想去聖誕老人故鄉？卡塔爾航空呢個優惠正呀！香港經多哈來回赫爾辛基只需HK$1,844（連稅HK$4,002）起！呢條係10月份開航嘅新航線嚟，價格幾吸引，最正係聖誕節或農曆新年呢啲旺季都搵到。大家可以由赫爾辛基坐火車或飛機到Rovaniemi，就可以探訪當地嘅聖誕老人村（Santa Claus Village），而且仲有機會睇到北極光（9月至3月為極光旺季），過一個極難忘聖誕！如果想去其他歐洲城市，可以去程飛歐洲城市，Openjaw由赫爾辛基回程，都能夠組合出四千幾的平價（用多個目的地功能Search）。官網未有得賣，大家可到Hutchgo訂票。

【部分航點舉例組合參考】
香港->赫爾辛基->香港 HK$4,002起
香港->倫敦 // 赫爾辛基->香港 HK$4,197起
香港->巴黎 // 赫爾辛基->香港 HK$4,197起
香港->馬德里 // 赫爾辛基->香港 HK$4,245起
香港->斯德哥爾摩 // 赫爾辛基->香港 HK$4,410起
香港->曼徹斯特 // 赫爾辛基->香港 HK$4,430起
香港->奧斯陸 // 赫爾辛基->香港 HK$4,490起
香港->慕尼黑 // 赫爾辛基->香港 HK$4,527起
香港->米蘭 // 赫爾辛基->香港 HK$4,566起
香港->阿姆斯特丹 // 赫爾辛基->香港 HK$4,624起

【旺季參考日子】
聖誕節：12月25日去、2017年1月3日或之後返
農曆新年：2017年1月24/25日去、2月1日或之後返

【出發日期】10月10日至12月17日、12月25日至2017年1月25日、2月1日至3月1日
【機票有效期】2個月
【最後訂票日期】6月7日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

聖誕去聖誕老人村+睇極光！卡塔爾航空香港來回芬蘭赫爾辛基，連稅$4,002起，2017年3月1日前出發

俄羅斯航空雖然優惠唔係話好頻密，但每次推出優惠都好吸引吓，今次佢哋推出旺季飛歐洲平飛，價錢好抵呀，就以農曆新年出發為例：香港直航來回莫斯科只需HK$3,050（連稅HK$3,170）起。經莫斯科轉飛歐洲各市都有，但回程一定要揀莫斯科直飛香港先有最平價，舉例香港飛巴黎，來回由莫斯科返香港，連稅HK$3,538起。適用目的地仲包括：斯德哥爾摩、維也納、羅馬、威尼斯、倫敦、阿姆斯特丹、米蘭、布魯塞爾、馬德里、奧斯陸、布達佩斯、柏林、慕尼黑、法蘭克福等，航點眾多，未能盡錄，最正係以上航點都係做均一價HK$3,538起，真係幾抵！

但呢套飛真係有辣有唔辣，大家仲要諗埋接駁歐洲城市同莫斯科點搞，一般都係留意歐洲廉航，果度都要預一千蚊，如果回程唔係揀莫斯科飛香港就冇平價，要四千幾以上，舉例香港來回巴黎，連稅HK$4,372起，唔算話震撼平，以旺季嚟講就OK嘅。不如考慮淨係玩莫斯科，呢口價就真係最抵！至於出發日期由即日起至出年3月31日，農曆新年可揀1月24日（年廿七）或1月29（初二）出發，2月5日（初九）之後返；如果農曆年出發唔啱，聖誕節出發都有，可揀12月22/23/24/25日去、1月5日或之後返，大家可上Expedia香港出票，如果買Openjaw，就用多個目的地功能Search。

【出發日期】即日起至6月15日、10月10日至2017年3月31日
【機票有效期】165日
【最後訂票日期】售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

