飛歐洲，最平可以去到幾盡？答案竟然唔駛HK$5,xxx！唔係漏洞，堅架！國航剛狼劈歐洲淡季機票，來回淨機票一律HK$2,590起，連稅計，日內瓦HK$4,846起，斯德哥爾摩HK$4,851起，馬德里HK$4,946起，米蘭HK$4,949起，羅馬HK$4,999起，雅典HK$5,105起，杜塞爾多夫HK$5,147起，慕尼黑HK$5,189起，巴黎$5,209起，法蘭克福HK$5,210起，倫敦HK$6,163起，來回仲可以Open Jaw（即揀不同城市往返），比起平霸卡塔爾航空仲要平成千幾蚊！事實上，4,xxx呢口價的確係近年罕見，Check過系統，雖然唔係日日都有咁平，但連農曆新年及大節日都有呢批價！咁就要快啲搶喇！機票有效期1個月，最後出發日期31/3/2014，最後出票日期為30/9/2013。

網址：www.airchina.hk

（覺得抵請記得按Like同Share俾朋友）

09:35am 25/7 Updated： 謝謝fans Judi Chiu指正，標題價錢已更改

10月雖然唔係暑假，但仲係南歐旅遊好季節，皆因天氣唔似暑假咁熱。仲記得小弟上年8月坐遊輪去意大利同希臘玩，天氣熱到爆燈！不過坐遊輪玩地中海的確非常方便，除咗省卻唔少搭飛機時間，又唔駛日日換酒店，兼且一個價錢包三餐包住宿包交通仲包埋船上精彩娛樂，保證唔會悶，呢種旅遊方法，其實好Fit講求實效嘅香港人。所以今次介紹一隻遊輪筍盤：坐Royal Caribbean嘅海洋領航者號（Navigator of the Seas），8日7夜玩盡意大利羅馬及西西里島 + 希臘雅典及哈尼亞 + 土耳其以弗所，喺羅馬上船及落船，每人淨船費HK$2,840起，連稅約HK$5,428起（包括港口服務費HK$1,365，碼頭稅HK$567，船上服務小費HK$656），比平時平一大截（我上年坐另一間郵輪，8月去同樣日數埋單都要HK$11K）！幫大家Check過，6/10，13/10同埋20/10都有呢個價錢。呢隻海洋領航者號，有1,557間房，最多可容納3,800+乘客，隻船有13萬8千噸夠晒巨型！包括有3層高嘅劇院，仲有溜冰場／滾軸溜冰滑道！當然仲有戶外游泳池，同埋大家至Like嘅賭場啦！至於香港羅馬機票，10月份搭卡塔爾同國航都幾抵，連稅約HK$6K左右，總之兩條數加埋一萬頭，唉！最衰我冇假啦！

溫馨提示：由於艙房供應情況及不同出發日子會使產品價格浮動，以上價錢只作參考並以報名時作準，詳情請向皇家加勒比國際遊輪香港代表職員查詢。

查詢電話：2316 1308

網址：https://www.facebook.com/RoyalCaribbeanHongKong

（覺得抵請記得按Like同Share俾朋友）

23/6 20:03 漏洞已封！

首發！起身！即搶！阿堤哈德航空有一個超大漏洞：由上海浦東機場出發，飛歐洲城市包括：巴黎／日內瓦／伊斯坦堡／羅馬／雅典，中停阿布扎比，來回淨機票人民幣CNY 300起（HK$379），連稅計，巴黎HK$3,363起，日內瓦HK$3,040起，伊斯坦堡HK$2,899，羅馬HK$3,305，雅典HK$3,260起，唔同城市往返都得，機票有效期長達1年！至於出發日期，非常廣泛，唔同城市有唔同出發日期，有啲連今年七月出發都有（例如伊斯坦堡），有啲去到2014年5月底都搵到（6月打後官網未開放訂位），建議大家去官網自行發掘，想快少少，可以利用http://www.skyscanner.com.hk，去程揀PVG，回程揀Everywhere，系統會幫您快少少搵到最平目的地／價錢／來回日期，但未必最準確，起碼提供一個貼士而已。

至於香港<->上海，春秋航空來回連稅HK$1K左右（不包行李寄艙及飛機餐），加埋都係三千至四千頭，去歐洲喎！建議先搶呢張漏洞機票，香港<->上海稍後等各大航空公司出特價飛先補回。

呢張機票改時間要CNY 500（HK$632），取消收CNY 1,000（HK$1,264）

漏洞嘅嘢，都係嗰句：手快有，手慢冇！

搵同一城市來回：http://www.etihad.com/en-cn/plan-and-book/book-flights/

搵唔同城市往返：http://www.etihad.com/en-cn/plan-and-book/book-stopovers/multi-city-booking/

（覺得抵請記得按Like同Share俾朋友）

法航剛剛再推出春季歐洲機票劈盤！今次比上次更平：淨機票HK$3,540，連稅後由HK$6,242起，出發日期為1/5到30/6，機票有效期最少五日或跨一個週日，最長一個月，非常夠用。地點則有八十多個，基本上法航飛得都有，巴黎梗係包括啦！直航連稅HK$6,242係非常有競爭力（除非國泰有fanfares），至於其他城市包括（須於巴黎轉機）：倫敦，曼徹斯特，愛丁堡，格拉斯哥，里斯本，巴塞隆拿，馬德里，日內瓦，蘇黎世，威尼斯，米蘭，佛羅倫斯，羅馬，布達佩斯，布拉格，柏林，哥本哈根，雅典，巴黎，尼斯，馬賽，波爾多，里昂，斯特拉斯堡……數之不盡！連稅大多係HK$7K左右，只係倫敦超貴係HK$8,401，咁就唔諗佢啦！留意：如果想中停巴黎，可以俾多HK$750就得。執筆一刻，Check過系統，供應量充足，有心趁春季感受浪漫又便宜嘅歐洲（春季酒店比夏季平好多，小弟啱啱去完），法航值得諗下（小弟亦剛剛搭完法航，啲飛機餐真係唔錯！服務亦有中上水準）。

