日前報過阿提哈德航空優惠，價錢都抵，不過依家出多個折扣碼俾大家用，票價再有大約9折，抵呀！使用折扣碼「EYOFFER10」後，香港經阿布扎比來回歐洲各地HK$3,020起，連稅計：馬德里HK$3,403起、米蘭HK$3,438起、巴黎HK$3,631起、維也納HK$3,705起、柏林HK$3,724起、慕尼黑HK$3,770起、都柏林HK$3,773起、曼徹斯特HK$4,039起、倫敦HK$4,338起，航點眾多，未能盡錄，亦可以Open Jaw不同城市往返，舉例倫敦入、米蘭走連稅HK$3,416咋！價錢超抵，仲可一人成行，絕對正。

今次推介埋商務艙，都有超正筍價！用埋同一折扣碼後，來回機票HK$13,260起，連稅計：馬德里HK$13,943起、布魯塞爾HK$13,944起、米蘭HK$13,976起、蘇黎世HK$13,987起、羅馬HK$14,081起、維也納HK$14,245起、巴黎HK$14,521起、倫敦HK$15,590起。平時商務艙飛歐洲冇2萬蚊都走唔甩，依家萬三四蚊左右呢個水位真係抵玩。而講埋最著數之處，呢張飛Class Code係Z，儲落ANA Mileage Club有125%里數，以馬德里為例，可以賺到18,000里左右，即係送埋ANA日本來回經濟位機票俾您！機票亦可Openjaw（不同城市往返），舉例倫敦入、米蘭走連稅HK$13,939起！

雖然阿提哈德出發日子可以去到出年5月底，不過呢個Code嘅有效使用日期至3月底咋。如果想Openjaw就得用Multi-city功能Search，有興趣可到官網出票，記得Search前入Code，見到有星號即係有用到折扣Code。

【出發日期】10月3日至2017年1月24日、2月5日至3月31日
【機票有效期】1個月
【最後訂票日期】售完即止

【訂購網址】www.etihad.com
【預訂教學】http://flyagain.la/35306
【又飛啦製作：A330-200商務客艙搭乘報告】http://flyagain.la/ey-j-flight-report

（覺得抵可用Whatsapp同LINE Share俾朋友架）

超正！阿提哈德再9折！香港飛歐洲來回：經濟艙$3,020、商務艙$13,260起，坐商務再送日韓來回機票！2017年3月31日前出發

正呀！繼卡塔爾航空凌晨出完優惠，轉頭又到阿提哈德啦：香港出發經阿布扎比來回歐洲只需HK$3,210起，連稅計：馬德里HK$3,875起、米蘭HK$3,889起、巴黎HK$4,104起、都柏林HK$4,114起、柏林HK$4,197起、慕尼黑HK$4,224起、維也納HK$4,381起、曼徹斯特HK$4,513起、倫敦HK$4,813起，航點眾多，未能盡錄，亦可以Open Jaw不同城市往返。以非「港歐X」組合嚟講，呢口價都抵啦，仲可以1人成行，有興趣可到阿提哈德出票。當然可以比較埋卡航官網優惠睇睇。

【出發日期】9月18日至2017年6月30日（旺季除外）
【機票有效期】1個月
【最後訂票日期】9月5日或售完即止

【訂購網址】www.etihad.com
【預訂教學】http://flyagain.la/35306
【又飛啦製作搭乘報告】（商務艙）http://flyagain.la/ey-bizclass、（經濟艙）http://flyagain.la/ey-flight-report

（覺得抵可用Whatsapp同LINE Share俾朋友架）

阿提哈德Global Sales！香港來回歐洲連稅$3,875起，可Openjaw，2017年6月30日前出發

DBS MasterCard持卡人現在可以透過iGO Rewards，直接用DBS$就可以換全球機票及酒店，之前我哋就介紹過用DBS$412* 就可以換到長榮來往台北嘅機票（http://flyagain.la/38073），不過其實唔只短線廉航有so，連長線飛歐洲都有so㗎！