俄航旺季怒劈！香港直航莫斯科連稅$3,170，轉飛歐洲$3,538起，2017年3月31日前出發

坐十幾個鐘機飛歐洲，如果有筆直不如豪歎返次，呢次北歐航空推出商務艙大劈：香港經斯德哥爾摩來回歐洲只需HK$16,110起，連稅計：馬爾默HK$16,796起、哥登堡HK$16,802起、奧斯陸/卑爾根HK$16,829起、哥本哈根HK$16,936起、斯德哥爾摩（直航）HK$16,948起、阿姆斯特丹HK$17,271起、巴黎HK$17,385起、倫敦HK$19,021起等等，航點眾多，未能盡錄，亦可Openjaw不同城市往返。呢口價仲要係暑假出發，平時淡季正常價都要二萬幾，旺季就更加喇，同漢莎或者瑞航比較平成一萬蚊咁濟，所以一睇就知堅筍。北歐航空嘅長途商務艙配備可以完全平躺座椅，座位舒適兼歎美食美酒，上機時或等候轉機可使用貴賓Lounge，有高人一等嘅享受！

【出發日期】6月15日至8月31日
【機票有效期】最遲9月5日從歐洲返程
【最後訂票日期】5月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

商務艙大劈！暑假抵價！北歐航空香港來回歐洲$16,110起，8月31日前出發

上星期同報過漢莎航空「港歐廣/港歐台」組合，來回連稅HK$2,852起，平爆喇！唔知您有冇入手呢？如果未搵心水日子嘅，可以再上去尋寶睇睇，因為呢個組合出發日期延長到出年3月底，農曆新年都可以搵到呢個組合，舉例以2017年1月26日出發飛歐洲，2月7日從歐洲返程，2月8日香港飛廣州，來回連稅HK$3,386起（轉飛台灣HK$3,566起）。農曆年唔啱？聖誕跨年期都有，舉例以12月22日出發飛歐洲，2017年1月5日從歐洲返程，1月6日香港飛廣州。

如果唔明講緊乜，可以先睇返上次個post先（詳情按此：http://flyagain.la/39614），亦可參考上次嘅舉例去搵平飛組合。留意番Search出嚟的結果唔一定係來回都坐漢莎，視乎閣下揀選嘅航點有機會係坐同系嘅瑞士航空或奧地利航空，而且都係要轉機。第三程機飛廣州係坐港龍航空，如果飛台灣係坐國泰、港龍、長榮或華航。如果非旺季期間出發（例如10-11月、2-3月），其實價錢最低三千頭都做到，大家上Expedia香港，用多個目的地功能自行組合。

以上各價以不打算在香港中停計算（即係到港翌日或即日轉飛廣州或台灣），如打算在香港中停一段短時間再飛第三程，將以上價錢加約HK$500-800左右，行李就一定可以喺香港提取，如果諗住飛台灣，建議之後搭配HK Express由台中回香港的單程機票，或香港航空間中都會有由台北飛香港嘅單程平飛，變相拆開一次歐洲同台灣之旅。如果飛廣州仲簡單，可揀直通車或火車返香港。

根據上次經驗，大家有唔少疑問會成日問，不如小小編一次講過埋：

1. 可唔可以唔飛廣州？答案係建議飛埋，因為即日轉飛的話，行李有可能直掛到最終目的地。
2. 有冇里數儲？機票Class code係K，基本上係冇里數儲。
3. 我搵唔到平飛？因為平飛數量有限，而且唔係日日有，建議轉日子再試試。
4. 搵到平價但去下一步就變咗天價？原因有好多，可能因為平飛已賣完，您可選擇其他航班時間睇睇，或轉日子試試，或稍後時間再試一試。
5. 包唔包行李？票價已23kg行李寄艙配額。

希望以上問題會幫到大家。

【出發日期】9月11日至2017年3月31日
【機票有效期】1個月
【最後訂票日期】5月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