網址：www.airfrance.com.hk

（記得按下面「讚好」Share俾Facebook朋友）

歐洲平霸三寶之一嘅卡塔爾航空又有新動作！今次玩限時劈：由依家到17/1前，訂購歐洲機票均有特價，出發日期到31/3（6/2 – 13/2農曆新年期間不適用），機票有效期1個月。來回連稅計，飛米蘭HK$6,009，羅馬HK$6,057，威尼斯HK$6,132，雅典HK$6,240，巴黎HK$6,275，巴塞隆拿HK$6,293，法蘭克福HK$6,566，曼徹斯特HK$6,621，倫敦希斯路HK$6,934起。其實呢批機票我哋7/11都報導過，不過依家咁Last Minute先嚟翻劈，價錢仲比上次平均平幾舊，唉！遲訂真係著數啲。當然啦！翻劈嘅，供應量點都少啲。

網址：www.qatarairways.com

（記得按下面「讚好」Share俾Facebook朋友）

自從國泰有fanfares後，大家突然覺得連稅HK$4-5K飛歐洲係天大奇聞：其實國航飛歐洲一直都好鬼平，連稅HK$5-6K左右，雖然唔係直航（北京轉機），但勝在可以預先買定，唔駛Last Minute先去馬（去歐洲唔同亞洲，好多行程要一早Plan定，唔可以咁即興），最緊要係唔限死來回日子！最近國航靜雞雞將明年歐洲早餐盤放入官網，飛歐洲最平HK$2,990淨機票有交易，平之餘，最後出發日期更長到30/6/2013！其他航空公司冬春優惠只去到30/3，國航真係貫徹「歐洲平霸三寶」本色喎！有效期為1個月，咁即係六月尾去七月尾返都得啦！暑假喎！Check過系統，最平飛米蘭連稅HK$5,247，馬德里連稅HK$5,679（！），斯德哥爾摩連稅HK$5,614，羅馬連稅HK$5,742，雅典HK$5,852，巴黎連稅HK$5,943，慕尼黑連稅HK$6,102，倫敦格域連稅HK$6,176，倫敦希斯路連稅HK$6,296，法蘭克福連稅HK$6,228，好多都係五千幾六千頭，供應量暫時充裕（因為冇乜人知），早訂嘅鳥兒又有蟲食了～～

網址：www.airchina.hk

（記得按下面「讚好」Share俾Facebook朋友）

歐洲平霸卡塔爾航空繼4/9推出3日限時劈後，今日又嚟料（剛好2個月喎）！同上次一樣，晒冷式推出100個航點大劈特劈，最後出發日期由上次13/3延後至今次嘅31/5，五月飛歐洲，天氣唔太熱唔太凍，絕佳時機呢！價錢方面，熱門地點如雅典HK$6,664起（連稅，下同）、巴塞隆拿HK$6,520起、法蘭克福HK$6,800起、倫敦HK$7,178起、馬德里HK$6,560起、曼徹斯特HK$6,865起、米蘭HK$6,249起、巴黎HK$6,519起、羅馬HK$6,183起，至於馬爾代夫，最平去到HK$4,376起，復活節期間飛都只係HK$5,706起，絕對諗得過！冷門嘅，飛伊朗連稅HK$8,074起，聖保羅HK$13,018起，布宜諾斯艾利斯HK$13,090起。由於航點實在太多，建議各Fans上卡塔爾官網慢慢Search。機票有效期3日至1個月，最後訂票日期為9/11。

網址：www.qatarairways.com

（記得按下面「讚好」Share俾Facebook朋友）

夜媽媽都幫大家率先報導一隻新鮮滾熱辣嘅劈料，「又飛啦！」再度全港首報：歐洲平霸之一嘅卡塔爾今日零晨00:00起，一連三日推出全球100個城市劈價機票，出發日期為10/9 – 13/3（唔包括14/12 – 23/12聖誕節；2/2 – 20/2農曆新年），佢12/8號先至將3/10 – 15/10；1/11 – 14/12歐洲機票劈一次，估唔到今次翻劈之餘，連明年1至3月嘅機票都拉埋落水，況且地點更遍佈全球！就拎幾個熱門城市講下：香港飛米蘭HK$5,853（連稅，下同）、羅馬HK$5,865、巴塞隆拿HK$5,891、巴黎HK$6,189、馬德里HK$5,930、雅典HK$6,238、法蘭克福HK$6,459、曼切斯特HK$6,537、倫敦HK$6,802，歐洲線比上次劈價大約平兩三舊水，最驚喜竟然係馬爾代夫！連稅平到HK$4,168（主要集中喺明年），可謂史上最平（之前斯里蘭卡航空大劈價，連稅都要四字尾）！飛南美老遠嘅聖保羅亦只係HK$11,986，想知你心水城市有幾平，立即上佢官網Check下，趁今晚仲未有人知，買咗先好瞓呀！記住最後訂票日期為6/9，機票有效期3日至1個月。

網址：www.qatarairways.com

（記得按下面「讚好」Share俾Facebook朋友）