以坐阿提哈德航空香港經阿布扎比飛英國倫敦為例，透過iGO Rewards兌換來回經濟艙機票只需DBS$1,396起#，連稅只需DBS$2,157起，即係大概44,937里就可以換到連稅來回倫敦機票，比平時要60,000里先可以兌換到倫敦機票足足慳咗成15,000里，慳番嚟嘅里數又夠換多張長榮去台北嘅機票都仲有找，真係咪話唔正呀！

再舉多個例子，坐荷蘭皇家航空經阿姆斯特丹飛西班牙馬德里，透過iGO Rewards兌換來回經濟艙機票只需DBS$1,829起#，連稅只需DBS$2,499起，轉換里數的話即是以大概52,062里就可以換到來回馬德里嘅機票，真心夠晒抵。就算唔夠DBS$，都可以用港幣補差額，夠哂靈活，換比自己或者朋友都方便！

想知幾多DBS$可以換到幾多飛行里數？iGO Rewards網站右上方有飛行里數計算工具，只要輸入DBS$銀碼，便可以即時計算可換到的飛行里數，例如阿提哈德航空飛倫敦所需嘅DBS$2,157可換到44,937里Miles。
（註：此飛行里數計算工具只作參考用途。就DBS Black Card以言，每DBS$48可兌換為1,000里數；就其他信用卡而言，每DBS$60可兌換為1,000里數。）

另外，提番大家DBS Black World MasterCard持卡人享有獨家55折換領優惠，本地消費每HK$250更可賺DBS$2，計落真係夠哂抵呀！

阿提哈德航空－倫敦
預訂日期：即日至2016年4月20日
出發日期：即日至2016年6月30日

荷蘭皇家航空－馬德里
預訂日期：即日至2016年4月29日
出發日期：即日至6月24日、9月11日至12月31日、2017年1月11日至1月17日

# 不包括稅項及附加費。
* 適用於DBS Black Word萬事達卡持卡人。其他DBS萬事達卡持卡人須以DBS$750起兌換。

詳請: http://go.dbs.com/hk-iGO

哇！爆抵呀！DBS$1,396坐阿提哈德飛歐洲，即上DBS iGO Rewards兌換

上星期先介紹完阿提哈德航空嘅Weekend Sales，今個星期阿提哈德航空又推出全新優惠，香港來回倫敦只需HK$3,930，呢口價飛倫敦連稅唔駛四千蚊已經好吸引，點之原來可以再平啲。如果用Double Openjaw方法，回程唔飛香港轉飛曼谷，連稅更低至HK$2,049起（如圖）！二千蚊！係連稅呀！目的地城市不限，但係以去程飛倫敦，回程揀米蘭、羅馬或威尼斯先有最平價，大家可到Expedia香港，用多個目的地功能搜尋，組合出心水城市組合，提提大家：偏好的航空公司要揀返阿提哈德航空，同埋呢口價唔係日日有，二千蚊超筍價集中係五月出發。

另外仲有一個玩法，就係香港經阿布扎比飛歐洲，由意大利米蘭、羅馬或威尼斯返港，再加單程飛曼谷，連稅最低由HK$3,109起。如果想喺香港機場拎返行李，只需加百幾蚊，等大家返到香港後回家抖抖先，第三程飛曼谷最遲返港後隔日再飛埋。以上兩個玩法，只需另購曼谷返香港廉航機票（例如Airasia），來回連稅可以三千唔駛就玩晒歐洲同曼谷，太抵喇！

【出發日期】即日至6月30日（需於6月30日前完成旅程）
【機票有效期】一個月
【最後訂票日期】4月20日或售完即止

【訂購網址】www.expedia.com.hk
【預訂教學】http://flyagain.la/31983
【又飛啦製作搭乘報告】（商務艙）http://flyagain.la/ey-bizclass、（經濟艙）http://flyagain.la/ey-flight-report

（覺得抵可用Whatsapp同LINE Share俾朋友架）

暴搶價！阿提哈德航空香港來回倫敦連稅$3,930，回程轉飛曼谷連稅$2,049起，6月30日前出發