旺季有喇！漢莎「港歐廣/港歐台」農曆新年版！香港來回歐洲+單程飛廣州/台灣連稅$3,386起，2017年3月31日前出發

法航荷航呢兩間姊妹航空公司又嚟翻推歐洲優惠，今次轉機盤抵啲：經阿姆斯特丹轉飛歐洲各地淨機票HK$3,650起，連稅計：巴塞隆拿HK$4,162起、布拉格HK$4,164起、馬德里HK$4,552起、日內瓦HK$4,578起、哥本哈根HK$4,583起、里斯本HK$4,698起、布達佩斯HK$4,828起，今次優惠航點唔太多，其餘叫價五千以外就唔推薦了，當然以連稅四千鬆啲飛巴塞隆拿同布拉格就真抵，而且可Openjaw（不同城市往返）。

至於香港直飛阿姆斯特丹或巴黎，今次貴咗唔少，來回HK$5,030起，連稅計：阿姆斯特丹HK$5,364起、巴黎HK$5,621起，價錢只屬一般般，勝在聖誕旺季出發都搵到，舉例12月22/24/25/26日出發，過埋除夕同元旦，1月6日之後返都搵到，如果想旺季出發呢口價都可以出手喇，有興趣即到Expedia香港出票。

【出發日期】即日起至6月24日、9月11日至12月31日、2017年1月11日至17日
【機票有效期】1個月
【最後訂票日期】5月30日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

荷法航又翻兜！香港來回歐洲各地$3,650，直航阿姆斯特丹/巴黎$5,030起，2017年1月17日前出發

今個星期終於有阿提哈德Weekend Sale喇，今次優惠航點都幾吸引！香港出發經阿布扎比來回歐洲HK$2,939起，連稅計：阿姆斯特丹HK3,284起、蘇黎世HK$3,496起、巴黎HK$3,456起、布魯塞爾HK$3,967起、威尼斯HK$4,668起，以非「港歐X」組合嚟講，呢口價真係好抵，絕對值得入手範圍，仲可以OpenJaw，價啱時間靚都可以考慮吓。

如果想再平啲，有另一個選擇係回程唔飛香港轉飛曼谷，舉例香港飛阿姆斯特丹，回程阿姆斯特丹飛曼谷，連稅只需HK$2,652起。呢個玩法適合鐘意玩埋曼谷嘅朋友，建議加購一張曼谷返港的廉航機票，即可一個Trip玩盡歐洲同曼谷。

留意番，呢口價唔係日日有，常見於五月尾六月頭，官網無此價，如果訂香港來回，上Ctrip訂會平啲。如果想訂Openjaw回程飛曼谷，上Expedia香港訂飛（偏好的航空公司要揀阿提哈德航空先搵到）。

【出發日期】5月13日至10月31日 （旺季除外）
【機票有效期】1個月
【最後訂票日期】5月15日23:59或售完即止

【訂購網址】www.ctrip.com.hk 或 www.expedia.com.hk
【預訂教學】http://flyagain.la/34618 或 http://flyagain.la/31983
【又飛啦製作搭乘報告】（商務艙）http://flyagain.la/ey-bizclass、（經濟艙）http://flyagain.la/ey-flight-report

（覺得抵可用Whatsapp同LINE Share俾朋友架）

阿提哈德Weekend Sales！香港來回歐洲連稅$3,284起，回程轉飛曼谷$2,652起，10月31日前出發

漢莎航空推出即期出發歐洲優惠，因此深受大家熱愛的「港歐廣／港歐台」組合又嚟了，小小編好奇地搵返以前嘅Post，原來由我哋率先搵到嘅呢個組合，已經差唔多有一年了，時間真係快，講返正題，玩法都不厭其煩介紹多次：先由香港出發坐德國漢莎來回歐洲，返港後再送飛單程香港-廣州，來回連稅只需HK$2,852起，平爆呀！歐洲城市選擇眾多，包括阿姆斯特丹、米蘭、斯德哥爾摩、巴塞羅那、馬德里、哥本哈根、畢爾包、赫爾辛基等，如果最後一程唔揀廣州，揀單程飛台灣（台北/台中/高雄都得），連稅HK$3,292起，仲可以變相拆開一個歐洲同台灣之旅添。

