！

2. 如訂購成功，強烈建議先Screen Capture或影相，因為快運有時好耐都冇確認電郵寄番，呢個號碼方便您向快運追查機票狀況。

3. 如有任何問題，請第一時間致電Hotline 3902 0288，記得揀英文，好快有人接聽，揀中文十世冇人聽！

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

突發！午夜爆搶！新航線！HK Express 8月暑假飛釜山來回$740起！

有一個好消息同一個壞消息同大家講，先講好嘢：韓國觀光公社聽日早上10點，會聯同四間韓國航空公司推出Korea Crazy Fares第一輪機票優惠，香港來回首爾：濟洲航空HK$880起（連稅HK$1,524，限120張），易斯達航空HK$880起（連稅HK$1,710，限300張），真航空HK$990起（連稅HK$1,714，限120張）。另外有釜山：搭釜山航空，香港來回HK$888起（連稅HK$1,624，限300張），澳門來回MOP888（連稅MOP1,880，限200張），出發日期為10/5 – 16/7。行李寄艙方面，釜山航空／濟州航空／真航空已包20kg，易斯達航空包15kg。以價論價，唔係超抵，因為香港快運開倉連稅一般都咁上下價錢，搶唔到，唔駛灰心！反而留意佢呢幾日隨時開倉應戰呢！

搶飛方法：先去「韓友營」網站申請做會員（免費，網址：http://www.koreaplaza.hk），聽早（9/5）10點起Login入「韓國自遊瘋」頁面，佢會Show特價詳情，然後再Click去相關航空公司訂飛（易斯達航空冇得網上訂，只可以透過韓國旅行社訂票（電話：2301 2313）。

好消息講咗，咁壞消息呢？好簡單：今日申請做「韓友營」會員，但一直都收唔到確認電郵（因為要Click確認電郵內嘅Link先可Activate戶口，否則點Login都冇用），如果您之前冇成功申請「韓友營」戶口都好大機會買唔到，建議大家聽日直接撲去濟洲航空／真航空／釜山航空官網搶啦！話唔定都有貨賣架！

濟洲航空：http://en.jejuair.net/

真航空：http://www.jinair.com

釜山航空：http://www.airbusan.com

「韓友營」網站：http://www.koreaplaza.hk

（覺得抵請記得按Like同Share俾朋友）

明早10點開倉！名額1,040張！香港來回首爾$800起，香港及澳門來回釜山$888起

每年8月係全年機票最貴月份，但釜山航空今次突然賣大包，今晚00:00（未知計香港定南韓時間，一陣23:00去Check下）開倉派釜山靚米！出發日期為1/8 – 31/8，來回香港淨機票HK$1,388起，連稅HK$2,156；澳門出發淨機票MOP1,090起，連稅MOP2,081，機票有效期7日，最後出票日期為20/5，不過據之前開倉經驗，每班供應量唔多，唔駛幾個鐘就ByeBye，所以有心暑假飛韓國者，今晚要堅搶啦！

航班時間如下：

BX392 HKG 0205 – 0610 PUS 320 D
BX391 PUS 2135 – 0030+1 HKG 320 D

BX382 MFM 0205 – 0610 PUS 320 1,4,6
BX381 PUS 2150 – 0020+1 MFM 320 3,5,7

網址：www.airbusan.com

（覺得抵請記得按Like同Share俾朋友）

8月超筍盤！釜山航空香港澳門來回釜山$1,388起，今晚00:00爆搶！

又有暑假平機票，今次輪到釜山航空：7月份飛釜山，香港來回淨機票HK$1,388起，連稅HK$2,152，澳門來回淨機票MOP1,090起，連稅MOP2,081起，兩地旅客都有著數！Check過系統，如果香港出發，1/7 – 11/7先有咁平，12/7 – 31/7會貴HK$300，澳門7月中打後出發會貴MOP300 – 800不等，視乎供應。機票有效期7日，7月暑假用呢口價飛釜山，的確幾抵，有心去嘅依家要買啦！

航班時間如下：

BX392 HKG 0205 – 0610 PUS 320 D
BX391 PUS 2135 – 0030+1 HKG 320 D

BX382 MFM 0210 – 0610 PUS 320 1,4,6
BX381 PUS 2205 – 0100+1 MFM 320 3,5,7

網址：www.airbusan.com

（覺得抵請記得按Like同Share俾朋友）

飛韓國睇櫻花，仲未訂酒店？AirAsiaGo將於今晚00:00開倉賣首爾及釜山精選平房，限時5日，最低4折起，仲可以用埋佢10%折扣Code，雙劍合壁，抵上加抵，入住日期為28/3 – 30/4，正正係韓國櫻花開花期，房間一向都貴，一陣又睇下佢平成點？想知有乜酒店參與，可以上AirAsiaGo官網查下。

此外，佢更有一隻10%折扣Code：AAGTEN，呢隻Code可以訂韓國酒店之餘（可配合今次劈價一齊用，抵上加抵），仲可以訂其他國家酒店，包括台灣／泰國／韓國／新加坡／馬來西亞等等，總之唔係大型連鎖酒店就用得，又冇限最低消費，記住用呢個9折Code訂房喇！至於點用折扣Code？好簡單：只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”AAGTEN” 再按Enter就得（請留意：折扣只限純房價，稅及服務費冇得折）。

網址：www.airasiago.com

（覺得抵請記得按Like同Share俾朋友）