先同大家搵吓「港歐廣」組合，舉例6月14日香港往歐洲，6月22日啟程回港，同日或24小時內轉飛廣州，來回連稅組合如下：
1. 香港->倫敦 // 畢爾包->香港 // 香港->廣州 HK$2,852起
2. 香港->倫敦 // 斯德哥爾摩->香港 // 香港->廣州 HK$2,859起
3. 香港->倫敦 // 布魯塞爾->香港 // 香港->廣州 HK$2,868起
4. 香港->倫敦 // 都柏林->香港 // 香港->廣州 HK$3,032起
5. 香港->倫敦 // 米蘭->香港 // 香港->廣州 HK$3,098起
6. 香港->斯德哥爾摩 // 斯德哥爾摩->香港 // 香港->廣州 HK$3,109起
7. 香港->赫爾辛基 // 華沙->香港 // 香港->廣州 HK$3,111起
8. 香港->盧森堡 // 里斯本->香港 // 香港->廣州 HK$3,137起
9. 香港->威尼斯 // 巴塞隆拿->香港 // 香港->廣州 HK$3,181起
10. 香港->維也納 // 奧斯陸->香港 // 香港->廣州 HK$3,294起
11. 香港->布魯塞爾 // 奧斯陸->香港 // 香港->廣州 HK$3,294起
12. 香港->倫敦 // 阿姆斯特丹->香港 // 香港->廣州 HK$3,314起

如果第三程唔想飛廣州，揀飛台灣嘅「港歐台」組合（台北/台中/高雄都得），同樣舉以上日子同目的地，將以上各價加約HK$300-500左右就得（以上面第一個例子轉成港歐台連稅只需HK$3,292起）。以上組合只屬舉例，大家去到Expedia香港訂飛，用多個目的地功能搜尋自行砌出心水組合。第三程機飛廣州係坐港龍航空，如果飛台灣係坐國泰、港龍、長榮或華航，隨您選擇。

以上各價以不打算在香港中停計算（即係到港翌日或即日轉飛廣州或台灣），如打算在香港中停一段短時間再飛第三程，將以上價錢加約HK$500-800左右，行李就一定可以喺香港提取，如果諗住飛台灣，建議之後搭配HK Express由台中回香港的單程機票，或香港航空間中都會有由台北飛香港嘅單程平飛，變相拆開一次歐洲同台灣之旅。如果飛廣州仲簡單，可揀直通車或火車返香港。呢口價主要集中5-6月份即期出發，但9-12月都可Search到以上組合，但價錢會貴啲，即刻上去搵您嘅心水組合喇。

【出發日期】5月13日至6月23日、9月11日至12月10日
【機票有效期】1個月，最遲12月15日返程
【最後訂票日期】5月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

咩話！漢莎「港歐廣/港歐台」三千有找！香港來回歐洲+單程飛廣州/台灣連稅$2,852起，12月10日前出發

諗住聖誕去歐洲嘅粉絲，埋嚟睇睇呢個直航筍盤啱唔啱你！依家香港直航阿姆斯特丹或巴黎來回只需HK$4,330起，連稅計：阿姆斯特丹HK$4,665起、巴黎HK$4,925起，以呢口價坐直航都好抵，最正係連聖誕旺季都有，舉例12月22日至27日出發，過埋除夕同元旦，1月4日之後返都搵到。至於經阿姆斯特丹轉飛其他歐洲城市都有平，連稅計：里斯本HK$4,299起、巴塞羅拿HK$4,343起、馬德里HK$4,353起、法蘭克福HK$4,358起、慕尼黑HK$4,369起、羅馬HK$4,478起、倫敦HK$4,768起，以連稅四千幾飛歐洲各地都抵，倫敦四千七更係靚價，其他城市過五千就唔介紹了！亦可Openjaw（不同城市往返），直航揀上面兩個城市，回程揀其他歐洲地方，都組合到連稅4千幾的平價！價啱即上Expedia出票。

【出發日期】即日起至6月24日、9月11日至12月31日、2017年1月11日至17日
【機票有效期】1個月
【最後訂票日期】5月7日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

聖誕出發！荷航/法航香港直飛阿姆斯特丹或巴黎連稅$4,665起，轉飛其他城市$4,299起，2017年1月17日前出發